Markkoc 12:1 - LON ILOPOROT LOKAPIK NATHAM NꞌREK NNONATHAM NOMAꞌROT

¹ Nci cïnang kwikkatheik akwerenekin okkwienekin lon kuru cik itti, “Pul pꞌrek pokat cik pocïkkarot kira komaa ikkwon kung apuꞌrakat nan ana kwokkanthet kaꞌran na akwathuꞌrukot ngꞌri ngen ana kwapprunat kaꞌran na pul ikkoik apangwot maa. Akwekat ul wꞌrek ara tit aikkethok maa nnan imakin thorat amma okin thokiot. Ana kwoingkathe nokurtti.

Markkoc 12:1 ပူးပေါင်းရင်းမြစ်များ

Markkoc 13:34

Likkoik ere pul paik paeo imakkren, kwaththe nokaman kung, kwakwentot ul iarekinok iere ngen kurekkurek ana kwiꞌret pul ipangwot cik nocürük itti kwangwot cik.

Markkoc 4:2

Kwongkenekathekin lon loppot nthokkwie lon kuru ncik ana kwikkatheik akwongkenekin itti,

Maththa 25:14

“Ana attang ngili ngorothiꞌrot ngungkwot ere pul ipaik paeo imakkren ciththan, apakkarat ul wung iarekinok akwikkekat kin aꞌrupu wung akin angwot akkwella.

Ngre 7:38

OMucca ipokat cik akin oulon iokat thiki thonnon ithampang ithonthomat ana uꞌrupa wothothïlettat woKapik ierenok nocoꞌrong coCcina okin ongappan thonnon. Kwoccot lon lothikkoik akwathokeneron.

Lukka 19:12

Kwiꞌrekathe itti, “Pul pꞌrek prïk pokat cik peot nocoꞌrong ciththan othakka itti akwothothikkiettatta ili irïk akwantokkaprttako ntan tuan.

Lukka 15:13

Aukul iotteik ikkat cik papotteik aꞌrntat aꞌrupu wung appik ia kwoccot akwoingkat ngngin ci noththok poka akwokïttat aꞌrupu wung cik nuthuk appik ia konat.

Lukka 8:10

AIeccuo iꞌrekat kin itti, “Onon thokenettat kumitta kongili ngoKapik anaruk ul wꞌrek wakenetta lon nthokkwie lon kuru ncik. ‘Okin thakathacceik anaruk okin thakannimma, okin thaccïkot anaruk okin thakannina.’”

Maththa 21:28

Ana oIeccuo poꞌrungkwathe nan akwere itti, “Onon thame taththa? Pul pꞌrek pokat cik ponu nyukul nyeꞌra inyomura, akwiꞌrekat ukul irïk itti, ‘Ukul win, ngko athoreko ikkwon kin komaa inenni.’

Lukka 22:9

Akin ipittathok itti, “Ngkwongothe itti onïn thathokkot cik kartha?”

Maththa 13:3

Ana kwerekanthet kin lon loppot nthokkwie lon kuru ncik akwiꞌret kin itti, “Pul pokkwon peot itti pathee mïl.

Maththa 21:33

“Noccïkot lon lꞌrek lothokkwie lon kuru ncik lꞌrek, pul pꞌrek pokat cik pocïkkarot kira komaa ikkwon kung ana puꞌrakathe nan ana kwokkathe kaꞌran na akwathuꞌrukot ngiꞌri ngen ana kunathe cüꞌrük na pul ikkoik apangwot cik. Akwekat ul wꞌrek ara tit aikkethok maa nnan imakin thorat amma okin thokiot. Ana kwoingkathe nokurtti.

Maththa 21:34

Anakka caꞌri cakko napuththut cothokio, kwothïathe ul iarekinok aine ul iokat cik ara ikkwon athaꞌrntinthok maa ima kwonu itti kwacco.

Markkoc 3:23

Ittina oIeccuo pakkarathekin ana kwiꞌrekathekin nthokkwie lon kuru ncik itti, “Pul pothopulut pakïcce pul pothopulut taththa?

Markkoc 11:33

Menik akin othïanthet oIeccuo tit itti, “Onïn thomma.” AIeccuo iꞌrekat itti, “Oun cakuruk pakanniꞌret non itti ngngili ngiatha akka anokkot nelli.”