Pilippi 2:15 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁵ Othakka itti apul ella iparukwet non llon ilokithak onon itha nyukul nyoKapik ithoꞌrkït thothiki enthi thurat cik ana ithakannoccïkot lon ana wolon ilokithak, onon ithaccieik ere mothot morothiꞌrot.

Pilippi 2:15 ပူးပေါင်းရင်းမြစ်များ

Maththa 10:16

“Nantoccïkot, mpaik pathïot non ere lungkat ithoꞌrkït thomipa. Ittina noꞌrumoik ana oka thella lon ilokithak.

Maththa 17:17

AIeccuo othïat tit itti, “Onon ul iannoccokot lon loKapik ana iaul iokithak, oron thikkoik uraththungon manna kartha? Mpanongkwinthet non ilon manna kartha? Nonanin ukul cene.”

Maththa 5:45

Othakka itti anon oka nyukul nyoththe pon ipaik tothiꞌrot akka ook akkummienthet ul cïngkï appik iakkot lon lokithak ana iakkot lon iloporot ana apiene ul kapik iammakot kathar ika Kapik kongothe ana ul iakannommakot kathar ika Kapik kongothe.

Maththa 5:48

Ittina noka thoporot ammakka oththe pon porothiꞌrot poporot.”

Lukka 1:6

Okin oththuththeꞌra thokat thoporot tokït koKapik ana nthoccokothe lon loIli appik iliꞌrettat ana nthoꞌrumot nolon ilamakittat papenang.

Lukka 6:35

Anaruk ongathe ul iꞌrarung ana okkinthet kin lon loporot, ethet kin aꞌrupu akorronno oꞌrïkot cik itti okin thakkarttinung, ittina thocco tholon iloporot thon thaka thrïk ana onon thaka nyukul nyoKapik ikaik cittothiꞌrot akka kwoporot lon noul iakannopiranok noka ana iokithak.

Iuanna 5:35

OIuanna pokat kꞌran kothik ikoccot akocciekat cik ana onon thopirakathe noka ngkꞌran kothik thung papotteik.

Ngre 2:40

OPoththuruc perekanthet kin ana aꞌretto nakin llon loppot lonthoththomat itti, “Noꞌret ka kon nti ilon loul iokithak wonomaꞌri emmi.”

Ngre 20:30

Ana manna ul wꞌrek wuroko nti ianon aere ngkarra othakka itti akin opaꞌre ul iammakot oIeccuo ma cik ammakot kin.

Roma 16:19

Ul appik woccïkothe lon lothoccïkot lon thon, ana ittina mpopirat noka cannan nanon anaruk mpongothe itti onon thinaik papenang, annina ngimpen akkoporot ana ella lon cik ilokithak.

1 Kurunthuc 1:8

Kwaꞌrumo nanon thonthomat puccuk anon othakkakat thella thorukwettat cik nocaꞌri ica Ili wonnon oIeccuo oMiccie okkaprttako ntan.

2 Kurunthuc 6:17

Ilen akka Ili wiꞌrenet itti, “Ittina nopaꞌroik nti iakin ana opaꞌrinekin cik, Nokorronno othonto aꞌrupu wen wolon ilokithak, ana mpikkienon cik naun.”

Apuccuc 5:27

kwokkothe ittina akwothikkiene ka kung ul ioccokothe lon loIeccuo wollio wella nguꞌru nan ana orthin nan ana lon ilokithak ana kupupure ilaa thurikettacik thorukwettat llon.

Pilippi 1:10

othakka itti annina lon nti ipangken iloporot ana anon oka thupupure, ella thorukettat cik acaꞌri akkakat coMiccie.

Pilippi 3:6

Ana akka mpokat pongothe itti mpapirie Kapik noka, mpikkatheik anoccokiet ul ioccokothe lon loIeccuo thiak. Ana mpokat cik anoccot kït nolon ilocoꞌrotheik othakka itti anella lon cik ilamoloko.

Atham iaine ul woThocculunukkia 1 5:23

AKapik ikikkie ul cik woporot othikkienon thupupure othakka annoka thella alꞌrek ilokithak ika kon ana kanang kon nocaꞌri ica Ili oIeccuo oMiccie okkarttako ntan.

1 Thimiththaoc 3:10

Okin thonu itti okin thenekketta cittokït amma okin akkella lon cik ilokithak akin othakka ul ittarot ul ioccokothe lon loKapik.

1 Thimiththaoc 3:2

Pul iponu lon ikkun loul ioccokothe lon loIeccuo ponu itti paka pul ipella thorukwettat cik ana apona pari pulukku ana oka poꞌrumot noka kung ana oka pinaik nti ica ana oka pothiakinet cik ana oka pongothe itti ul wainok appik ana akwina ongkene ul.

1 Thimiththaoc 5:14

Ittina mperene muruma imarran itti amitta amokwono nyukul amokathakat lon lokaman ken othakka itti aul iꞌrat lon lonnon okorronno iot kathar ikakin ocungkworon ngngin.

1 Thimiththaoc 5:20

Ngkwonu itti ngkwaꞌretto noul iakkot lon ilokithak tokït koul othakka itti apilingon thꞌrek ipo nꞌre noKapik.

1 Thimiththaoc 5:7

Iꞌrethe ul lon elli appik ioccokothe lon loIeccuo, aul ella lon cik ilakin orukwettat ngngin.

Thiththoc 1:6

Pul iprïk pen iponu lon ikkun itti pella thorukwettat cik llon ilokithak ana apona pari pulukku ana nyukul nyung nyonu itti nyakorronno oka nyanyarot cik nuthuk ana nyonu itti nyaccïkot lon lung.

Thiththoc 2:10

Ana okorronno omunyet opingon. Anaruk akin okenekin itti okin thoporot lon ncik appik ana manna okin thettat aꞌrupu ikkun wopingon ittina okin thakorrnno ul angat lon loKapik kothoꞌret thonnon.

Thiththoc 2:15

Ongkenekin ana omereket kin ana othirriet kin cik ngili ngang ana okorronno okorronno opilin pꞌrek itti kwaccirong ngngin.

Ipranin 7:26

Pul iprïk ponoppan toKapik ammakka empi kwathïnthet ton ilon appik, kupupure ana kwella thorukwettat cik ana kwoꞌrillir kwopettakot nti iul iakkot lon ilokithak ana kwonthuttathe ithiꞌrot.

1 Poththuruc 2:12

Nikkoik thikkoik thoporot iul iomma lon loKapik, antoka manna itti okin tharuket non nthokkot lon ilokithak, okin thimma ngre ngon ioporot ana okin thamereket Kapik nocaꞌri icakanthan.

1 Poththuruc 2:9

Anaruk onon ul ikkarakot nti ipangken, ul wonoppan toKapik wotheret ithoporot, ul iupupure ana onon ul wung othakka itti anneret thoporot thung okkwi ipakkarot non nti iꞌrïmak akwonekot non nokꞌran kung ikacco ikoporot.

2 Poththuruc 3:14

Pangkingon inakka annoꞌrïkot cik nopoꞌra than cannan annoka thupupure ana annoka ikuꞌri annoKapik.

Thitto 2:5

Nokwarttikot lon ilopaꞌret non cik nti ikathar ikoporot, nopaꞌrine lon cik ilokithak annokkot lon iloporot ilanon thokat annokkettet ncinomun. Amma onon thakannopaꞌrineik ana mpainenon ana mpapaꞌre oꞌren cik na amuꞌru imonu ngaak iacco ikkoik.

Thitto 3:9

Ana okkwion ithammakot pul ponocuththun copul pothopulut ana ithapri itti okin ul woIouth ana okin thannoka anaruk okin thonu karra, mpakorronno kin akin athapot iracok ton ana akin ina itti mpongothenon.