Roma 8:17 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁷ Ana inakka oron thanyukul nyoKapik, oron ana Kanang thapakkot naꞌrupu woKapik ia kapponekkenthet ton cik ana oMiccie, amma oron akkaik thaccokot thiak oron oMiccie, othakka itti aron oka ithrïk oron aththut.

Roma 8:17 ပူးပေါင်းရင်းမြစ်များ

Maththa 16:24

Ittina aIeccuo iꞌrekat ul iammakothok itti, “Amma okkwi ipongothe itti kwammakothin, kwonu itti kure noka kung akwoneko thapak thung akwommakothin.

Maththa 25:21

Ana opït pothïanthok tit itti, ‘Ngkwokkothe lon loporot, oung pul ipareko ipoporot ana ipaꞌrumo nolon. Ngkwoꞌrumot nolon laꞌrupu wotteik, mpethung lon laꞌrupu woppot ikkun. Aꞌrik athopira noka nopït pang.’

Lukka 12:32

“Lungkat lin, nokorronno ona nꞌre akka oththe pon popirat noka itti kwethet non ngili ngung.

Lukka 24:26

Nthomma itti oMiccie ponu itti kwaccokot thiak llon elli akwantiꞌriko ithrïk thungi?”

Iuanna 17:24

Ngappa, mpongothe itti ul ia ngkwethin wanïn oka aththut na anoka akin imma thrïk thin, thrïk itha ngkwethin akka ngkwongothin nci nomun acapu carthuk okuꞌretta ncik.

Ngre 14:22

akin opoꞌrie ul iammakothok than ana omareket kin akin oꞌrungkot ilon lothoccokot lon iloporot loIeccuo nomïkït, akin iꞌrekat kin itti, “Oron thonu itti thakkette ilon ilokithak aron tharthuk iꞌriko ingili ngoKapik ioporot.”

Ngre 20:32

APoluc oꞌrungkat nolon akwiꞌrekat itti, “Inenni mpethet non Kapik ikkun ana lon lothoporot thung ilapoꞌrienon than annoine ul iothikkiettat wupupure woKapik.

Ngre 26:18

anyinthet kin kït ana aukkwot kin nti iꞌrïmak anakin nokꞌran ana nti ikkun wopul pothopulut anakin ikkun woKapik itti alon len ilokithak occïkakot ana akin iot kaꞌran ithoꞌrkït thokkwion ithothakkat thupupure nthoccokot lon lin nomïkït men.’”

Roma 5:17

Ana amma thio thongwot ul appik akka lon ilokithak lopul pulukku, ittina thikkoik thakaik nopul pulukku cakuruk ook oIeccuo oMiccie ana thaka nakkwion ithacco thoporot thoKapik ana thethet nuthuk thung ithoppot.

Roma 8:3

Akka lon ila lon lothonceꞌret lon cik loMucca lokat lommat okkot, lokat lommat akka lon lonnon ilokithak ilaron thokwontat ngngin, anaruk Kapik kokkathe lon len nthothïot ukul wung ntan ngka kungkot kopul iponyi athoka papu pothokiot ngüccük cik nti ilon ilokithak. Ana oIeccuo popaꞌrekathe lon cik ilokithak nti ipul ipokithak.

1 Kurunthuc 2:9

Anaruk ammakka lokurrakot itti, “Pul pella ipimmat ana kunu kella ikaccïkothe, ana ngathꞌre ngella iokat nginat ilaKapik konekkinthet okkwion cik ithongothe lon lung.”

2 Kurunthuc 1:5

Ana ammakka oron thonu thaccokot thiak thoppot nti ilon loMiccie, ittina cakuruk oron thana thapiettot cik thoppot.

2 Kurunthuc 1:7

Ana thoꞌrïkot cik thïn ianon thaꞌrungkwot cik, akka onïn thina itti ammakka oron thaik thaccokot thiak appik, ittina oron thapiettat cik appik.

Kalaththia 3:29

Ana amma onon akkulukku ilon loMiccie menik onon more mAprein ana onon akkapakkot nothethiekot cik itha Kapik konekkenthet Aprein cik.

Kalaththia 4:7

Ittina onon thannoka iak pꞌrin anaruk onon thanyukul inyomura ana inyari nyoKapik ana menik Kapik kapakket non naꞌrupu wung iakonu appik.

Apuccuc 3:6

Lon ilamuꞌruttakot ncik lonu itti llon, iloporot loKapik, ul iakannoka woIouth wapakkot naꞌrupu nul woIccereil ana okin thaka ithun ika kulukku ana okin thonu itti okin thacco lon ilonekkettatheik ilanthan iaMiccie oIeccuo.

Pilippi 1:29

Akka onon thonu itti ntharekine oMiccie okorronno oka nthoccokot lon nomïkït tulluk anaruk nthoccokot thiak nti ilon lung.

Pilippi 3:10

Ila mpongothe appik itti mpina oMiccie ana puꞌran ipurukierok nti ithio. Mpongothe itti onïn thaccokot thiak ïnaththeꞌra aniat ïnaththeꞌra ammakka kwokkothe.

Kulucci 1:24

Mpopirat noka amma anoccokot thiak nti ilon lon. Akka mpaik pamartto thoccokot thiak itha Miccie paik paccokinthet ul ioccokothe lon loIeccuo.

Thiththoc 3:7

Kapik kothikkiet ton thoporot nti ithiak thung. Ana menik inenni oron thina itti oron thana thoꞌrïkot cik nomïkït thothikkoik thupuththuput.

Ipranin 1:14

Uꞌrupa wothothïlettat woKapik appik wakanang ikareko, okin thothïlathe akin athorekine ul iaik wathopakkot nothoꞌrettat.

Ipranin 1:2

anaruk nomaꞌri emmi imocothothe, kerenet ton nukul wung ia kwopakkethe naꞌrupu woththan appik ana ia kwokkothe capu ngngin.

Ipranin 6:17

Anakka Kapik kongothe itti kakene ul wung wothopakkot nolon itti thonekket lon cik thung thaik ïcat ana thakannoprttakoik, kwokkwanthet kin mio.

Iakup 2:5

Pangkingon nantoccïkot, Kapik akkakannakkaro ul iella aꞌrupu cik nocapu ncik appik akothikkiekin aꞌrthani nthoccokot lon loKapik nomïkït ana opakket kin nongili ngorothiꞌrori ia kwapponekkenthet ul cik iongothoki?

1 Poththuruc 1:4

ana okorronno aron oka itha athopakkot nolon lothonekket lon cik lothupuththuput ithakonnokïttako ana okorronno ingkot ana okorronno intat cik itha anguttanthet non cik tothiꞌrot,

1 Poththuruc 4:13

Anaruk nopira noka ana iththrako akka onon thaik thaccokot thiak onon oMiccie othakka itti annopira noka cannan amma thrïk thung thittakot ncik.

Thitto 21:7

Okkwion ithalkothe lon ilokithak, okin thapakkot nolon ana aꞌrupu enni appik ana mpaka Kapik ken ana okin thaka nyukul nyin.

Thitto 3:21

Okkwi ipalkothe lon ilokithak mpakorronnok ïnikkoik ïnaththut noprrok pin, ammakka mpalkothe lon ilokithak ana mpikkatheik onïn ongappa noprrok pung.