Ị́jọ́ Uꞌbéŋá 6:12 - Ị́jọ́ Úꞌdí rĩ

¹² ꞌBá ãzị́ kọ́lị ãzíla ũnzí rĩ kí acị́ ngara ị́jọ́ ĩnzõ rú rĩ iréŋá trũ,

Aringa

¹² ꞌBá ãzị́ kọ́lị ãzíla ũnzí rĩ kí acị́ ngara ị́jọ́ ĩnzõ rú rĩ iréŋá trũ,

Ị́jọ́ Uꞌbéŋá 6:12 ပူးပေါင်းရင်းမြစ်များ

Ị́jọ́ Uꞌbéŋá 10:32

ꞌBá ãlá rĩ kí ị́jọ́ múké rĩ kí jọ, wó ꞌbá ũnzí rĩ kí tị la ĩnzõ jọ.

Ị́jọ́ Uꞌbéŋá 11:6

Ị́jọ́ mgbã rĩ la ꞌbá ãlá rĩ kí pa nĩ, wó ị́jọ́ ũnzí ꞌbá ũnzí rĩ ꞌbã kí lẽlé rĩ la kí rụ nĩ.

Ị́jọ́ Uꞌbéŋá 16:27

ꞌBá ãzị́ kóru rĩ ĩꞌdi ị́jọ́ ũnzí itú nĩ, ĩꞌdi tị ko cécé ãcí kolépi bẹ̃kụ̃bẹ̃kụ̃ rĩ áni.

Ị́jọ́ Uꞌbéŋá 16:30

ꞌBá ꞌbá ũbĩlépi mịfị́ sĩ kámị́-kámị́ rĩ la ị́jọ́ ũnzí itú, ꞌbá ru tị mũlépi mgbe-mgbe cí rĩ la fẽ ị́jọ́ ũnzí rĩ la ru idé rá.

Ị́jọ́ Uꞌbéŋá 17:4

ꞌBá ị́jọ́ ũnzí idélépi rĩ kí ị́jọ́ are ꞌbá ũnzí rĩ kí tị gá; ĩnzóꞌbá la ĩnzõ are ĩnzóꞌbá ãzí tị gá.

Ị́jọ́ Uꞌbéŋá 2:12

Ũndũwã la ími pa ꞌbá ũnzí rĩ kí drị́ gá ãzíla ꞌbá ị́jọ́ jọlépi mũlũmbẽ sĩ rĩ kí drị́ gá.

Ị́jọ́ Uꞌbéŋá 3:32

ãꞌdusĩku Úpí ngụ̃ ꞌbá ị́jọ́ ũnzí ngalépi rĩ ũnzí, wó ĩꞌdi tị icí ꞌbá ị́jọ́ pịrị rĩ ngalépi rĩ be.

Ị́jọ́ Uꞌbéŋá 4:24

Mí aꞌbe ĩnzõ jọŋá cã; íjọ ị́jọ́ mũlũmbẽ sĩ ku.

Ị́jọ́ Uꞌbéŋá 6:14

kí ị́jọ́ ũnzí itú kí ásị́ gá; sáwã pírí sĩ kí ị́jọ́ fẽ bá drĩdríŋĩ gá.

Ị́jọ́ Uꞌbéŋá 8:13

Úpí ụ̃rị̃jó rĩ ĩꞌdi ị́jọ́ ũnzí ngụ̃jó rĩ ꞌi. Ángụ̃ ãfó kí ị́pị́pị́ŋá be ũnzí, ãzíla ádrízã ũnzí kí ị́jọ́ jọlé ĩnzõ rú rĩ be ũnzí.

Mãtáyõ 12:34

Ĩmi cécé ị̃nị̃ ị́rị́gọ́ ru rĩ áni, ĩmi icó ị́jọ́ múké jọlé íngoní ru, ịsụ́ ꞌdĩ sĩ ĩmi ꞌbá ị́jọ́ ũnzí idélépi la? Ãꞌdusĩku tị la ị́jọ́ galépi ásị́ gâlé tré rĩ jọ.

ꞌEtáŋá 20:30

Átã ĩmi drĩdríŋĩ gá ꞌdâ, ꞌbá ãzí kí ãfũ ị́jọ́ mgbã ꞌdĩ ujalé rá sĩ ꞌbá Yẹ́sụ̃ ãꞌị̃lépi rá rĩ kí usejó ĩꞌba rụ́ kí vú bĩjó ị́jọ́ ĩꞌba ãni ĩnzõ rú ꞌdã agá.

1 Tị̃mị̃tị́yọ̃ 5:13

Ị́jọ́ ꞌdĩ sĩ, kí acá ũvũ rú acị́jó ngara ꞌbá ꞌbã lị́cọ́ tị pi trũ, mụjó ị́jọ́ jọ trũ ꞌbá ꞌba rụ́, ufíjó ị́jọ́ gá mị́rị̃ rú vâ sĩ ị́jọ́ tá lẽlé újọ ku rĩ kí ujọ́ trũ.

Yãkóꞌbõ 1:21

Ị́jọ́ ꞌdĩ sĩ, ĩmi aꞌbe ị́jọ́ ãndị́ ru ãzíla ũnzíkãnã ĩmi agá rĩ kí pírí rá. Be la rá la, ĩmi ãꞌị̃ ị́jọ́ mgbã ꞌbání sĩlé ĩmi ásị́ gá icólépi úríndí ĩmi agá rĩ palépi rá rĩ ꞌi.

Yãkóꞌbõ 3:6

Ĩdra ĩꞌdi cécé ãcí áni, ĩꞌdi ụrụꞌbá ꞌbã wókõ galépi ị́jọ́ ũnzí sĩ tré rĩ ꞌi, ĩꞌdi ꞌbá ꞌbã mgbã rĩ iza pírí. Ĩꞌdi ꞌbá ꞌbã ídri ãcí su ãcí ukólépi ku rĩ sĩ rá.