Pilippi 4:6 - LON ILOPOROT LOKAPIK NATHAM NꞌREK NNONATHAM NOMAꞌROT

⁶ Nokorronno opelle anaruk amma onon aꞌra ngaꞌrama nipittot Kapik aꞌrupu appik ianon thongothe ngngaꞌrama ana ipitto nci nocïkït. Nopirane Kapik nolon ila kokkothe appik.

Pilippi 4:6 ပူးပေါင်းရင်းမြစ်များ

Maththa 10:19

Anaruk amma okin occiccokot non, nokorronno ipo nꞌre itti onon thathiꞌre ngimpen ana manna itti onon thiꞌre lon len tat. Caꞌri cen onon thethettat lon ilanon iꞌre,

Maththa 13:22

Lon locïl icapothe ithoꞌrkït tholï lungkwiettat mpul ipaccïkot lon anaruk thirro cïkït nti icarak tholon lothikkoik ana thammikkot thothaꞌrathan thakorronno lon lung iliꞌrikot nocïkït alella ngre cik.

Maththa 6:34

Ittina nokorronno ipo nꞌre nolon lorrot akka ngorrot ngakatha lon loka kung. Akka caꞌri culukku conu lon lung prek.”

Maththa 6:8

Nokorronno oka karkken, akka oththe pon porothiꞌrot pina lon lon ila nthongothe, anon tharthuk ipittothok.

Lukka 10:41

AIeccuo othïanthok tit itti, “Marththa, Marththa, ngkwiꞌrikothe llon loppot ana ngkwonu kït nolon loppot.

Lukka 12:22

Ittina aIeccuo iꞌrekat ul iammakothok itti, “Ilen akka aniꞌrenthet non itti nokorronno opellene lon lothikkoik thon itti ngimpen akka annoꞌrko ana ngimpen akka annako.

Lukka 12:29

Ittina nokorronno onekket mïkït naꞌrupu ianon oꞌrko ana ïkko, nokorronno opellene lon len.

Lukka 18:1

Ittina aIeccuo iꞌrekat ul iammakothok lon nthokkwie kuru ncik, akwokenekin itti okin nthonu itti okin thaꞌra ngaꞌrama appinappin okorronno ocoꞌro ntit.

Lukka 18:7

Kapik kannonceꞌrenthet ul wung ia kwakkarot lon ciki, ioo ngkoꞌra ana icïngkï? Kaꞌrungkot nan opakkukkwet kini?

1 Kurunthuc 7:21

Amma ngkwokat piak akka Kapik kakkarorung, kirrnni opellene lon len. Ana amma ngkwiothe kathar ika apaꞌrine thoka piak cik, apaꞌrine cik.

1 Kurunthuc 7:32

Mpongothe itti onon thella nꞌre nothikkoik thon. Pul ipakirrnnipo pakwantot kathar ikakwopirie Ili oIeccuo ngngin noka.

2 Kurunthuc 1:11

ammakka onon thaik thittarot nïn ngngaꞌrama ngon. Ittina okin thoppot thapirane Kapik noka nti ianïn nolon iloporot ilettathenïn nti iaꞌrama ngoul woppot.

Apuccuc 5:20

Nopirane Kapik noka oNgappa nti ilon appik appinappin ngkꞌran koIli wonnon oIeccuo oMiccie.

Apuccuc 6:18

Ana naꞌra ngaꞌrama appinappin ngKanang nolon appik ilannipitto kurekkurek. Ilon elli ima nokorronno ikkoik ithuman noꞌrungkot nan aꞌrane ul ipupupre woKapik ngaꞌrama appik.

Kulucci 3:15

Nokorronno athomicco ithanthan naMiccie oka nomïkït athittarot non annïꞌrïko lon ilanon okkot akka thomicco enthi akka kwakkarothenon itti onon thikkoik tit ika kulukku koMiccie. Ana nthapira noka appinappin.

Kulucci 3:17

Ana manna ngre iannokkot ana manna lon ilanon eret, nokkot appik ngkꞌran koIli oIeccuo ana opirane Kapik noka oNgappa ponnon oMiccie ngngin.

Kulucci 4:2

Naꞌra ngaꞌrama appin appin ana oꞌrumoik ana opirane Kapik noka.

1 Thimiththaoc 2:1

Mpiꞌret non, onon appik lon ilonu itti laka cittokït nanon ithoccokothe lon loIeccuo, naꞌrane ul ngaꞌrama ana ipittinthet ul appik Kapik lon ilakin thongothe ana anon oka thopirane Kapik noka nakin.

1 Thimiththaoc 5:5

Curuma icella aꞌrupu cik ana icaik cokwentakot pellek caꞌrikot Kapik ana aꞌra ngaꞌrama itti akittarothok appinappin.

1 Poththuruc 4:7

Thocothakot tholon ncik appik thakko napuththut. Ittina occokothe ka kang papennang, accat kït cik aina akka aꞌra ngaꞌrama.

1 Poththuruc 5:7

Nethok lon lon ilomakethenon appik akka ook akkaik pakatha lon lon.