Ị́jọ́ Uꞌbéŋá 5:21 - Ị́jọ́ Úꞌdí rĩ

²¹ Ãꞌdusĩku Úpí la ị́jọ́ ꞌbá ꞌbã ngalé rĩ kí undré, ãzíla mịfị́ ĩꞌdidrị̂ la ãngũ ĩꞌdi ꞌbã sĩ mụjó rĩ kí undré pírí.

Aringa

²¹ Ãꞌdusĩku Úpí la ị́jọ́ ꞌbá ꞌbã ngalé rĩ kí undré, ãzíla mịfị́ ĩꞌdidrị̂ la ãngũ ĩꞌdi ꞌbã sĩ mụjó rĩ kí undré pírí.

Ị́jọ́ Uꞌbéŋá 5:21 ပူးပေါင်းရင်းမြစ်များ

Ị́jọ́ Uꞌbéŋá 15:3

Úpí ꞌbã mịfị́ la ãngũ ndre ãngũ pírí gá, ĩꞌdi ꞌbá ũnzĩkãnã ngalépi rĩ kí undré ꞌbá mũkẽ ngalépi rĩ kí abe.

Ị́jọ́ Uꞌbéŋá 4:26

Gẹ̃rị̃ míní acị́jó rĩ ꞌbã adru ị́jọ́ pịrị drị̂ ꞌi ãzíla ị́jọ́ míní ngalé rĩ kí dó sĩ adru pịrị.

Ị́jọ́ Uꞌbéŋá 5:6

Ũrã ị́jọ́ gẹ̃rị̃ ídri drị̂ drị̃ gá ku; ĩꞌdi abá gẹ̃rị̃ agá ꞌdâ, wó nị̃ ꞌí ãvĩ ꞌbo rĩ gá ku.

Ẽbũrãníyã 4:13

Ãko ãzí zị̃lé Ãdróŋá drị̃lẹ́ gá la ꞌdáyụ. Ãko pírí kí iꞌdá ĩꞌdi mịfị́ gá tọndọlọ, ĩꞌdi ꞌbá ãma sĩ ị́jọ́ ãmadrị̂ kí vú nzejó ĩꞌdi drị̃lẹ́ gá rĩ ꞌi.

Ícétáŋá 2:18

“Ísĩ wárágã mãlãyíkã kãnị́sã Ãdróŋá drị́ Tãyị̃tị́rã gá rĩ ní íni: Ị́jọ́ ꞌdĩ angá kí Ãdróŋá Ngọ́pị drị́, mịfị́ la ãngũ ndrejó rĩ la dị̃ cécé ãcí kolépi bẹ̃kụ̃-bẹ̃kụ̃ rĩ áni, pá la ꞌbã lẽrẽlẽrẽ dị̃jó rĩ cécé aya akálépi ãcí sĩ rĩ ꞌbã ãcí ꞌbã dị̃lé rĩ áni.

Ícétáŋá 2:23

Ma ꞌbá ĩꞌdi vú bĩlépi rĩ kí ụꞌdị́ rá, ꞌbá kãnị́sã Ãdróŋá drị̂ agá rĩ kí sĩ nị̃ la ánị̃ ũrãtáŋá ꞌbá ásị́ gá rĩ kí pírí cé, ị́jọ́ ĩꞌbaní lẽlé rĩ abe. Ma ꞌbá ãlu-ãlu ũfẽ ị́jọ́ ĩꞌdiní idélé rĩ vú sĩ.