Maththa 11:3 - LON ILOPOROT LOKAPIK NATHAM NꞌREK NNONATHAM NOMAꞌROT

³ athipittothok itti, “Oung oMiccie ipa oIuanna piꞌret ngngin itti kwaik panthani ana manna itti onïn thaꞌrïkot opilin pꞌrek?”

Maththa 11:3 ပူးပေါင်းရင်းမြစ်များ

Iuanna 11:27

Akwothïanthet oIeccuo tit itti, “Ili, mpoccokothe lon nocïkït itti, oung oMiccie, ukul woKapik okkwi ipokat ponu itti kwanthan nocapu ncik appik.”

Ipranin 10:37

Akka nomaꞌri motte, “Okkwi ipaik panthan, panthan ana kwakannoccoik.

Iuanna 7:31

Ana icci ul wokat cik woppot ioccokothe lon lung nomïkït men ana wiꞌrekathe itti, “Amma oMiccie akkaat kwakkot lon ilommaththik loppot nnopul empii?”

Iuanna 6:14

Anakka ul wimmat lon ilommaththik ila oIeccuo pokkothe, okin thikkatheik akin ere itti, “Ïcarïcat pul empi pothernte lon loKapik ipokat ponu itti panthan nocapu ncik appik.”

Iuanna 16:14

Kanang ken ikupupure kananin thrïk akka kaneko lon ila mponu itti mpiꞌret non akokenenon.

Iuanna 12:13

Okin thongathathe uꞌri wokira kothemur akin oingkat othocurarot iaak akin iꞌre mpoꞌre cittan itti, “Ton opirane Kapik noka korothiꞌrot.” “Athethïetta oka nakkwi ipaik panthan ngkꞌran koIli.” “Athethïetta oka noili woIccereil.”

Iuanna 4:21

AIeccuo iꞌrekat itti, “Pul ipopari, occïkothe lon lin, caꞌri cꞌrek caik canthan ica anon okorronno aꞌranthet Kapik ongappa ngaꞌrama nocoꞌrong enci ana manna nokaꞌran koUruccelim.

Lukka 19:38

“Athethïetta oka noili iaik wanthan ngkꞌran koIli.” “Athomicco oka tothiꞌrot ana thrïk oine Kapik tothiꞌrot.”

Markkoc 11:9

Ana okkwion itheot tokït ana okkwion ithomakothekin thiꞌrekathe mpoꞌre cittan itti, “Athopira noka oka noKapik tothiꞌrot.” “Athethïetta oka nakkwi ipanthan ngkꞌran koIli!”

Maththa 21:9

Amungkut moul imeot tokït kung ana okkwion ithomakothekin miꞌrekathe mpoꞌre cittan itti, “Athopira noka oka nokkul woThauth.” “Athethïetta oka nakkwi ipanthan ngkꞌran koIli.” “Athopira noka oka noKapik tothiꞌrot.”

Maththa 21:5

“Iꞌrethe ul woIccereil itti, ‘Onokatha ili won waik wainenon, woporot cïkït ana warrothe teꞌringka, warrothe teꞌringka iotte.’”

Maththa 11:4

OIeccuo pothïatherit itti, “Ngonopakkot annothiꞌret oIuanna lon ilanon thimmat ana ilanon thoccïkothe.

Maththa 11:10

Akka elli lokurrakot iatham leret oIuanna itti, ‘Mpathïot pul pothothïlettat pin tokït kang, okkwi ipathokuccenthung kathar cik.’