Lukka 3:8 - LON ILOPOROT LOKAPIK NATHAM NꞌREK NNONATHAM NOMAꞌROT

⁸ Nokkot ngre iakene itti onon thopaꞌrinet lon ilokithak cik. Nokorronno omet kakon itti, ‘Onïn nyukul nyAprein.’ Mpiꞌret non itti Kapik kina oprtto mothok emmi cik amokakat nyukul nyAprein.

Lukka 3:8 ပူးပေါင်းရင်းမြစ်များ

Ngre 26:20

Mpongkenet ul woThimacakka cittokït anantongkene ul nokaꞌran koUruccelim ana noththok poIouthia, ana ul iakonnoka woIouth appik anomet kin itti okin thapaꞌrine lon ilokithak cik akin okkaprttakine Kapik ana okkot ngre iakene itti okin thocoꞌrot nti ilon ilokithak.

Maththa 21:43

Ittina mpiꞌret non itti ngili ngoKapik nganekittat non ana ngettat ul iaccïkot lon lung ana okkot lon ila Kapik kongothe itti okin thakkot.

Pilippi 1:11

Mpaꞌra ngaꞌrama itti athikkoik thon oka thokkot lon iloporot loIeccuo nthittarot thoIeccuo oMiccie, akka elli lanane Kapik thïrïk ana thopira noka.

Roma 9:7

Ana okorronno oka itti akka okin thathiki thAprein, okin appik thanyukul nyAprein. Anaruk “Thiki thang thaka thoppot ngkꞌran koIccaak.”

Roma 4:16

Ittina, thonekket lon cik thao nothccokot lon loKapik nocïkït othakka itti aloka nthoporot thoKapik ana athettat nyukul nyAprein appik, akonnoka okkwion thothonceꞌret lon cik tulluk anaruk cakuruk ul ioccokothe lon loKapik nomïkït ilakin thoccot nAprein. Ook ongappa ponnon appik.

Lukka 19:40

AIeccuo iꞌrekat itti, “Mpiꞌret non amma okin akkangkot cik ana mothok moo.”

Iuanna 8:33

Okin thothïanthet oIeccuo tit itti, “Onïn thathiki thAprein ana onïn thokat thakorronno oka iak wopilin. Ana tat akka aiꞌre itti onïn thelikkako?”

Iuanna 8:39

Akin othïat tit itti, “Ongappa pïn Aprein.” AIeccuo iꞌrekat kin itti, “Amma onon akkakkokat nyukul nyAprein, onon thaakkothe lon ammakka Aprein pokkothe.

Maththa 3:8

Nokkot ngre iakene itti onon thopaꞌrinet lon ilokithak cik.

Maththa 3:9

Nokorronno omet kakon itti, ‘Onïn nyukul nyAprein.’ Mpiꞌret non itti Kapik kina oprtto mothok emmi cik amokakat nyukul nyAprein.

Lukka 5:21

Aul woPriccin ana ul iangkene lon lothonceꞌret lon cik ikkat cik aeret nomïkït itti, “Oththa empi pacungko Kapik? Pul pella paccïkïnthet ul lon, Kapik kulluk.”

Lukka 13:25

Amma pul pokaman purokot mono unukkwot kathat ana nthacoꞌro thapat annakkakkaro ana annuet cik itti, ‘Paththi, anyinet nïn kathat.’ Anaruk kwathïot tit itti, ‘Mpommanon, ana manna itti onon thaat ngkartha.’

Lukka 13:26

Ana onon thiꞌre itti, ‘Oron thoꞌrkot cik tothun ana ngkwongkenet iathar nakaman kïn kaik.’

Lukka 14:9

Akka pul poruan ipakkarot non aththuththeꞌra panthan ana pamethung itti, ‘Urokinet pul empi nokaꞌran engki apikkoik.’ Ittina athiakat cik aurokat athikkat cik thoceken.

Lukka 19:9

AIeccuo iꞌrekat itti, “Inenni thoꞌret thaat tuan topul empi akka ook cakuruk ukul wAprein.