1 Thimiththaoc 6:13 - LON ILOPOROT LOKAPIK NATHAM NꞌREK NNONATHAM NOMAꞌROT

¹³ Mpethung lon elli ikkun tokït koKapik ikethet aꞌrupu thikkoik appik ana tokït koIeccuo oMiccie ipakannocukkwo nolon ilaik ïcat tokït koPilaththoc poPunththioc,

1 Thimiththaoc 6:13 ပူးပေါင်းရင်းမြစ်များ

Maththa 27:11

Anakka oIeccuo pocoꞌrot tokït koili oPilaththoc, aili ipittathok itti, “Oung Ili woIouthi?” AIeccuo othïat tit itti, “Laik ammakka ngkwiꞌret.”

Maththa 27:2

Ittina akin ïꞌrïkïkkathok akin onekathok akin ekathok oPilaththoc ipokat ili wonoththok poIouthia.

Iuanna 14:6

AIeccuo othïat tit itti, “Oun kathar ana lon ilaik ïcat ana thikkoik. Pul pella paine ongappa amma kwakonnoppo naun.

Iuanna 19:11

AIeccuo othïat tit itti, “Ngkwakannonat puꞌran amma pappanettathung ntothiꞌrot. Ittina okkwi ipethin oung ikkun ponu lon lokithak cannan.”

Iuanna 5:21

Ana ammakka oththan purokie ul illet nti ithio ana ethet kin thikkoik, ana cakuruk ukul wethet okkwion thikkoik itha kwongothe itti kwethet.

Iuanna 5:26

Ana inakka oththan pokkul akkonu puꞌran pothikkoik ika kung, kwethet ukul wung puꞌran pothikkoik cakuruk ika kung.

Ngre 17:25

Ana kannorekakine nyaun nyoul ionyi akka kwannangkot papꞌrek. Kwethet ul thikkoik thung ana utha ana aꞌrupu wꞌrek appik.

2 Kurunthuc 9:13

Ana nti ilon lore ianon nthokkothe, nthokenet ngka kon, ul wapirane Kapik noka nti ithoccïkot lon thon ithakene thoccokot lon nomïkït thon tholon iloporot loIeccuo oMiccie ana thethet kin aꞌrupu ana ul appik.

Kalaththia 3:26

Onon thanyukul nyoKapik appik nthoccokot lon loIeccuo oMiccie.

1 Thimiththaoc 1:12

Mpopiranet oMiccie oIeccuo noka Ili wonnon, ook ipethin puꞌran ana ipokatharin itti mpekkot nan ana ook ipakkarothin ire ngung ngoKapik.

1 Thimiththaoc 1:15

Lon elli iliꞌrettat laik ïcat ana lonu itti laccokittat papenang itti, “OMiccie oIeccuo paat nocapu ncik appik itti akwathoꞌret ul wolon ilokithak.” Ana oun akkokithak cannan ntiakin.

1 Thimiththaoc 2:5

Akka Kapik kaik kulukku ana pul paik pulukku ipïꞌrïkot ton tothun ngKapik ook oMiccie oIeccuo.

1 Thimiththaoc 5:21

Mpethung lon elli ikkun tokït koKapik ana koIeccuo oMiccie ana kouꞌrupa wothothïlettat woKapik iakkarakot. Mpiꞌrethung itti ngkwaꞌrumo nolon elli akorronno ïcat nopul pꞌrek amma anceꞌret lon cik.

1 Thimiththaoc 6:12

Opoꞌrathan nthoccokot lon loIeccuo nocïkït thopoꞌrathan ithoporot aina akka aiot thikkoik thothupuththuput itha Kapik kakkarothung. Akka caꞌri ica ngkwerethe lon len ngkwerethe theret ithoporot tokït koul woppot.

Thitto 1:5

ana naIeccuo oMiccie ook iperet lon ila kwimmat okorronno ocukko nalꞌrek, ana ook ponothon ipurokot nti ithio ana Ili wonili nonocapu. Lon elli laine okkwi ipongotheron ana okkwi ipelikkot ton nti ilon ilokithak lonnon ngngüccük ngung.

Thitto 21:6

Kwiꞌrekathin itti, “Mpokkothe lon ncik appik pꞌrin. Oun Alppa ana Omeka, ponothon ana ipocothothe okkwi ipakuꞌre aꞌrupu ncik ana ipacothot aꞌrupu. Mpethet okkwion itha pica pokkwothe ngꞌri ngomakuꞌrang mothikkoik akin ïkko nuthuk.

Thitto 22:1

Ittina uꞌrupa wothothïlettat woKapik wokenekathin tue ironu ngꞌri tit ngothikkoik, ngoꞌrillir ere ngaꞌra allo noprrok poKapik ana pothungkat

Thitto 3:14

“Laine uꞌrupa wothothïlettat woKapik iaik wakatha lon locungkut coul ioccokothe lon loIeccuo nokaꞌran koLathukkia: Lon elli lolon itti, ‘Amin’ okkwi ipoꞌrumot noꞌron ana okkwi ipimmat lon ngkït ïcat ana okkwi ipaili waꞌrupu nocapu appik ia Kapik kokuꞌret ncik.