Iuanna 19:6 - LON ILOPOROT LOKAPIK NATHAM NꞌREK NNONATHAM NOMAꞌROT

⁶ Manakka ul ittïttïk woul wonoppan toKapik ana ul iangwot tupan toKapik thimmat oIeccuo akin ikkat cik akin iꞌrekat lon mpoꞌre cittan itti, “Nokkwethok nothapak nokkwethok nothapak.” Anaruk oPilaththoc pothïanthet kin tit itti, “Nonekok annokkwethok nothapak akka mpakinniot lon ila anakkmak ngngin.”

Iuanna 19:6 ပူးပေါင်းရင်းမြစ်များ

Maththa 26:58

Anaruk oPoththuruc pommakothok nciththan mono oingkat ci ithaꞌrapak thokaman kopul iprïk ponoppan toKapik akwikkat cik okin oul iangwot cik akwokatha itti ngempen akkakaik.

Maththa 27:22

APilaththoc ipittat kin itti, “Ngintha akka anokkot naIeccuo ipoccot kꞌran itti oMiccie?” Akin othïat tit appik itti, “Nokkwethok nothapak.”

Maththa 27:24

Anakka oPilaththoc pimmat itti lella ila akwokkot ana camutta cokat acuroko, kwonekathe ngꞌri ana kwilakkathe nyaun tokït koul appik. Ana kwiꞌrekathe itti, “Mpella lon ikkun lothokkwot pul empi, onon akkonu lon ikkun.”

Lukka 23:4

Ittina aPilaththoc iꞌrekat ul woul wonoppan toKapik ana ul appik akwiꞌrekat kin itti, “Mpanniot lon lꞌrek ilamoloko ila anoruket pul empi ngngin.”

Iuanna 18:3

Ittina oIoutha pakkakathe cïnang nnul irro ana nili nꞌrek noul ittïttïk woul wonoppan toKapik ana ul woPriccin okin thokat akin onneko lik noꞌren ana arran.

Iuanna 18:31

APilaththoc iꞌrekat kin itti, “Nonekok annakkmak llon lothonceꞌret lon cik lon.” Akin othïat tit itti, “Onïn thella lon cik itti onïn thakkwot pul pꞌrek.”

Iuanna 18:38

APilaththoc ipittat itti, “Ngintha akkonu itti lon ilaik ïcat?” Akka oPilaththoc piꞌret lon len, akwoppat thapat akwomekat ul woIouth attang itti, “Mpakanniot lon lꞌrek ilokithak nopul empi ila anakkmak ngngin.

Iuanna 19:15

Anaruk okin thiꞌrekathe lon mpoꞌre cittan itti, “Opaꞌrek cik, opaꞌrek cik, nokkwethok nothapak.” APilaththoc ipittat itti, “Mpakkwinthet non ili woni?” Aul ittïttïk woul wonoppan toKapik iꞌrekat itti, “Onïn thella ili cik, oKkaiccer pulluk.”

Iuanna 19:4

OPilaththoc appoppat thapat aiꞌrekat ul woIouth itti, “Mpaik pananenon ngok akka mpanniot lon ilakorronnok akwakkmako.”

Ngre 2:23

Pul empi pettathenon ikkun llon laKapik kinat nan ana ul iokithak wittarothenon ana onon thokkwothok nthokkwethok nothapak.

Ngre 7:52

Pul pothernte lon loKapik piatha ipa aththen thannokkiet thiak? Okin manna thongwot okkwion ithiꞌret lon lothao thokkwi ipoporot tokït koKapik kirrkkir. Ana inenni nthokerorok ana okkwothok.