1 Iuanna 4:8 - LON ILOPOROT LOKAPIK NATHAM NꞌREK NNONATHAM NOMAꞌROT

⁸ Okkwi ipakannongat ul, kwomma Kapik akka Kapik kathongarot.

1 Iuanna 4:8 ပူးပေါင်းရင်းမြစ်များ

2 Kurunthuc 13:11

Pangkingon, ittina pꞌrin mpaik paththe nanon. Nopira noka ana okkot lon iloporot ana opoꞌrathan ana erekettot. Nikkoik llon loporot. Ana Kapik kothongarot ana kothomicco kaka nanon.

Apuccuc 2:4

Anaruk nti ithongat cannan itha kwongotheron, Kapik okkwi ipapaꞌrthan pothiak,

Ipranin 12:29

akka “Kapik konnon kathik ithaꞌrkoik.”

1 Iuanna 1:5

Lon elli lanïn thoccïkothe naak ana onïn thaik thakenenon ana ilen itti Kapik kakꞌran ikacco ana ngïꞌrïmak ngella naak aththik.

1 Iuanna 2:4

Pul ipame itti, “Mpinak,” anaruk akwokorronno okkot ila kwiꞌrethok itti kwakkot, kwonu karra ana lon ilaik ïcat lella nocïkït cung.

1 Iuanna 2:9

Okkwi ipame itti kwaik nokꞌran ikacco ana akwꞌra opang, kwarthuk paik iꞌrïmak.

1 Iuanna 3:10

Ittina oron thina itti nyukul nyoKapik nyia ana nyukul nyopul pothopulut nyia ngkathar itti okkwi ipakanno okkot lon ilocoꞌrotheik kwakannoka ukul woKapik ana cakuruk okkwi ipakannongat opang.

1 Iuanna 3:6

Pul pella ipakin thaik aththut paꞌrungkot nan okkot lon ilokithak. Akka pul ipakkot lon ilokithak pakinnimmak ana pommak.

1 Iuanna 4:16

Ittina oron thina itti Kapik kongotheron ana oron thonekkethe mïkït noKapik. Kapik kothongarot. Okkwi ipikkoik nthongarot noucce kwaik okin oKapik ana Kapik kaik naak.

1 Iuanna 4:7

Pangkingon itha mpongothe, tun ongarot, akka thongarot thanthan noKapik. Okkwi ipongothe opang kwokwontat noKapik ana kwina Kapik.