Iuanna 18:33 - LON ILOPOROT LOKAPIK NATHAM NꞌREK NNONATHAM NOMAꞌROT

³³ APilaththoc opakkat noppan toili akwakkarat oIeccuo akwipittathok itti, “Oung ili woIouthi?”

Iuanna 18:33 ပူးပေါင်းရင်းမြစ်များ

Maththa 27:11

Anakka oIeccuo pocoꞌrot tokït koili oPilaththoc, aili ipittathok itti, “Oung Ili woIouthi?” AIeccuo othïat tit itti, “Laik ammakka ngkwiꞌret.”

Maththa 27:27

Ittina ul irro woPilaththoc wonekathe oIeccuo nokaꞌran koili ikrïk na ul irro wokat cik ana waꞌrntakathe appik iccik koIeccuo.

Markkoc 15:2

APilaththoc ipittathok itti, “Oung ili woIouthi?” AIeccuo othïat tit itti, “Laik ammakka ngkwiꞌret.”

Lukka 23:2

Ana okin thikkatheik akin oruket oIeccuo lon itti, “Onïn thiothe pul empi apongkene ul lon ilakorronnokin akin okkot lon moloko. Kwiꞌret itti okin thannoccïkot lon lonili, ana akwomet ul itti okin thakorronno aꞌrintinthet oKkaiccer akucci ana akwiꞌret ka kung itti ook oMiccie Ili wonnon.”

Iuanna 1:49

ANaththanail iꞌrekat lon mpoꞌre cittan itti, “Pul ipangkene, oung ukul woKapik, oung Ili woIccereil.”

Iuanna 12:13

Okin thongathathe uꞌri wokira kothemur akin oingkat othocurarot iaak akin iꞌre mpoꞌre cittan itti, “Ton opirane Kapik noka korothiꞌrot.” “Athethïetta oka nakkwi ipaik panthan ngkꞌran koIli.” “Athethïetta oka noili woIccereil.”

Iuanna 12:15

“Ul woIccereil, nokorronno ipo nꞌre, nantokatha ili won waik wanthan, warrothe teꞌringka iotte.”

Iuanna 18:34

AIeccuo ipittathok itti, “Lon ellrik langi, ana amma okorronno oka lang opilingon therenung lon lini?”

Iuanna 18:37

APilaththoc omekat itti, “Ittina ngkwailina.” AIeccuo othïat tit itti, “Ngkwiꞌre itti mpaili. Ilen akka mpokwontanet ana ilen akka mpainet nocapu appik anathokene lon ilaik ïcat. Ana okkwi ipaik ilon ilaik ïcat, kwoccïkothin.”

Iuanna 18:38

APilaththoc ipittat itti, “Ngintha akkonu itti lon ilaik ïcat?” Akka oPilaththoc piꞌret lon len, akwoppat thapat akwomekat ul woIouth attang itti, “Mpakanniot lon lꞌrek ilokithak nopul empi ila anakkmak ngngin.

Iuanna 19:12

Ncïnang aPilaththoc enekkekat itti kwelikko oIeccuo anaruk ul woIouth wikkatheik aꞌretto itti, “Amma ngkwelikkot pul empi mono apeo ngkwakorronno oka opuruko poKaiccer akka okkwi ipiꞌret ka kung itti kwaili kworakket lon loKaiccer.”

Iuanna 19:3

ana okin thokat akin aukkwo akin okkwekok akin omethok itti, “Taththa Ili woIouth.”

Iuanna 19:4

OPilaththoc appoppat thapat aiꞌrekat ul woIouth itti, “Mpaik pananenon ngok akka mpanniot lon ilakorronnok akwakkmako.”

Iuanna 19:9

akwopakkat noppan tung. Akwipittat oIeccuo itti, “Ngkwaat ngkartha?” Anaruk oIeccuo pangkatheik.

1 Thimiththaoc 6:13

Mpethung lon elli ikkun tokït koKapik ikethet aꞌrupu thikkoik appik ana tokït koIeccuo oMiccie ipakannocukkwo nolon ilaik ïcat tokït koPilaththoc poPunththioc,