Maththa 5:3 - LON ILOPOROT LOKAPIK NATHAM NꞌREK NNONATHAM NOMAꞌROT

³ “Thethïetta thaka noul ianekket cïkït noKapik akka ngili ngorothiꞌrot ngaka ngen.

Maththa 5:3 ပူးပေါင်းရင်းမြစ်များ

Lukka 18:14

Ittina aIeccuo iꞌrekat itti, “Mpiꞌret non itti pul ipaꞌrntot akucci akkeot tuan poporot tokït koKapik, akka okkwi ipathikkie ka kung prïk kwathikkietta potte ana okkwi ipathikkie ka kung potte kwathikkietta prïk.”

Iakup 2:5

Pangkingon nantoccïkot, Kapik akkakannakkaro ul iella aꞌrupu cik nocapu ncik appik akothikkiekin aꞌrthani nthoccokot lon loKapik nomïkït ana opakket kin nongili ngorothiꞌrori ia kwapponekkenthet ul cik iongothoki?

Lukka 11:28

AIeccuo iꞌrekat itti, “Anaruk thopira noka thaka cannan nakkwion ithaik thaccïkot lon loKapik ana oreko ngngin.”

Maththa 11:25

Nocaꞌri cen aIeccuo iꞌrekat itti, “Mpapiranung noka, ngappa, Ili worothiꞌrot ana wonocapu, akka ngkwamuꞌruttothe ul inaik nti ima ana inaik kicce lon elli ana ngkwittinet ul iommaik.

Lukka 4:18

“Kanang koIli kaik naun, akka kakkarorin anerene ul lon iloporot iella alpꞌrek. Kwothïothin anotherene ul iaik ikorrokkor lon lothelikkako ana anyinthet ul kït iꞌrimathe ana oꞌret ul iokwïettathe.

Markkoc 10:14

Anakka oIeccuo pimmat elli akuakat ka. Akwiꞌrekat kin itti, “Nokorronno nyukul inyarran anyainin, nokorronno oceꞌrekin akka ngili ngoKapik ngoul iammakka enni.

Maththa 13:16

Anaruk kït kon kethïettat akka kakathacce cik, ana unu won wethïettat akka waccïkot cik.

Iakup 1:12

Okkwi ipoccokothe lon nocïkït, kwethïetta akka amma kwennekkettat kwacco lon lothikkoik thupuththuput ila Kapik konekkenthet ul cik iongothok.

Iuanna 20:29

AIeccuo iꞌrekathok itti, “Ngkwoccokothe lon nocïkït pꞌrin akka ngkwimmarini? Thopira noka thaka noul ioccokothe lon nomïkït akin thakinnimma lon lꞌrek.”

Maththa 24:46

Laka loporot nopul pen amma opït pokkaprttakot nti imakkren akwathiothok akwokkot ngre papenang.

Iakup 1:10

Ana okkwi ipapaꞌrthan ponu itti kwapira noka amma Kapik konekothok thaꞌrthan akka thaꞌrthan thintat cik ere poꞌren popira amma papot.

Thitto 22:14

Thethïetta thaka nakkwion ithimet eret wen othakka itti akin ona itti okin thaeo ipira pothikkoik ana akin okko ithat akin eo nokaꞌran koUruccelim.

Thitto 19:9

Ana uꞌrupa wothothïlettat woKapik wiꞌrekathin itti, “Okurri elli, okin ithakkarakothe thipa thothungkat thethïettat.” Ana wapparttat nan itti, “Lon elli loKapik ilaik ïcat.”

Maththa 25:34

Menik Ili wiꞌret okkwion ithaik thokkun wothothari itti, ‘Nanthan, onon itha angappa pin pethïet, nathopakkot nongili ionekkettanthet non cik nci maꞌrot akka capu cokuꞌrettat ncik appik.

Maththa 11:6

Thethïeko thaka noul iakannopaꞌrine lon lin cik.”

Maththa 8:11

Mpiꞌret non itti ul woppot wanthan na acïngkï ummot ngngin ana na acorungkwot, ana wathikkoik nokamuthe okin Aprein ana oIccaak ana oIakup ingili ngorothiꞌrot.

Maththa 3:2

akwiꞌre itti, “Nopaꞌrine lon ilokithak cik akka ngili ngorothiꞌrot ngakko napuththut.”

Maththa 19:14

AIeccuo iꞌrekat itti, “Nokorronno anyukul inyarran anyanthan naun, nokorronno oceꞌrekin akka ngili ngorothiꞌrot ngoul iammakka enni.”

Lukka 22:29

Ana ammakka ongappa pethin ngili ikkun mpakkinthet non cakuruk ammakka kwokkinthin

Lukka 22:30

ittina oron thaꞌrkoik ana ïkkoik uraththungon nokuppuꞌrung kin kothuꞌrit ingili ngngin ana annikkoik norrok annakkma ul mothok mothok moul woIccereil iattul ana ikken keꞌra.”

Thitto 3:17

Ngkwiꞌre itti, ‘Mpapaꞌrthan ana mponu aꞌrupu appik ia mpomonat ana mpakannangkot papꞌrek.’ Anaruk ngkwomma itti ngkwokithak utha noka ana ngkwapiak ana ngkwella aꞌrupu cik ana ngkwiꞌrimathe ana ngkwella eret noka.