1 Iuanna 1:8 - LON ILOPOROT LOKAPIK NATHAM NꞌREK NNONATHAM NOMAꞌROT

⁸ Ana amma oron akkame itti oron thella lon ilokithak cik, oron thaik thammikkot ka konnon ana lon ilaik ïcat lella iaron.

1 Iuanna 1:8 ပူးပေါင်းရင်းမြစ်များ

Iuanna 8:44

Oththe pon pul pothopulut ana nthongothe itti onon thamakot lon ila oththe pon pongothe. Kwokat pul ipangutte ul ncimaꞌrot ana kwonat karra ana kwappokat pꞌrat lon ilaik ïcat akka kwellat lon ilaik ïcat nocïkït. Amma akwammikkot, kwere lon lulluk loka kung ana ook pokarra ana ook oththan poul iere karra appik.

Roma 3:10

Ammakka lokurrakot itti, “Pul pella ipoporot manna pulukku.

Roma 3:23

Akka oron appik thokkothe lon lokithak ana oron thokakathe ciththan nothrïk thoKapik

1 Kurunthuc 3:18

Nokorronno ammikkot ka kon. Amma opilin nti ianon paik pame itti kwinaik nti ica naꞌrupu wonocapu enci, kwonu itti kwaka pommaik othakka itti akwinaik nti ica.

Kalaththia 6:3

Anaruk okkwi ipeꞌret itti ook poporot ana kwannoka poporot, kwaik pammikkot ka kung.

1 Thimiththaoc 6:5

Ul ammakka enni waꞌrettaro nan tulluk ana ma men monu lon lulluk ilokithak ana okin thꞌrat lon ilaik ïcat okin thakatha lon loKapik ere kathar ikakin ipo thaꞌrthan ngngin.

2 Thimiththaoc 3:13

Anaruk ul iokithak ana wokarra warttot nolon ilokithak ana okin thaꞌrungkot ammikkikkot ul ana ul ammikkot kin.

Iakup 1:22

Anaruk nokorronno oꞌrungkwot occïkot lon loKapik tulluk alella ngre ngen cik, akka ittina onon thaik thammikkot ka kon.

Iakup 1:26

Ana okkwi ipame itti kwoꞌrumot nolon loKapik akwokorronno oꞌrumo nothuꞌre thung, kwammikkothe ka kung ana ittina thoccokot lon loKapik nocïkït thung thaka karra nuthuk.

Iakup 3:2

Oron thakkot lon lamoloko nathar woppot. Ana amma opilin pakanniꞌre lon aththik moloko amma akwere, katha kwoporot ana kwina oꞌrumo noka kung.

2 Poththuruc 2:13

Okin then thattattakot llon ilokithak ilakin thokkothe ilokithak. Ilapiriekin noka itti okin thakkot lon ilokithak ngka ken icïngkï. Okin thothiet ul cik llon ilokithak ilakin thaik thakkot ithoꞌrkït thon amma annoꞌrko thuꞌrit.

1 Iuanna 1:10

Ana amma oron akkame itti oron thakannokkot lon ilokithak, oron thipierok karra ana lon lung lella kaꞌran cik nomïkït monnon.

1 Iuanna 1:6

Amma oron akkame itti oron thaik unnaththut anaruk aron oꞌrungkwot nan okkot lon ilokithak lori iꞌrïmak oron thaik thammikkot ana oron thaik thakinnikkoik ngkathar ika kwongothe itti oron thikkoik ngngin.

1 Iuanna 2:4

Pul ipame itti, “Mpinak,” anaruk akwokorronno okkot ila kwiꞌrethok itti kwakkot, kwonu karra ana lon ilaik ïcat lella nocïkït cung.

1 Iuanna 4:20

Amma opilin piꞌret itti “Mpongothe Kapik,” ana akkwꞌrat opang, kwonu karra. Akka okkwi ipakannongat opang ipa kwimmat, kwakannongat Kapik ika kwakinnimma.

2 Iuanna 1:2

ana nti ilon ilaik ïcat ilaik iaron ana laka naron thupuththuput.

3 Iuanna 1:3

Lopirierin noka cannan akka opang ponnongon thꞌrek thaat ncïnang ana okin therenin lon lothoꞌrumo tholon lon ilaik ïcat ana itti onon thaik thammakot papenang tat.