Thitto 14:14 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁴ Mpokathakathe cik animmakat tuththe tipuk tokït kin ana pul pꞌrek pokat cik apikkoik noruththe kwungkot ukul wopul iponyi kwonat cupul coili noca cokkattathe nothaap ana kiꞌrittang korre ikakiako ngngin ikkun.

Thitto 14:14 ပူးပေါင်းရင်းမြစ်များ

Maththa 13:30

Nokorronno arocokka mmïl appik acaꞌri cothokio akkakat. Nocaꞌri cen mpiꞌret ul iakio itti, cittokït nokkuttot takkaa annïꞌrïkïkko muꞌrukul muꞌrukul arothokꞌretta, ana annaꞌrntot mïl annona itharak thin thomïl.’”

Maththa 17:5

Anakka kwokat cik akwere, anuththe akkakat nipuk anoꞌrumat kin, apoꞌre akkakat nti inuththe apiꞌrekat itti, “Ukul win enni ia mpongothe ana mpopirat noka nan. Noccïkot lon lung.”

Markkoc 4:29

Ana amma mïl moꞌriat ana thuput thaat thothokio, kwaneko kiꞌrittang akwothokiat.”

Lukka 21:27

Nocaꞌri cen ukul wopul iponyi wimmakot inuththe anthan mpuꞌran ana nthrïk.

Ipranin 2:9

Anaruk oron thei thimmat oIeccuo ipa pothikkiettat potteik papotte nouꞌrupa wothothïlettat woKapik pakiettat cupul cothrïk inenni ana cothothiakineik akka kwoccokothe thiak akwiat, othakka itti nthoporot thoKapik kwianthet ul ncik appik.

Thitto 1:13

ana ithoꞌrkït thoꞌren ieꞌreꞌrapuruk na amuꞌru imonu ngaak iacco ikkoik pul pꞌrek pokat cik “Pungkot ukul wopul iponyi” kwokat pakot kret kukwit koꞌrumothe tacok ana kuꞌrat kokkattathe nothaap topere.

Thitto 1:7

Nantokatha, kwei panthan nnuththe, ana kït appik kimmak, ana manna ul ierok ngkathuk ana ul wonocapu appik woo ana ipo thiak. Amin.

Thitto 10:1

Ana mpapprimmakat uꞌrupa wothothïlettat woKapik wꞌrek iannalkakot aanthan ntothiꞌrot aanthan nocapu. Wokat wakot nuththe ana thumpil ica, toca tokat tungkot cïngkï ana tacok tokat millang molik.

Thitto 11:17

akin iꞌre itti, “Onïn thopiranung noka, Ili Kapik iakannalkakot, okkwi ipaik ana ipokat cik, akka ngkwonekot puꞌran pang iprïk ana ngkwaik pakkma ngngin.

Thitto 19:12

Kït kung kokat kungkot luꞌre lothik ana kwonat mupul moili noca moppot. Okin thokurrot kꞌran noka kung, anaruk pul pella pina kꞌran ken ook pulluk.

Thitto 20:11

Ana mpimmakathe prrok poili pipuk pïttïk ana okkwi ipokat cik akwikkoik nan. Capu ana thiꞌrot thollinok ana nthellakathe kaꞌran cik na akin ikkoik.

Thitto 6:2

Anokathakat cik animmakat capprththa cipuk tokït kin. Ana okkwi iparrothe tan ponat onnan pocopok ana copok ana kwakot pakiettat cupul ica ana kweot akwothalkot thoꞌrak ana okïcce ul nokaꞌran.