Luka 6:30 - NTETO ĨMBEGA TA BŨRĨA YANDĨKIRWE NĨ LUKA

³⁰ Muntũ angĩkũromba gĩntũ mũnenkere; na ũrĩa ũgagũtunya into jiaku ũtĩkamwĩtie jio.

Luka 6:30 ပူးပေါင်းရင်းမြစ်များ

Luka 11:41

Atĩrĩ, ejagani nkĩa kĩrĩa kĩrĩ thanini na ikombeni jienu, na into jionde igatuĩka irĩa nderu kĩrĩ bwi.

Luka 12:33

Endiani into jienu, na bunenkere nkĩa mbeca iu. Ĩthondekereni ibeti irĩa itĩkathiraga mbeca, bwĩigĩre ũtonga bwenu ĩgũrũ kwa Ngai, kũrĩa ũtĩkathira, nĩũntũ gũtĩ mwamba angĩũkinyĩra kana ndungu iũthũkangia.

Luka 18:22

Rĩrĩa Jesũ egwire ũgu akĩmwĩra atĩrĩ, “Kũrĩ na ũntũ bũmwe ũtigarĩtie. Thi wendie into jiaku jionde, ũgaĩre nkĩa mbeca iu ũkona, na ũkagĩa na ũtonga ĩgũrũ. Ũcoke wĩje ũndingate.”

Luka 6:29

Muntũ akeja gũkũringa rũĩ rwa rũthĩa mũgarũkĩrie o na rũu rũngĩ. Na muntũ angĩgũtunya ĩgoti o na sati mũnenkere.

Luka 6:31

Na o bũrĩa bũnkĩenda antũ barĩa bangĩ babũrũthage, barũthageni bu.

Luka 6:38

Ejanagani, nabwi bũkaewa nĩ Ngai nyingĩ, irĩ nkindĩre nkinya igetĩka. Nĩũntũ rĩ, kĩthimi kĩrĩa bũthĩmanagĩra nakĩo nĩkĩo bũkathimĩrwa nakĩo.”