1 Poththuruc 2:6 - LON ILOPOROT LOKAPIK NATHAM NꞌREK NNONATHAM NOMAꞌROT

⁶ Akka lokurrakot iatham itti Kapik kiꞌret itti, “Mpanekket pothok nokaꞌran koCiun thupuththuput, pothok ipakkarakot ipoporot cannan, ana okkwi ipoccokothe lon lung nocïkït kwakorronno othiaik.”

1 Poththuruc 2:6 ပူးပေါင်းရင်းမြစ်များ

1 Poththuruc 2:4

Naine oMiccie ipikkoik thupuththuput ana iponthomat ere pothok anaruk kwꞌrakot nul wꞌrek ere pothok ipella ngre cik anaruk noKapik, Kapik akkumorok nti iul.

Apuccuc 2:20

Nuno nomillang moul wothothïlettat woIeccuo ana ul wothernte lon loKapik, aIeccuo oka cillang coman ana mothok imunta ngngin.

Markkoc 12:10

Onon thakorronno akkakkaro lon ilaik iatham woKapiki? Liꞌre itti, ‘Pothok ipa ul iuno wꞌrat nti ipangken pothakkakathe cillang icaceꞌret kunthong tan.

Roma 10:11

Ana ammakka atham wiꞌret itti, “Okkwi iponekkethe cïkït naak kwakorronno othiettaik.”

2 Thimiththaoc 3:16

Atham appik woKapik wokurrakot ngKanang koKapik, ana woporot wangkenetto ana wathirriettot cik ana wanceꞌrettarnthet lon cik ana okene ul lon lothikkoik thoporot.

Iuanna 7:38

Okkwi ipoccokothe lon lin nocïkït cung nue noiꞌri ngothikkoik nallo nti iaak ammakka atham wiꞌret.”

Lukka 23:35

Aul ikkat cik akathaccek anili nen ikkat cik anoccirok ngngin. Akin iꞌre itti, “Kwoꞌrethe ul wꞌrek, akwoꞌret ka kung amma ook oMiccie ipa Kapik kakkarot.”

Maththa 12:18

“Pul iparekinin empi ipa mpakkarot, okkwi ipa mpongothe, ana ipa mpopirat noka nan. Mpethok Kanang kin, ana kwerene ul appik lon ilocoꞌrotheik.

2 Poththuruc 3:16

Ammakka laik iaꞌramacak wung appik iakkwokurrot weret lon len anaruk aꞌramacak wung wonat loꞌrek tit lonthomat loma inako ilaul iommaik ana iangkene ngkarra ongkene ngkathar moloko ammakka okin thongothe ana ilakin okkot nonatham nꞌrek akin ongwo ka ken.

2 Poththuruc 1:20

Onon thonu itti nthina nan itti lon lotheret atham nul wothernte lon loKapik nci maꞌrot lakorronnoka lerettat nti ica copul pothernte lon loKapik.

Apuccuc 1:4

akka nthongarot thung kwocumot ton nti iul ngkꞌran kung acapu ncik appik carthuk okuꞌretta cik itti aron oka thupupure ana thella thorukettat cik tokït kung

Ngre 1:16

Ana kwiꞌrekathe itti, “Pangkingon, lon latham woKapik lonu itti lakkattat ila Kanang ikupupure kerenet oThauth lon loIoutha ook iponu ul ikkun ioccokothe oIeccuo.

Lukka 20:17

AIeccuo okathakat kin akwipittat kin lon itti, “Lon ilokurrakot itti, ‘Pothok ipa ul iuno wꞌrat ipen akkathakkat cillang.’ Lonu itti ngintha?

1 Poththuruc 2:8

ana oIeccuo paik ere, “Pothok ipammukkie ul ana cuꞌrol icapukkiekin.” Okin thammukko akka okin thakannoccïkot lon loKapik ana ilen akka Kapik kokornathekin akin okorronno occïkot lon.