1 Poththuruc 1:22 - LON ILOPOROT LOKAPIK NATHAM NꞌREK NNONATHAM NOMAꞌROT

²² Inakka onon thothikkiet ka kon kupupure nthoccïkot lon ilaik ïcat othakka itti annona thongat thupupure, nongarot ïcarïcat ncinomïkït.

1 Poththuruc 1:22 ပူးပေါင်းရင်းမြစ်များ

Iuanna 15:17

Lon lin ila aniꞌret non ilonthomat itti onon thangarot.

Iuanna 15:3

Onon thothikkiettat thoꞌrillir nti ilon ila mperenet non.

Iuanna 17:17

Othikkiekin thupupure llon ilaik ïcat, lon lang laik ïcat.

Iuanna 17:19

Mpakuccet ka kin cik anoreko nti ilon len othakka itti akin okuccekot cik cakuruk akin orekinung ïcat.”

Ngre 15:9

Kwannopetto iaron ana kwannopetto iakin akka kwimet mïkït men nthoccokot lon lung nomïkït then.

Ngre 6:7

Ittina lon loKapik lopettakatheik. Maun moul iammakot oIeccuo marttakathe nan nokaꞌran koUruccelim ana ul woppot wonoppan toKapik occïkat lon lothoccokot lon nomïkït.

Roma 1:5

Ana oron thipakot thiak then nti ilon lung ana kꞌran kung ana ekko nan itti oron thathakka ul wothothïlettat woIeccuo, aron akkaro ul nti iul iakannoka woIouth akin occïkot thoccïkot ithanthan nolon lothoccokot lon nocïkït.

Roma 2:8

Anaruk okkwion ithongothe lon lokaken ana ꞌra lon ilaik ïcat akin ommakot lon ilamoloko, Kapik kua ka ken.

Roma 8:13

Akka amma onon thikkoik thikkoik thoka ikokithak ana onon thille anaruk amma onon ikkoik ngKanang koKapik onon thakkwot lon ilokithaki ilaik ika kon ana onon thakkoik.

2 Kurunthuc 6:6

ana amma onïn angwot ka kïn thupupure ana ina lon, ana amma onïn occokot cïkït ilon ana ithoporot ana iKanang ikupupure ana ithongarot ïcarïcat,

Kalaththia 3:1

Ul woKalaththia, nthontha akka nthommaik ntima? Oththa akkolikinet non cik itti nthannimmaik? Onon thuret nan akka mperenet non itti oIeccuo pinthet non nothapaki?

Kalaththia 5:5

Anaruk oron ntrun oꞌrïkot lon itti Kapik kathikkie ton thoporot nthoccokot tholon thonon ana mpuꞌran poKanang koKapik ikupupure.

Kalaththia 5:7

Onon thokat anoccïkot lon loMiccie, oththa akkoceꞌret non itti nthannoccïkot lon ilaik ïcat?

Apuccuc 4:3

Nopoꞌrathan Nothoꞌrumo thothoka thoKanang tothun nthikkoik thoporot.

Pilippi 1:9

Ana mpaꞌra ngaꞌrama itti thongat thon ithanon thongarothe tharttakot nan, ana anon oꞌrungkot nan ocokka ithinaik thon

Atham iaine ul woThocculunukkia 1 3:12

AIli oIeccuo arttinthet non nothongarot athothakka thoppot annongarot ana annongakat ul wꞌrek cakuruk, ammakka onïn thongothenon.

2 Thocculunukkia 1:3

Pangkingon, onïn thongothe itti onïn thethet Kapik thopira noka appinappin nti ilon lon ana lekkot nan menik akka thoccokot lon loKapik nomïkït thon thaik tharttakot nan ana thongarot thon ithanon thongarothe ngngin thaik tharttakot nan.

2 Thocculunukkia 2:13

Turuk loporot itti onïn thapirane Kapik noka nti ianon opangkingon itha Ili oIeccuo pongothe, akka Kapik kocumot non nci maꞌrot itti annoꞌrettat mpuꞌran poKanang ikupupure ikathikkienon thupupure ana nthoccokot thon tholon loKapik ilaik ïcat.

1 Thimiththaoc 1:3

Mpiꞌrethung itti ngkwikkoik icarak coman cApuccuc ammakka mpiꞌrethung ampokat aneo noththok poMakthonia. Iꞌrethe ul iangkene ngkarra lon lonthomat itti akin ocoꞌro nti ithongkene thokarra.

1 Thimiththaoc 1:5

Lon elli ila mpiꞌrethung lonthoththomat lonu lon lung itti ngkwangkene ul itti wangarot tat mmïkït mupupure ana lon ilao noucce iloporot ana thoccokot lon loIeccuo nocïkït ïcat.

1 Thimiththaoc 4:12

kirrnni okorronnokin akin okathang ere ngkwotte othakkanekin pul ipakin oneko lon nan, okin ithoccokothe lon loIeccuo nomïkït, nthere thang ana nthikkoik thang, nthongat thang ana nthoccokot lon loKapik nocïkït thang ana nthupupure thang.

1 Thimiththaoc 5:2

Okkinthet ul iari iukkwat lon ere onnen ana ul iari ionan ere opangkangon ithari ella lon tit ilokithak.

2 Thimiththaoc 1:14

Oꞌrumi nolon len ilettathung papenang. Oꞌrumi nan mpuꞌran poKanang ikupupure ikaik iaron.

Ipranin 11:8

Nthoccokot lon loKapik nocïkït Aprein poccïkothe lon loKapik akka kakkarorok itti kwaeo nokaꞌran ikathoka kung thupuththuput, kwoccïkathe lon lung ana kwoingkathe akkwomma na kwaik paeo.

Ipranin 13:1

Noꞌrungkot nothongarot ammakka ul ioccokothe lon loMiccie.

Ipranin 5:9

anakka kwothakkiettat poporot kirrkkir, kwothakkakathe kathar kothoꞌrettot koul iaccïkot lon lung kothupuththuput,

Ipranin 6:10

Kapik kakannokwïet lon ana kakannure nore ngon ana thongat ithanon thokenerok nthittarot ul wung ana nthittarot ithanon thoꞌrungkothe nan ittarot kin.

Ipranin 9:14

Anaruk ngüccük ngoMiccie akkoporot noüccük ngaꞌrupu worua enni appik. Kwethet ka kung ngKanang kothupuththuput itti kwio ere papu pothokiot ngüccük cik ipella lon ilokithak. Ngüccük ngung ngathikkieron thoꞌrillir nti ilon ilokithak ilananeron thio othakka itti aron ina akka oron orekine Kapik ikaik thupuththuput.

Iakup 1:21

Ittina nopaꞌrine lon ilokithak cik ana lon ilokithak iloppathe cik. Noccïkot lon mmïkït moporot ila Kapik konekkenthet non nomïkït ilaꞌret non.

Iakup 4:8

Nanthan iccik koKapik ana kanthan iccik kon. Nopaꞌrine lon ilokithak cik onon ithonu lon ilokithak, nothikkie mïkït mon moꞌrillir onon ithonu lon nomïkït leꞌrarit.

1 Poththuruc 1:2

Kapik ongappa kinanon ncimaꞌrot ana kopettot non ngkanang annoccïkothok ana inenni oIeccuo poꞌrot non ngüccük ngung. Mpongothe itti onon thana thoporot thung ana thomicco thung thoppot nothikkoik thon.

1 Poththuruc 2:17

Nothiane ul cik appik, nongat ul ianon thoccokothe lon loIeccuo nomïkït, nopellene Kapik, nothiane ili irïk cik.

1 Poththuruc 3:1

Onon ithari ithittat, noccïkot olle pangon. Amma ollen thopilingon thꞌrek thakannoccot lon loKapik nomïkït akin occokot lon loKapik nothikkoik ithoporot,

1 Poththuruc 3:20

iokat wꞌrat occïkot lon loKapik ana Kapik kokat akoꞌrikot kin nthoccokot cïkït nomaꞌri moNua akka kuppuꞌrung konoiꞌri kokat cik akunta. Ul iokat cik ioꞌrettathe nti ike wokat moromor tulluk nti iul appik,

1 Poththuruc 3:8

Ittina pꞌrin mpiꞌret non itti nikkoik tothun appik, niparo thiak then, nongarot, nokarne thoporot, nokorronno iparnthet ka thoura.

1 Poththuruc 4:17

Akka caꞌri caat cothakkma ana cakuꞌretta ncik nul woKapik cittokït ana amma cokuꞌrettat oron ncik ngngin cittokït, ana laka taththa noul iakannoccïkot lon iloporot loKapik?

1 Poththuruc 4:8

Ana nolon elli appik nongarot appik ïcarïcat akka thongarot thaꞌrumot lon ilokithak loppot.

2 Poththuruc 1:7

ana arttot thongarot ana thoporot nothikkoik ammakka Kapik kongothe.

1 Iuanna 3:11

Lon elli ilanon thoccïkothe nci nomun itti oron thangarot.

1 Iuanna 3:23

Ana lon lung ila kwongothe itti oron thaccokot nomïkït ngkꞌran kokkul wung oIeccuo oMiccie ana ongarot ammakka akwiꞌret ton.

1 Iuanna 4:12

Pul pella pimmat Kapik anaruk amma oron thongarothe, Kapik kakaik naron ana thongat thung thakaik naron kirrkkir.

1 Iuanna 4:20

Amma opilin piꞌret itti “Mpongothe Kapik,” ana akkwꞌrat opang, kwonu karra. Akka okkwi ipakannongat opang ipa kwimmat, kwakannongat Kapik ika kwakinnimma.

1 Iuanna 4:7

Pangkingon itha mpongothe, tun ongarot, akka thongarot thanthan noKapik. Okkwi ipongothe opang kwokwontat noKapik ana kwina Kapik.

Thitto 2:4

Ana icci mponu lon lꞌrek lotte lampongothe itti mpaꞌretto nanon ngngin, itti onon thakannoka thongothin ana nthakannongarot ammakka onon thokat ncinomun.