Iuanna 20:15 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁵ AIeccuo iꞌrekathok itti, “Pul ipopari, ngkwontha akka aoo? Ngkwaik pakwantot oththa?” AMeriom pokat cik akwopri pul pokarak, akwomekat pul pen itti, “Pït pin, amma oung akkonekorok, akenen na angkwonekkethok anothonekok.”

Iuanna 20:15 ပူးပေါင်းရင်းမြစ်များ

Maththa 12:34

Ul ionu karra iurttet pangken cik, onon there lon loporot taththa anon thokithak? Akka thon there lon nnolon iloppathe nocïkït.

Maththa 28:5

Ittina auꞌrupa wothothïlettat woKapik iꞌrekat ul iari itti, “Nokorronno ipo nꞌre akka mpina itti onon thaik thakwariccat oIeccuo ipokkwettathe nothapak.

Markkoc 16:6

Apiꞌrekat kin itti, “Nokorronno opelle. Onon thaik thakwancot oIeccuo poNaccir ipokkwuttathe nothapak, okkurokot nti ithio kwakannoka cene nokatha kaꞌran nakin thaththïcethok cik.

Lukka 2:44

Akin opri itti kwaik iul iakin thaik nokurtti, okin thoingkathe okkwot caꞌri culukku. Ittina akin ikkat cik akin okwancothok nokuꞌri ken ana napurukon.

Lukka 24:5

Aul iari ipat nꞌre nen ana wirriekathe toma cik nocapu anaruk ul wen iomura wiꞌrekathekin itti, “Ngintha akka annokwariccanthet okkwi ipaik ngkït thapat iul illet?

Iuanna 1:38

Manakka oIeccuo polliakothe, akwimmakat kin akin omakothok akwipittat kin itti, “Ngintha akka annokwariccat?” Okin thiꞌrekathe itti, “Pul ipangkene, kaman kang kaik kartha?”

Iuanna 18:4

Ana akka oIeccuo pinat lon appik ilokat cik lathothakka, kwoppanthet kin thapat ana kwipittathekin itti, “Oththa akka annokwantot?”

Iuanna 18:7

Akwappipittat kin attang itti, “Oththa akka anon okwantot?” Akin iꞌrekat itti, “Onïn thaik thakwantot oIeccuo poNaccir.”

Iuanna 20:13

Auꞌrupa wothothïlettat woKapik wen ipittathok itti, “Pul ipopari ngkwontha akka aoo?” Akwiꞌrekat kin itti, “Okin thonekot Ili win ana mpomma nakin thonekkethok.”