Iuanna 15:21 - LON ILOPOROT LOKAPIK NATHAM NꞌREK NNONATHAM NOMAꞌROT

²¹ Okin thakkot non menik nti ilon lokꞌran kin akka okin thomma okkwi ipothïothin.

Iuanna 15:21 ပူးပေါင်းရင်းမြစ်များ

Maththa 10:22

Ul appik wꞌranon nti ilon lin, anaruk okkwi ipoccokothe cïkït ilon puccuk mono alocothakat kwaꞌrettat.

Iuanna 16:3

Okin thakkot menik akka okin thomma ongappa ana manna okin thomman.

Iuanna 8:19

Ittina akin ipittathok itti, “Oththe paik kartha?” AIeccuo othïanthet kin tit itti, “Onon thomman ana manna ongappa, amma onon thaththinan, onon thainat ongappa cakuruk.”

Maththa 24:9

Caꞌri cen onon thanekittane nili annothoccokiettat thiak ana ongutta, ana ul nomoꞌrong appik wꞌra non nti ilon lin.

Maththa 10:18

Ana nti ilon lin onon thanekittat tokït konili inarran ana inïttïnïttïk annokane nili ana ul iakannoka woIouth lon ilimmakot ngkït.

Ngre 5:41

Ana ul wothothïlettat woIeccuo woththekathe nocuththun coul woIouth ittïttïk awopirat noka akka Kapik kiothekin nakin thekkot nothokinya ithakin thokkiettathe thiak nti ikꞌran koIeccuo.

Thitto 2:3

Onon thoccokothe thiak kicce nti ilon lin anon okorronno apo ka ntit.

2 Thocculunukkia 1:8

Ana kwanthan nthik ithacco ana kwaccokiet nokkwion thiak ithꞌrat Kapik ana ithannokkwine lon iloporot loIli wonnon oIeccuo kunu ncik.

1 Kurunthuc 15:34

Nokkaprttako ntan ikathar ikoporot ana ocoꞌro nti ilon ilokithak. Akka mpiꞌret non itti opilingon nti ianon thomma Kapik, mpiꞌre elli alothienon cik.

1 Kurunthuc 2:8

Pul pella nti inili noluput elli pinat, akka amma okin thaththina okin thakorrnno okkwothe Ili wothrïk thonnon nothapak.

Roma 1:28

Anakka okin thakannokwairttikot cik papenang nolon loKapik, Kapik kekathekin ngatheꞌre ngokithak akin okkot lon ilonu itti lakannokkattat.

Ngre 17:23

Akka mponyarot icarak coman mpokathaccekathe aꞌrupu ianon aꞌrane angaꞌrama, ana mpiathe tuꞌrot taꞌrama tokurrakot nan itti, LAINE KAPIK IKOMMAKO. Kapik ikommako ikanon thaik thaꞌrane ngaꞌrama anon thomma iken akka mpaik patherenthet non lon len.

Ngre 9:16

Mpakenek tat akka akwokkiettat thiak nti ikꞌran kin.”

Ngre 3:17

APoththuruc apperekat akwiꞌre itti, “Pangkingon, mpina inenni itti lon ilanon ana nili non thokkothe naIeccuo, nthokkothe anthommat lon lꞌrek.

Iuanna 8:54

AIeccuo iꞌrekat kin itti, “Amma mpaik pathikkie ka kin prïk, lon len lella lon cik. Ongappa ipanon thaik thiꞌre itti ook oththe pon ook ipathikkien prïk.

Lukka 6:22

Thethïetta thaka thon amma ul wꞌrat non ana ꞌra non nti iccik ken ana ocungko non ana ꞌra ꞌran won nti ilon lokkul wopul iponyi.

Maththa 10:39

Okkwi ipoꞌrumot nothikkoik thung kuret cik ana okkwi ipurethe thikkoik thung cik nti ilon lin caꞌrumakinok nan.

Maththa 5:11

Thethïetta thaka thon amma ul wocungkwot non, ana occokiet non thiak ana eret non ngkarra ana llon lulluk ilokithak nti ilon lin.

Markkoc 13:13

Ul appik wꞌranon nti ilon lin, anaruk okkwi ipoccokothe cïkït ilon puccuk mono alocothakat ana kwaꞌrettat.”

Lukka 21:12

Anaruk alon elli larthuk othakka appik, okin thikko thacciccokot non ana okkiet non thiak. Okin thanekot non nomuththun maꞌrama ana ikorrkkor, ana onon thanekittat tokït konili ana elli appik nti ilon lin.

Lukka 21:17

Ul appik wꞌranon nti ilon lin.

Iuanna 8:55

Onon thommak anaruk mpinak. Ana amma mpiꞌret itti mpommak, mpaka ponu karra karkkon anaruk mpinak ana mpoꞌrumot nolon lung.

Iuanna 15:24

Amma mpappakorronno okkot lon ithoꞌrkït then ila pul pella pokkothe nan, okin thakorronno occot lon itti okin thokithak. Anaruk inenni okin thimmat lon ilommaththik ila mpokkothe anaruk okin tharthuk thꞌrarin ana ꞌra ongappa.

Iuanna 17:25

Ngappa ipoporot, ul wonocapu wommang, mpinang ana okin thina itti ngkwothïothin.

Ngre 4:17

Anaruk ntrun oceꞌre lon len akka alopettakot cik iul appik, oron thiꞌret kin lon lonthoththomat itti akin oceꞌre therene ul ana okorronno ongkene ul ngkꞌran koIeccuo.”

Ngre 9:14

Ana paat cene llon noul ittïttïk woul wonoppan toKapik itti kwathocciccokot ul appik iaik wangante kꞌran koIeccuo akwipot ikorrkkor.”

Ngre 26:9

Oun cakuruk pokat anokwarttikot itti mpakkot lon ncik appik anꞌra oIeccuo ponokaꞌran koNaccir.

1 Iuanna 3:1

Nantokatha tat akka oNgappa ponnon porothiꞌrot pongotheron puccuk mono aron akkarakat itti nyukul nyung, ana ïcat oron thanyukul nyoKapik. Lon ila capu ncik appik commanet ton akka commak.

3 Iuanna 1:7

Akka okin theot akin otherene ul lon loIeccuo, okin thakinnipittat ul iakannoccokot lon loMiccie aꞌrupu.