Iuanna 6:45 - LON ILOPOROT LOKAPIK NATHAM NꞌREK NNONATHAM NOMAꞌROT

⁴⁵ Lokurrakot inatham noul wothernte lon loKapik itti, ‘Okin appik thaKapik ongkene.’ Ana okkwi ipaccïkot lon longappa ana ina lon naak painin.

Iuanna 6:45 ပူးပေါင်းရင်းမြစ်များ

Maththa 11:27

Ongappa pin pethin aꞌrupu appik. Pul pella pina ukul, ongappa pulluk akkinak. Ana pul pella pina oththan ukul wuluk akkina oththan ana okkwion itha ukul wongothe itti kwakenekin oththan.

Maththa 17:5

Anakka kwokat cik akwere, anuththe akkakat nipuk anoꞌrumat kin, apoꞌre akkakat nti inuththe apiꞌrekat itti, “Ukul win enni ia mpongothe ana mpopirat noka nan. Noccïkot lon lung.”

Markkoc 1:2

Lokurrakot iatham woIccaia pul pothernte lon loKapik itti, “Mpathïot pul pothothïlettat pin tokït kang, ook ipathokuccenthung kathar cik.”

Lukka 1:70

Ammakka kwiꞌrethe ul wothernte lon lung womaꞌrot.

Lukka 18:31

AIeccuo onekat ul wothothïlettat wung iattul ana ikken keꞌra thocipit akwiꞌrekat kin itti, “Noccïkot, oron thaik thakuꞌrot nokaꞌran koUruccelim ana lon appik ila ul wothernte lon loKapik ilerethe ukul wopul iponyi laik lathothakka ïcat.

Iuanna 10:27

Lungkat lin laccïkot poꞌre pin ana mpina ana linan ana lammakothin.

Iuanna 6:37

Okkwion itha ongappa ethin thainin ana okkwi ipainin mpakannokïccek.

Iuanna 6:65

Kwoꞌrungkathe nan akwere itti, “Ilen elli akka mpiꞌrenthet non itti pul pella painin amma ongappa pannethin ngok.”

Ngre 13:40

Nina nan itti lon ila pul pothernte lon loKapik papperet lakonnoka nanon iliꞌre itti,

Ngre 7:42

Anaruk Kapik kokorronnathekin akin ongat lon ilokithak akin aꞌrane manna mothot morothiꞌrot ngaꞌrama. Elli laik ammakka lokurrakot iatham woul wothernte lon loKapik ila Kapik kiꞌret itti, ‘Ul woIccereil, onon thokeccethe aꞌrupu wothokinthet Kapik ngüccük cik luput arrial weꞌra ithampang, anaruk onon thannethin.

Apuccuc 1:17

Mpicca pipitto itti aKapik koIli oIeccuo oMiccie oththan ponnon iprïk ethet non Kanang kothina cik nti ica ana thittako tholon ncik othakka itti anon inak kicce.

Pilippi 3:15

Oron appik thonu itti oron thaꞌrungkwot nolon loMiccie, thakwarttikot cik ana okkot ngre ngkathar engki. Ana amma opilingon thꞌrek nti ianon thaik thakannokkot ittina ana Kapik kakenenon.

Atham iaine ul woThocculunukkia 1 4:9

Onïn thakannangkot itti onïn thakurrinenon itti onon thongarot tat akka Kapik kongkenet non ngka kung itti nthangarot appik.

Ipranin 10:16

Ili wiꞌret itti, “Thonekket lon cik enthi itha anokkot ïnaththungon amma caꞌri enceꞌre ceot ana mpanekket lon lothonceꞌrt lon cik lin nomïkït men, ana mpakurrinthet kin ima men.”

1 Iuanna 2:27

Anaruk thethieko ithanon thethiekot naak thaꞌrungkot nanon, ana onon thannangkot pul pꞌrek itti pathongkenenon. Akka kanang ikupupure kangkene non aꞌrupu appik, ana lon ila uꞌrupa ongkenenon laik ïcat, okorronno oka karra. Ittina noꞌrungkot ithongkene itha kwongkenet non. Noꞌrungkot ilon loMiccie.