Iuanna 19:9 - LON ILOPOROT LOKAPIK NATHAM NꞌREK NNONATHAM NOMAꞌROT

⁹ akwopakkat noppan tung. Akwipittat oIeccuo itti, “Ngkwaat ngkartha?” Anaruk oIeccuo pangkatheik.

Iuanna 19:9 ပူးပေါင်းရင်းမြစ်များ

Maththa 26:63

Anaruk oIeccuo pangkatheik. Apul iprïk ponoppan toKapik iꞌrekathok itti, “Antokkwo mio emmi ngkꞌran koKapik ikaik ïcat itti ngkwiꞌret nïn lon ilaik ïcat, iꞌrethenïn amma oung oMiccie, ukul woKapik.”

Maththa 27:27

Ittina ul irro woPilaththoc wonekathe oIeccuo nokaꞌran koili ikrïk na ul irro wokat cik ana waꞌrntakathe appik iccik koIeccuo.

Lukka 23:9

Akwikkat cik akwipittot oIeccuo lon loppot anaruk oIeccuo pannothïanthok tit.

Iuanna 18:28

Ana ngïꞌrïmak aul woIouth ipat oIeccuo ntuan toKiappa akin oingkathok ngngin tuan toili woRoma. Anaruk okin thakorronno iꞌrikat noppan ten akka okin thaththꞌrat itti okin thipot lon ilokithak noka ken akka okin okorronno oꞌrko thuꞌrit thokamuthe koThaurrot kaman kꞌrek cik.

Iuanna 18:33

APilaththoc opakkat noppan toili akwakkarat oIeccuo akwipittathok itti, “Oung ili woIouthi?”

Iuanna 18:34

AIeccuo ipittathok itti, “Lon ellrik langi, ana amma okorronno oka lang opilingon therenung lon lini?”

Iuanna 18:37

APilaththoc omekat itti, “Ittina ngkwailina.” AIeccuo othïat tit itti, “Ngkwiꞌre itti mpaili. Ilen akka mpokwontanet ana ilen akka mpainet nocapu appik anathokene lon ilaik ïcat. Ana okkwi ipaik ilon ilaik ïcat, kwoccïkothin.”

Iuanna 19:10

APilaththoc iꞌrekathok itti, “Ngkꞌrat erenini?” Akwapprttat nan itti, “Ngkwomma itti mponu ngili ikkun itti mpelikkong ana manna itti mpakkwethung nothapaki?”

Iuanna 19:8

Manakka oPilaththoc poccïkothe lon elli akwipat manna nꞌre cannan

Iuanna 8:14

AIeccuo othïat tit itti, “Antoka manna itti mpaik peret thoka kin ana ila mpaik peret ka kin ngngin laik ïcat akka mpina na mpaat ngngin ana na mpaik paeo. Anaruk onon thomma na mpaat ngngin ana na mpaik paeo.

Pilippi 1:28

Nokorronno opellene thoꞌrak thon, akka lon len lakene itti okin thalkakot ana Kapik kaꞌret non.