Ị́jọ́ Uꞌbéŋá 6:19 - Ị́jọ́ Úꞌdí rĩ

¹⁹ bá sãdínĩ rú ị́jọ́ vú nzelépi ĩnzõ rú rĩ kí, ãzíla ꞌbá ꞌbá kí usúlépi rĩ kî.

Aringa

¹⁹ bá sãdínĩ rú ị́jọ́ vú nzelépi ĩnzõ rú rĩ kí, ãzíla ꞌbá ꞌbá kí usúlépi rĩ kî.

Ị́jọ́ Uꞌbéŋá 6:19 ပူးပေါင်းရင်းမြစ်များ

Ãfũŋá 20:16

“Lẽ mí alị́ ĩnzõ mî jĩránĩ rụ́ ku.

Ãfũŋá 23:1

“Ĩmi ují ụ́ꞌdụ́kọ́ ĩnzõ rú la ku. Ĩmi ãtị̃ ꞌbá ị́jọ́ ũnzí ngalépi rĩ ꞌbã ũngúkú sĩ pá tujó ĩꞌdiní sãdínĩ rú ku.

Ị́jọ́ Uꞌbéŋá 12:17

Sãdínĩ pịrị rĩ la ị́jọ́ mgbã rĩ jọ, wó sãdínĩ pịrị ku rĩ la ĩnzõ jọ.

Ị́jọ́ Uꞌbéŋá 14:5

Sãdínĩ pịrị rĩ álị́ ĩnzõ ku, wó sãdínĩ ĩnzóꞌbá rĩ la ĩnzõ jọ kpẽté kpẽté.

Ị́jọ́ Uꞌbéŋá 16:28

ꞌBá ũnzí rĩ la fẽ ãcóŋá ní kpẹ̃lé nĩ, káláŋá la fẽ la wọ̃rị̃ mgbã rĩ la iré rá.

Ị́jọ́ Uꞌbéŋá 19:5

Sãdínĩ ĩnzó rĩ kí ꞌbá ĩnzõ jọlépi ambamba rĩ be icó kí ĩcẽlé drị̃rịma ịsụ́ŋá gá ku.

Ị́jọ́ Uꞌbéŋá 19:9

Sãdínĩ ĩnzó rĩ icó ĩcẽlé drị̃rịma ịsụ́ŋá sĩ ku; ãzíla ꞌbá ĩnzõ jọlépi ambamba rĩ icó ĩcẽlé drị̃rịma ịsụ́ŋá gá ku.

Ị́jọ́ Uꞌbéŋá 21:28

Sãdínĩ ĩnzó rú rĩ la ị̃lị̃kị̃ rá, wó ála Sãdínĩ ị́jọ́ pịrị rĩ jọlépi rĩ aꞌbe ị́jọ́ vú nzelé rá.

Ị́jọ́ Uꞌbéŋá 22:10

Ídrĩ ꞌbá idemará ru rĩ dro ãmvé, ãgátã gaŋá la fũ rá, ãwãŋá ãzíla úꞌdáŋá la ukó rá.

Ị́jọ́ Uꞌbéŋá 25:18

ꞌBá ị́jọ́ ị̃ndụ́ nzelépi ĩꞌdi ꞌbã jĩránĩ drị̃ gá ĩnzõ rú rĩ, ĩꞌdi ꞌbá adrá cécé túré jõku ménéŋá jõku ꞌé sị́ ãcí rĩ áni.

Ị́jọ́ Uꞌbéŋá 26:20

Ijijá kóru ãcí la anụ́ rá; ãndróndróŋá kóru ãwãŋá la adru yụ.

Ị́jọ́ Uꞌbéŋá 6:14

kí ị́jọ́ ũnzí itú kí ásị́ gá; sáwã pírí sĩ kí ị́jọ́ fẽ bá drĩdríŋĩ gá.

Ị́jọ́ Uꞌbéŋá 8:13

Úpí ụ̃rị̃jó rĩ ĩꞌdi ị́jọ́ ũnzí ngụ̃jó rĩ ꞌi. Ángụ̃ ãfó kí ị́pị́pị́ŋá be ũnzí, ãzíla ádrízã ũnzí kí ị́jọ́ jọlé ĩnzõ rú rĩ be ũnzí.

Mãtáyõ 15:19

Ãꞌdusĩku ꞌbá ásị́ agâlé ũrãtáŋá ũnzí ꞌdĩ kí ãfũ nĩ, ꞌbá ꞌdịŋá, ãwụ̃, ũlẽ ũkú sĩ ri, ụ̃gụ̃, ĩnzõ jọjó, ãzíla ꞌbá rụ́ ị́jọ́ ũnzí jọjó rĩ abe.

Mãtáyõ 26:59

Ãtalo ãmbogo rĩ kí ꞌbá ị́jọ́ amálépi rĩ kí abe pírí, ri kí ị́jọ́ ãzí ĩnzõ rú la ndrụ̃lé Yẹ́sụ̃ ụrụꞌbá gâ sĩ ĩꞌdi ꞌdịjó rá.

ꞌEtáŋá 6:13

Sãdínĩ ĩnzõ rú la kí abe jọ kí, “Ágọ́bị́ ꞌdĩ la ngá ụ́ꞌdụ́ pírí ị́jọ́ ũnzí rĩ kí jọjó ãngũ ãlá Ãdróŋá drị́ gá rĩ drị̃ gá, ãzíla ãzị́táŋá Mụ́sã drị́ gá rĩ kí drị̃ gá.

2 Tị̃mị̃tị́yọ̃ 2:23

Ájọ míní ífi ãgátã gâlé aza rú ãzíla ũndũwã kóru ãcóŋá fẽlépi ꞌdĩ kí agá ku.

Yãkóꞌbõ 3:18

ꞌBá ásị́ ị̃gbẹ̃ ajílépi ꞌbá kí drĩdríŋĩ gá rĩ, kí ũri ásị́ ị̃gbẹ̃ drị̂ rĩ, ãzíla kí drụ́zị́ ị́jọ́ múké ásị́ ị̃gbẹ̃ drị̂ kí lã ãná áni Ãdróŋá mẹ́lẹ́tị gá.