Iuanna 13:23 - LON ILOPOROT LOKAPIK NATHAM NꞌREK NNONATHAM NOMAꞌROT

²³ Opilin nti iul iammakot oIeccuo ook ipa oIeccuo pongothe, pokat cik akwothïngkakot cik thokkun wothokure iccik koIeccuo nokuppuꞌrung kothuꞌrit.

Iuanna 13:23 ပူးပေါင်းရင်းမြစ်များ

Lukka 16:22

Acaꞌri akkakat apul ipa piak iat auꞌrupa wothothïlettat woKapik onekathok tothiꞌrot na Aprein paik apul ipapaꞌrthan iat cakuruk akwocïkkakat.

Iuanna 1:18

Pul pella pimmat Kapik kirrkkir. Anaruk ukul wung wulluk, iammakka Kapik ïcat ana iaik iccik kung, ien akkiniet ton Kapik.

Iuanna 11:3

Ittina apangon thoLiaccir othïanthet oIeccuo thon itti, “Ili, okkwi ipa ngkwongothe pongo.”

Iuanna 11:36

Ittina aul woIouth iꞌrekat itti, “Nantokatha akka kwongothok.”

Iuanna 11:5

OIeccuo pokat pongothe oMarththa ana opang ipopari ana opang pen ipocura oLiaccir.

Iuanna 13:24

OCcamaan ipoccot kꞌran cakuruk itti oPuththuruc auꞌrekat ca akwiꞌrekat pul ipammakot oIeccuo ipokat iccik kung itti, “Antipittothok itti kwaik peret oththa.”

Iuanna 13:25

Apul pen ipammakot oIeccuo othïngkakot oIeccuo akwipittathok itti, “Ili, oththa pen?”

Iuanna 19:26

Anakka oIeccuo pimmat onnan akwocoꞌro cïnang akin opul pothothïlettat pung ipa kwappongothe cannan, kwiꞌrekathe onnan itti, “Pul ipopari, okatha ukul wang enrik.”

Iuanna 20:2

Akwollat oine oCcamaan oPoththuruc ana pul pothothïlettat pꞌrek ipa oIeccuo pappongothe, akwomekat kin itti, “Okin thonekot Ili nti ippu ana oron thomma nakin thonekkethok.”

Iuanna 21:20

APoththuruc olliakat akwimmakat itti pul ipammakot oIeccuo ipa oIeccuo pappongothe paik pammakot kin nthoceken, ook ipothïngkarakothe oIeccuo caꞌri icakin thokat akin oꞌrko thuꞌrit thocipin ana ipiꞌrethe oIeccuo itti, “Pul ipangkene, oththa akkaik pathokerong?”

Iuanna 21:24

Pul poIeccuo ipammakothok empi ipokat cik akka lon lokkattathe ana ook akkokurrot. Onïn thina itti lon lung laik ïcat.

Iuanna 21:7

Apul ipammakot oIeccuo ipa kwappongothe iꞌrekat oPoththuruc itti, “Katha Ili.” Anakka oPoththuruc poccïkothe lon itti, “Katha Ili” akwïꞌrïkakat kret kung ikïn akworpat iꞌri (akka kwokat puetheik).