Kulucci 3:17 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁷ Ana manna ngre iannokkot ana manna lon ilanon eret, nokkot appik ngkꞌran koIli oIeccuo ana opirane Kapik noka oNgappa ponnon oMiccie ngngin.

Kulucci 3:17 ပူးပေါင်းရင်းမြစ်များ

Maththa 28:19

Ana ittina ngkonon noul nocapu appik ana annongkenekin othakka itti akin othakka ul immakothin. Annikkekat kin mamuthie ngkꞌran kongappa ana kokkul wung ana koKanang ikupupure,

Ngre 19:17

Anakka lon len linakot nan nnul woIouth ana ul iannoka woIouth iokat nokaꞌran kApuccuc, wipathe nꞌre appik ana okin thothiakanthet kꞌran koIli oIeccuo cik cannan.

Ngre 4:30

Othie ukun aittiet ul iongo ana okkot lon ilommaththik ngkꞌran kokkul wang ikupupure oIeccuo.”

Roma 1:8

Cittokït mpongothe itti mpapirane Kapik kin noka ana oIeccuo oMiccie akkathikkie lon ïcat akka thoccokot lon nomïkït thon thappaththatheik nocapu ncik appik.

1 Kurunthuc 10:31

Ittina thuꞌrit ithaꞌrko ana aꞌrupu ia ïkko ana manna lon ilakkot appik, okkinthet thrïk thoKapik.

Apuccuc 1:17

Mpicca pipitto itti aKapik koIli oIeccuo oMiccie oththan ponnon iprïk ethet non Kanang kothina cik nti ica ana thittako tholon ncik othakka itti anon inak kicce.

Apuccuc 5:20

Nopirane Kapik noka oNgappa nti ilon appik appinappin ngkꞌran koIli wonnon oIeccuo oMiccie.

Pilippi 1:11

Mpaꞌra ngaꞌrama itti athikkoik thon oka thokkot lon iloporot loIeccuo nthittarot thoIeccuo oMiccie, akka elli lanane Kapik thïrïk ana thopira noka.

Pilippi 2:11

Ana ul appik weret tokït koul itti oIeccuo oMiccie ook Ili, nthokkot ittina okin thaik thanane Kapik oNgappa thïrïk.

Kulucci 1:12

Ana annopirane Kapik noka oNgappa okkwi ipokorronnot non annoka iul iupupure woKapik ia kwonekkenthet lon cik iloporot nokaꞌran kung korothiꞌrot.

Kulucci 2:7

nocokkat tit, nopilliet thoccokot lon nomïkït thon iaak ammakka onon thongkenettat ana opirane lon noka ila kwokkinthet non appik.

Kulucci 3:15

Nokorronno athomicco ithanthan naMiccie oka nomïkït athittarot non annïꞌrïko lon ilanon okkot akka thomicco enthi akka kwakkarothenon itti onon thikkoik tit ika kulukku koMiccie. Ana nthapira noka appinappin.

Kulucci 3:23

Amma annokkot ngre ngꞌrek, nokkot ncïkït culukku ere onon thaik thakkinthet Ili okorronno oka ul ionyi.

Atham iaine ul woThocculunukkia 1 1:1

Oun oPoluc ana oCcila ana oThimiththaoc thamicco non ithoccokothe lon loIeccuo thonokaꞌran koThocculunukkia, itha ul woKapik oNgappa ana woIli oIeccuo oMiccie itti athoporot ana thomicco thoKapik oka nanon.

Atham iaine ul woThocculunukkia 1 5:18

Nopirane Kapik noka nolon appik akka elli akka Kapik kongothe itti nthakkot onon ithamakot oIeccuo oMiccie.

2 Thocculunukkia 2:17

ittarot non appinappin itti annokkot ngre ioporot ana ere lon iloporot.

Ipranin 1:5

Oththa nti iuꞌrupa wothothïlettat woKapik ia Kapik kiꞌrethe itti, “Oung ukul win, inenni mpothakkat oththe”? Ana itti, “Mpathakkanok oththan pung ana ook othakkanin ukul win”?

Ipranin 13:15

Ittina ton oꞌrungkot nothethet Kapik thopira noka oIeccuo ngngin nthon ithangante kꞌran koKapik.

1 Poththuruc 2:5

Onon cakuruk thammakka ook onon thuntat ere man mokanang koKapik maꞌrama. Onon thaul wonoppan toKapik noka thupupure, nethet Kapik aꞌrupu wothethet nuthuk wokanang iaKapik angkot nti iaIeccuo oMiccie.

1 Poththuruc 2:9

Anaruk onon ul ikkarakot nti ipangken, ul wonoppan toKapik wotheret ithoporot, ul iupupure ana onon ul wung othakka itti anneret thoporot thung okkwi ipakkarot non nti iꞌrïmak akwonekot non nokꞌran kung ikacco ikoporot.

1 Poththuruc 4:11

Amma opilin pere kwonu itti kwere lon loKapik. Ana amma okkwi ipaik pareko, kwonu itti kwareko mpuꞌran ipa Kapik ethok othakka itti aKapik omerekettat ilon appik nti iaIeccuo oMiccie. Athrïk oka naIeccuo ana puꞌran thupuththuput. Amin.

1 Iuanna 2:23

Okkwion ithꞌrat ukul okin thꞌrat Oththan, ana okkwion ithongothe ukul okin thongothe Oththan.

1 Iuanna 3:18

Nyukul inyarran, ton okorronno ongarot llon anaruk ngngre ana llon ilaik ïcat.