Iuanna 18:37 - LON ILOPOROT LOKAPIK NATHAM NꞌREK NNONATHAM NOMAꞌROT

³⁷ APilaththoc omekat itti, “Ittina ngkwailina.” AIeccuo othïat tit itti, “Ngkwiꞌre itti mpaili. Ilen akka mpokwontanet ana ilen akka mpainet nocapu appik anathokene lon ilaik ïcat. Ana okkwi ipaik ilon ilaik ïcat, kwoccïkothin.”

Iuanna 18:37 ပူးပေါင်းရင်းမြစ်များ

Maththa 26:64

AIeccuo othïat tit itti, “Laik ammakka ngkwiꞌret. Anaruk mpiꞌret non appik itti, noluput ilanthan onon thimma ukul wopul iponyi aikkoik thokkun wothothari wokkwi ipakorronno alkakot ana anthan aikkoik nonuththe norothiꞌrot.”

Maththa 27:11

Anakka oIeccuo pocoꞌrot tokït koili oPilaththoc, aili ipittathok itti, “Oung Ili woIouthi?” AIeccuo othïat tit itti, “Laik ammakka ngkwiꞌret.”

Markkoc 14:62

AIeccuo iꞌrekat itti, “Ïï oun. Ana ngkwimma ukul wopul iponyi aikkoik thokkun wothothari wokkwi ipakorronno alkakot ana anthan nonuththe norothiꞌrot.”

Markkoc 15:2

APilaththoc ipittathok itti, “Oung ili woIouthi?” AIeccuo othïat tit itti, “Laik ammakka ngkwiꞌret.”

Lukka 22:70

Akin appik ipittathok itti, “Oung ukul woKapiki?” Akwothïat tit itti, “Locoꞌrotheik ilanon thiꞌret itti oun ukul woKapik.”

Lukka 23:3

Ittina aPilaththoc ipittathok itti, “Oung ili woIouthi?” AIeccuo othïat tit itti, “Laik ammakka ngkwiꞌret.”

Iuanna 1:14

Lon lothakkakathe ka kopul iponyi akikkat cik iaron. Oron thimmat thrïk thung, thrïk thung pulluk pen okkwi ipaat naththan, nthoporot thoppot ana lon ilaik ïcat.

Iuanna 1:17

Akka lon lothonceꞌret lon cik loKapik lakkethet ton nti ikkun woMucca ana thoporot ana lon ilaik ïcat laIeccuo oMiccie akkonat.

Iuanna 14:6

AIeccuo othïat tit itti, “Oun kathar ana lon ilaik ïcat ana thikkoik. Pul pella paine ongappa amma kwakonnoppo naun.

Iuanna 3:32

Kwerethe lon ila kwimmat ana occïkot anaruk pul pella poccïkïnthok lon lung.

Iuanna 7:17

Amma okkwi ipongothe itti kwakkot lon ila Kapik kongothe, kwina itti thongkene enthi thaat noKapik ana manna okkorronno oka naun ana noun.

Iuanna 8:14

AIeccuo othïat tit itti, “Antoka manna itti mpaik peret thoka kin ana ila mpaik peret ka kin ngngin laik ïcat akka mpina na mpaat ngngin ana na mpaik paeo. Anaruk onon thomma na mpaat ngngin ana na mpaik paeo.

Iuanna 8:45

Anaruk akka mperenenon lon ilaik ïcat ana ilen akka onon thꞌrat occokinthet lon lin ila mpaik pere.

Iuanna 8:46

Oththa ntianon akkakenen itti mponu lon lokithak? Amma mpaik perenenon lon ilaik ïcat, ngintha akka annokorronno occokinthet lon nomïkït?

Iuanna 8:47

Okkwi iponu oththan paKapik kwaccïkot lon ila Kapik iꞌre. Lon ilakorronnonon annokorronno occïkïnthet lon lin itti akka onon thakannoka thoKapik.”

1 Thimiththaoc 6:13

Mpethung lon elli ikkun tokït koKapik ikethet aꞌrupu thikkoik appik ana tokït koIeccuo oMiccie ipakannocukkwo nolon ilaik ïcat tokït koPilaththoc poPunththioc,

1 Poththuruc 1:22

Inakka onon thothikkiet ka kon kupupure nthoccïkot lon ilaik ïcat othakka itti annona thongat thupupure, nongarot ïcarïcat ncinomïkït.

1 Iuanna 2:21

Mpakannokurrinenon itti akka onon thomma lon ilaik ïcat anaruk akka onon thina ana akka karra kella kao nolon ilaik ïcat.

1 Iuanna 3:14

Oron thina itti oron thokkot cik nti ithio akka oron thongothe opang ponnongon. Okkwi ipakannoka pongothe opangon kwaꞌrungkot ithio.

1 Iuanna 3:19

Ittina oron thina itti oron tholon ilaik ïcat ana oron thaka thoporot mïkït amma oron ocoꞌro tokït koKapik.

1 Iuanna 4:6

Oron thoKapik ana okkwi ipina Kapik kwaccïkot lon lonnon anaruk okkwi ipakannoka poKapik kwakannoccïkot ton. Ittina oron thina Kanang kolon ilaik ïcat ana kolon lokarra.

1 Iuanna 5:20

Oron thina cakuruk itti ukul woKapik waat ana wethet ton thinaik, othakka itti aron inak okkwi ipaik ïcat. Ana oron thaik uraththut okkwi ipaik ïcat ana manna ukul wung oIeccuo oMiccie. Ook Kapik ïcat ana thikkoik thothupuththuput.

Thitto 1:4

Elli laat naIuanna ana laine ul ioccokothe lon loIeccuo naꞌran ieꞌreꞌrapuruk noththok pAccia. Lon len liꞌret itti thoporot ana thomicco thaik thainenon noKapik iakaik ana ikokat cik ana ikaik kao, ana nokanang ikeꞌreꞌrapuruk tokït koprrok pung poili,

Thitto 3:14

“Laine uꞌrupa wothothïlettat woKapik iaik wakatha lon locungkut coul ioccokothe lon loIeccuo nokaꞌran koLathukkia: Lon elli lolon itti, ‘Amin’ okkwi ipoꞌrumot noꞌron ana okkwi ipimmat lon ngkït ïcat ana okkwi ipaili waꞌrupu nocapu appik ia Kapik kokuꞌret ncik.