Iuanna 1:38 - LON ILOPOROT LOKAPIK NATHAM NꞌREK NNONATHAM NOMAꞌROT

³⁸ Manakka oIeccuo polliakothe, akwimmakat kin akin omakothok akwipittat kin itti, “Ngintha akka annokwariccat?” Okin thiꞌrekathe itti, “Pul ipangkene, kaman kang kaik kartha?”

Iuanna 1:38 ပူးပေါင်းရင်းမြစ်များ

Lukka 10:39

Ponat opang pꞌrek ipopari poccot kꞌran itti oMeriom ipikkot cik iccik koIeccuo akwoccïkot lon lung.

Lukka 14:25

Ul wakat cik cungkut coppot ammakot oIeccuo akwoprttakat kin akwiꞌrekat itti,

Lukka 15:20

Ittina akurokat akwopakkanthet oththan. Anaruk akka kwokat cik akkwarthuk ciththan, oththan pimmakathok athiak oppakat nocïkït thokkul wung. Akwollat taak akwïꞌrïkathok topere.

Lukka 19:5

Manakka oIeccuo paat nokaꞌran ken akwocoꞌrat akwokathakat tothiꞌrot akwiꞌrekat oCcakka itti, “Aꞌrik uintan cokoccokot mpaik paeo tuan thanang inenni.”

Lukka 22:61

Ittina aIli oprttakat cik akathakat oPoththuruc. Menik aPoththuruc okwarikat lon ila Ili wokat wiꞌrethok itti, “Inenni athakꞌruk tharthuk oo, ngkwacukkwo nolon itti ngkwinan maꞌri mꞌrapuruk.”

Lukka 8:38

Apul ipa uꞌrupa iokithak wokat woꞌrot nan ummat akwipittat oIeccuo itti okin thaeo akin aththungon anaruk oIeccuo popakkekanthok tit itti,

Iuanna 1:37

Anakka ul iammakothok ieꞌra woccïkothe akwiꞌre lon elli, okin thomakathe oIeccuo.

Iuanna 1:39

Akwiꞌrekat kin itti, “Nanthan annathokatha.” Menik akin oingkat akin othokathakat na kwokat akwikkoik ana okin thikkatheik cipin cen okin aththut ana cïngkï cokat cocoꞌrin cocipin.

Iuanna 1:49

ANaththanail iꞌrekat lon mpoꞌre cittan itti, “Pul ipangkene, oung ukul woKapik, oung Ili woIccereil.”

Iuanna 12:21

Ul iakorronno oka woIouth wen wakkakanthet oPilippic ipokat ponokaꞌran koPeththcceitha ikaik noththok poCelïl akin ipittathok itti, “Pït pïn, ïnthongothe itti onïn therene oIeccuo.”

Iuanna 18:4

Ana akka oIeccuo pinat lon appik ilokat cik lathothakka, kwoppanthet kin thapat ana kwipittathekin itti, “Oththa akka annokwantot?”

Iuanna 18:7

Akwappipittat kin attang itti, “Oththa akka anon okwantot?” Akin iꞌrekat itti, “Onïn thaik thakwantot oIeccuo poNaccir.”

Iuanna 3:2

Kwainet oIeccuo ngkoꞌra akwiꞌrekathok itti, “Pul ipangkene, onïn thina itti oung pul ipangkene ipaat noKapik akka pul pella ipakkot lon ilommaththik ila ngkwaik pakkot amma Kapik kella naung.”

Iuanna 3:26

Opilingon noul iammakot oIuanna akkakanthet oIuanna akin iꞌrekathok itti, “Pul ipangkene, opaththi ipanon thokat cik annaththeꞌra nokarkan kꞌrek koUruthun ipa ngkwerethe paik pikket ul mamuthie ana ul appik waik waukkwinok athoccere mamuthie.”

Iuanna 4:31

OIeccuo pappakannoꞌrko papꞌrek aththik, aul iammakothok iꞌrekathok itti, “Pul ipangkene, oꞌrku aꞌrpꞌrek.”

Iuanna 6:25

Anakka okin thiothok nocarkan corok, okin thipittathok itti, “Pul ipangkene, ngkwaat cene acintha?”

Ngre 10:21

OPoththuruc puathe thaiken ana kwiꞌrekathekin itti, “Oun ipanon thaik thipitto, ngintha akka onon thainet?”

Ngre 10:29

Ana akka mpothïlanthet itti mpanthan, mpaat anokorronno aꞌrettakot. Mpantipittot noni, ngintha akka nthothïnthet itti mpaine?”