Maththa 2:2 - LON ILOPOROT LOKAPIK NATHAM NꞌREK NNONATHAM NOMAꞌROT

² wipittathe itti, “Ili woIouth waik kartha iokwontat? Onïn thimmathe cothot na cïngkï ummot ngngin ana onïn thaat ïnnathaꞌranok ngaꞌrama.”

Maththa 2:2 ပူးပေါင်းရင်းမြစ်များ

Thitto 22:16

“Oun oIeccuo akkothïothe uꞌrupa wothothïlettat woKapik win atherenenon lon elli naꞌran woul ioccokothe lon loIeccuo. Oun Core ana thiki thoThauth, ana Cothot cothapa thorrot icallio.”

Iuanna 18:37

APilaththoc omekat itti, “Ittina ngkwailina.” AIeccuo othïat tit itti, “Ngkwiꞌre itti mpaili. Ilen akka mpokwontanet ana ilen akka mpainet nocapu appik anathokene lon ilaik ïcat. Ana okkwi ipaik ilon ilaik ïcat, kwoccïkothin.”

Ipranin 1:6

Ana attang amma Kapik ona ukul wung wonothon nocapu, kiꞌre itti, “Auꞌrupa wothothïlettat woKapik appik aꞌranok ngaꞌrama.”

Lukka 23:38

Ana lon lokat cik lokurrakot toꞌra wung nokuruthut itti, ILI ENNI WOUL WOIOUTH.

Lukka 23:3

Ittina aPilaththoc ipittathok itti, “Oung ili woIouthi?” AIeccuo othïat tit itti, “Laik ammakka ngkwiꞌret.”

Iuanna 5:23

othakka itti aul appik othiane ukul cik ammakka okin thothianet oththan cik. Okkwi ipakannothiane ukul cik kwakannothiane oththan cik ipothïothok.

Iuanna 1:49

ANaththanail iꞌrekat lon mpoꞌre cittan itti, “Pul ipangkene, oung ukul woKapik, oung Ili woIccereil.”

Lukka 19:38

“Athethïetta oka noili iaik wanthan ngkꞌran koIli.” “Athomicco oka tothiꞌrot ana thrïk oine Kapik tothiꞌrot.”

Lukka 2:11

Inenni nokaꞌran koThauth pul pokwontanet non ipaꞌret non, ook oMiccie Ili.

Iuanna 9:38

Ittina apul pen iꞌrekat itti, “Ili, mpoccokothe lon lang nocïkït.” Ana kwaꞌrakanthet oIeccuo ngaꞌrama.

Iuanna 19:19

APilaththoc aꞌrekat lon nothapak lokurrakot itti, OIECCUO PONACCIR ILI WOIOUTH.

Iuanna 12:13

Okin thongathathe uꞌri wokira kothemur akin oingkat othocurarot iaak akin iꞌre mpoꞌre cittan itti, “Ton opirane Kapik noka korothiꞌrot.” “Athethïetta oka nakkwi ipaik panthan ngkꞌran koIli.” “Athethïetta oka noili woIccereil.”

Maththa 27:11

Anakka oIeccuo pocoꞌrot tokït koili oPilaththoc, aili ipittathok itti, “Oung Ili woIouthi?” AIeccuo othïat tit itti, “Laik ammakka ngkwiꞌret.”

Iuanna 20:28

AThthoma iꞌrekat itti, “Ili win ana Kapik kin.”

Maththa 21:5

“Iꞌrethe ul woIccereil itti, ‘Onokatha ili won waik wainenon, woporot cïkït ana warrothe teꞌringka, warrothe teꞌringka iotte.’”

Maththa 2:3

Manakka Ili oIruthuc poccïkathe lon len kuakathe ka nul wung appik nokaꞌran koUruccelim.