Ngre 2:20 - LON ILOPOROT LOKAPIK NATHAM NꞌREK NNONATHAM NOMAꞌROT

²⁰ Cïngkï cathakka ngïꞌrïmak ana kwanok kaꞌriat cik ere ngüccük, acaꞌri carthuk anthan icïrïk ana cothrïk thoIli.

Ngre 2:20 ပူးပေါင်းရင်းမြစ်များ

2 Poththuruc 3:10

Anaruk caꞌri coKapik canthan ere pul pothuꞌran. Tothiꞌrot thinta cik nthuleꞌrak ana aꞌrupu appik wakoꞌro nthïk ana capu ana ngre ngaik tit ngapeꞌriccakot cik

Maththa 24:29

“Ana amma maꞌri mothoccokot thiak men mocothakothe, ‘Ngïꞌrïmak ngaꞌroik ana kwanok kakannupuka ana mothot mapukkwo ntothiꞌrot ana aꞌrupu worothiꞌrot waꞌrïntïttako ncik appik.’

Atham iaine ul woThocculunukkia 1 5:2

Akka onon thina papenang itti caꞌri ica Ili oIeccuo anthan nan caka ere pul pothuꞌran amma apanthan ngkoꞌra aul wakorronno okuccekot cik.

2 Poththuruc 3:7

ilon len loKapik ilokkothe tothiꞌrot ana capu icaik inenni ana ilen ilongwot ul ingike irïk nocaꞌri coNua ilen akka onekkethe capu cik itti cathokeꞌrtta. Capu ana tothiꞌrot thoꞌrumakinet caꞌri cothonceꞌret lon cik coul iꞌrat lon loKapik athokïttako nan.

Lukka 21:25

“Lon ilakene lon lakaik lakkattanthet cïngkï ana kwanok ana mothot. Ana nocapu nomoꞌrong appik ul wannoka woporot ana opellene okin thoccïkothe poꞌre ponok inapangka inïttïnïttïk.

Markkoc 13:24

“Anaruk nomaꞌri imomakothe maꞌri mothiak ‘ngïꞌrïmak ngaꞌroik, ana kwanok kakannupuka

Thitto 16:8

Auꞌrupa wothothïlettat woKapik iocoꞌrin unat caththak cik nocïngkï acothakkakat cangko cannan acikkat cik acokꞌre ul llü len.

Thitto 6:12

Mpimmakathe akka akwokwe ngaꞌra iunukkakot natham iꞌrakkuruk. Capu coꞌrïntïttakathe ncik ikkitheththak. Aïꞌrïmak oꞌrat nocïngkï ere kret ikonyi ikokkattathe norua toïmït, akwanok oꞌriakat cik ere ngüccük

1 Kurunthuc 5:5

Nethet pul pen ul pul pothopulut ikkun othakka itti aka kopul iponyi okïttako ana akanang kung oꞌrettat nocaꞌri icaIli anthan nan.

Maththa 27:45

Anakka cïngkï angko ippa, ngïꞌrïmak ngoꞌratheik nocapu ncik appik puccuk mono acïngkï okkat cꞌrapuruk.

Ngre 2:19

Mpakene lon ilommaththik tothiꞌrot ana lon ilakene lon nocapu thaiken, ngüccük ana thik ana kucuk keththung ere konïca.

Ngre 2:21

Ana okkwi ipaꞌra ngaꞌrama ngkꞌran koIli kwaꞌrettat.’”