1 Poththuruc 5:8 - LON ILOPOROT LOKAPIK NATHAM NꞌREK NNONATHAM NOMAꞌROT

⁸ Nangwot ka kon annokathaccekat cik kicce. Pul pothopulut ipanon thꞌrarot paik panyarakot cïnang apoakot ere thepa ithaik thakwariccat pul pꞌrek athoꞌrko.

1 Poththuruc 5:8 ပူးပေါင်းရင်းမြစ်များ

Maththa 13:39

ana pul ipꞌrat lon lopul pokkwon, ook pul pothopulut ana ook ipeet takkaa. Thokio mïl thonu itti caꞌri ica luput ocothakot nan, ana lon itti ul iathokio lonu itti uꞌrupa wothothïlettat woKapik.

Maththa 24:42

Ittina noccot kït cik akka onon thomma caꞌri ica Ili won ao nan.

Maththa 25:41

Ittina kwiꞌret okkwion ithaik thokkun wothokure itti, ‘Nopaꞌroik nti iccik kin ngonon ithik thothupuththuput, onon ithattattakot nthokꞌro nthik thothupuththuput ithonekkettanthet pul pothopulut cik ana uꞌrupa wothothïlettat wung.

Maththa 4:1

Ana Kanang koKapik konekathe oIeccuo ithampang ithonthomat, apul pothopulut othennekkek.

Maththa 4:11

Ittina apul pothopulut oththekat naIeccuo, auꞌrupa wothothïlettat woKapik akkakat aikkat cik akatha lon lung.

Markkoc 4:15

Ul wꞌrek waik ammakka mïl imothithiekotheik ikathar. Amma okin thoccïkothe lon, pul pothopulut panthan accokkot aponekat kin lon ilakin thoccïkothe nnomïkït men.

Lukka 21:34

“Noꞌrumoik akka anon okorronno iꞌrikikke kakon ilon lonocapu ammakka itti thïkko ngapak ana thirro mïkït nti ikarak nolon lothikkoik akka caꞌri canthan anon thomma nan.

Lukka 21:36

Noꞌrumoik, naꞌra ngaꞌrama othakka itti anon olukkot thoꞌrarot cik tholon ilaik lanthan ana annina akka annocoꞌro tokït kokkul wopul iponyi.”

Lukka 22:31

AIeccuo iꞌrekat oCcamaan itti, “Camaan, antoccïkot, pul pothopulut pipittot itti penekkenon appik ere pul amma apïꞌre mïl nti nartta.

Iuanna 8:44

Oththe pon pul pothopulut ana nthongothe itti onon thamakot lon ila oththe pon pongothe. Kwokat pul ipangutte ul ncimaꞌrot ana kwonat karra ana kwappokat pꞌrat lon ilaik ïcat akka kwellat lon ilaik ïcat nocïkït. Amma akwammikkot, kwere lon lulluk loka kung ana ook pokarra ana ook oththan poul iere karra appik.

2 Kurunthuc 2:11

othakka itti apul pothopulut okorronno iot kathar ika akwarrot ton cik ngngin akka oron thina lon lung kicce.

Apuccuc 4:27

nokorronno ethet pul pothopulut kaꞌran.

Apuccuc 6:11

Nako amarang woKapik appik othakka itti annina akka annorro ilon lopul pothopulut appik.

1 Thimiththaoc 2:15

Anaruk pul ipopari pantokwono nyukul nthokinya paꞌrettat amma poꞌrungkothe ithoccokot lon loKapik nocïkït ana ithongarot ana pupupure ana oka pinaik nti ica.

1 Thimiththaoc 2:9

Ana mpongothe cakuruk itti ul iari wako eret iakorronno ul athianekin cik ana iekkot nokamuthe. Akin okorronno occot kït naꞌrupu iongakothe cannan ammakka thokkot thire nuwan ana ako thaap ana muccu ana eret ionu cekerek cïrïk.

1 Thimiththaoc 3:11

Ana ul iari wonu itti waka menik cakuruk ana oka wothiakineik ana wakanneret ul llon ilokithak. Ana thoꞌrumot noka ken appik ana oka ul ia ul onekket mïkït nan ana ethet lon.

1 Thimiththaoc 3:2

Pul iponu lon ikkun loul ioccokothe lon loIeccuo ponu itti paka pul ipella thorukwettat cik ana apona pari pulukku ana oka poꞌrumot noka kung ana oka pinaik nti ica ana oka pothiakinet cik ana oka pongothe itti ul wainok appik ana akwina ongkene ul.

2 Thimiththaoc 4:17

Anaruk Ili oIeccuo pokat iccik kin ana kwethin puꞌran othakka itti anere lon lung appik, aul iakannoka woIouth occïkot. Kwoꞌrethin nti ithon thothepa.

Thiththoc 1:8

Kwonu itti kwaka pul ipongothe ul itti wainok ana ongat lon appik iloporot ana oka pul ipaccokot ka nti ilon ilokithak ana ipinaik nti ica ana oka pocoꞌrothe lon cik ana oka pupupure.

Thiththoc 2:12

Ana thoporot thoKapik thakeneron itti oron thꞌra lon ilakorronno opirie Kapik noka ana ꞌra lon lonocapu ncik appik, ana thakeneron tat akka oron inaik nti ima papenang ana oka thocoꞌrothe lon cik ana ikkoik thikkoik itha Kapik kongothe,

Thiththoc 2:2

Erenet ul iocokkat iomura itti akin angwot ka ken papenang ana oka thothiakinet cik ana oka thinaik nti ima ana thopoꞌrat than nthoccokot lon loKapik nomïkït men ana okkot ngre appik nthongarot nomïkït ana thoccokot cïkït.

Thiththoc 2:4

othakka itti akin ocimitto nyukul inyoire inyonan akin ongat ollen ana nyukul nyen,

Thiththoc 2:6

Ana cakuruk nerene uꞌrit akin angwot ka ken oka thinaik nti ima.

Iakup 4:7

Nethet Kapik ka kon, nꞌra lon lopul pothopulut ana pallo paththe nanon.

1 Poththuruc 1:13

Ittina nokuccekinthet lon cik ilanon thongothe itti onon thakkot, noꞌrumo noka kon, nonekket thoꞌrikot cik thon kirrkkir nothoporot itha oIeccuo oMiccie onanenon amma akwanthan.

1 Poththuruc 4:7

Thocothakot tholon ncik appik thakko napuththut. Ittina occokothe ka kang papennang, accat kït cik aina akka aꞌra ngaꞌrama.

Thitto 12:10

Ana mpoccïkathe poꞌre cittan tothiꞌrot apiꞌre itti, “Thoꞌrettat thaat inenni ana puꞌran ana ngili ngoKapik konnon, ana puꞌran poMiccie pung. Akka okkwi iparttuket opang ponnongon tokït koKapik icïngkï ana ngkoꞌra, porrettathe nocapu.

Thitto 12:12

Ittina nopira noka appik onon ithaik tothiꞌrot ana onon ithaik thikkoik than anaruk angkre nocapu ana norok irapangka, akka pul pothopulut poinet non nocapu ana pua ka cannan, akka kwina itti maꞌri mung motte.”

Thitto 12:9

Papu ipokithak ipungkot pre iprïk porrettakathe nocapu. Kwokat pinyil ipïpe ipoccot kꞌran itti pul pothopulut okkwi ipurttet ul cik nocapu appik. Kwokat porrettathe nocapu nnuꞌrupa wothothïlettat wung.

Thitto 20:10

Ana pul pothopulut ipammikkothekin porrettakathe irok tothik thalparut, na papu poripira ana pul pothernte lon loKapik ngkarra thorrettathe. Okin thaccokot thiak ngkoꞌra ana icïngkï thupuththuput.

Thitto 20:2

Auꞌrupa wothothïlettat occokat papu ipokithak ipungkot pre ipa pinyil ipïpe ana kwoccot kꞌran cakuruk itti okkwi ipammikkot ul ana pul pothopulut. Ana aꞌrupa wothothïlettat wïꞌrïkïkkathe pul pothopulut luput kathar.