Ipranin 12:27 - LON ILOPOROT LOKAPIK NATHAM NꞌREK NNONATHAM NOMAꞌROT

²⁷ Lon itti “Attang” lakene itti thopaꞌre thaꞌrupu cik iapaꞌrettaik ammakka itti aꞌrupu iokuꞌrettat ncik othakka itti aꞌrupu iakannoꞌrintittako ncik oꞌrungkwot cik.

Ipranin 12:27 ပူးပေါင်းရင်းမြစ်များ

Maththa 24:35

Tothiꞌrot ana capu thintat cik anaruk lon lin lakorronno intat cik aththik.”

Roma 8:19

Aꞌrupu wonocapu waik waꞌrïkot nyukul nyoKapik cannan itti wakenetta kin.

Roma 8:21

Othakka itti aꞌrupu ncik appik elikkako nti ithoccokiettat thiak tholon ilokithak akin onakatta ithrïk nuthuk thonyukul nyoKapik.

1 Kurunthuc 7:31

Ana okkwion ithongothe aꞌrupu wonocapu ncik appik akin oka ere okin thꞌrat akka lon lonocapu appik lintat cik.

Ipranin 1:10

Ana kwiꞌrekathe cakuruk itti, “Ili, nci nomun, ngkwokuꞌret capu ncik ana tothiꞌrot tangkwokkothe nyaun nyang.

Ipranin 13:14

Akka oron thella kaꞌran konnon cene kothupuththuput anaruk oron thaik thaꞌrikot kaꞌran ikathokaik thupuththuput.

Ipranin 9:11

Akka oMiccie paat ammakka pul iprïk ponoppan toKapik, polon iloporot ilaik cene ncinnan, kwiꞌrikot icüꞌrük tothiꞌrot icïrïk ana icoporot cannan ica pul iponyi pakannokkot icakannoka conocapu.

Thitto 11:15

Uꞌrupa wothothïlettat woKapik ieꞌreꞌrapuruk wekathe thïpïl, anoccïkat poꞌre cittan ntothiꞌrot apiꞌre itti, “Ngili ngonocapu ncik appik ngothakkat ngili ngoIli wonnon ana ngoMiccie pung ana ook akkakkma thupuththuput.”

Thitto 21:1

Ittina mpimmakathe tothiꞌrot iie ana nocapu iie, akka tothiꞌrot torokït ana nocapu corokït thintatheik, ana tok irapangka acakuruk tellat.

Thitto 21:4

Kukukkot kin ngeme ntoca. Thio thellaik ana themeru ana thoo ana thokꞌrellako thoka, akka aꞌrupu iïpe wellaik pꞌrin.”

Thitto 21:5

Okkwi ipokat cik akwikkoik noprrok poili iꞌrekat itti, “Mpaik pakkot lon ncik appik lie.” Kwiꞌrekathin itti, “Okurri elli, akka lon ila mpaik perenung laik ïcat ana lonu itti lanekkettat cïkït nan.”