Ị́jọ́ Uꞌbéŋá 29:26 - Ị́jọ́ Úꞌdí rĩ

²⁶ ꞌBá ũꞌbí kí lẽ ásị́ ị̃gbẹ̃ úpí drị̂ ịsụ́lé, wó Úpí la ị́jọ́ pịrị rĩ lị nĩ.

Aringa

²⁶ ꞌBá ũꞌbí kí lẽ ásị́ ị̃gbẹ̃ úpí drị̂ ịsụ́lé, wó Úpí la ị́jọ́ pịrị rĩ lị nĩ.

Ị́jọ́ Uꞌbéŋá 29:26 ပူးပေါင်းရင်းမြစ်များ

Íꞌdóŋá 43:14

Ãdróŋá Ũkpó ꞌDị́pị ꞌbã fẽ ásị́ ị̃gbẹ̃ ágọ́bị́ ꞌdã ꞌbã ásị́ gá ĩꞌdiní sĩ Bénzãmĩnĩ kí ãfẽjó ĩmidrị́ ĩmi ádrị́pị̃ ãzí lé ꞌdã be ĩndĩ. Wó drĩ dó vâ adru mání sĩ anzị mádrị̂ kí ãvĩjó pírí yã áni, lẽ ꞌbã adru dó ꞌdã ꞌbã áni.”

Ị́jọ́ Uꞌbéŋá 16:14

Adrã úpí drị̂ la drã ají, wó ꞌbá ũndũwá ru rĩ la ĩꞌdi ásị́ ịgbẹ rá.

Ị́jọ́ Uꞌbéŋá 16:15

Ãyĩkõ úpí mẹ́lẹ́tị gá rĩ la ídri fẽ, ĩꞌdi ꞌbã mũkẽ ĩꞌdi cécé ụ̃rụ́ꞌbụ̃ uzogó fẽlépi áyi sĩ rĩ ani.

Ị́jọ́ Uꞌbéŋá 16:33

ꞌBá kí jẽgê ꞌbe rá sĩ ị́jọ́ Ãdróŋá ꞌbã lẽlé rĩ nị̃jó, wó Úpí la ị́jọ́ múké rĩ umvi nĩ.

Ị́jọ́ Uꞌbéŋá 16:7

Gẹ̃rị̃ ꞌbá drị̂ drĩ kí Úpí ní ãyĩkõ fẽ rá, ĩꞌdi átã mẹ́rọ́ꞌbá ĩꞌdidrị̂ kí fẽ uꞌálé ĩꞌdi be ásị́ ị̃gbẹ̃ sĩ.

Ị́jọ́ Uꞌbéŋá 19:21

ꞌBá la ị́jọ́ kí ụ̃tị̃ ĩꞌdi ásị́ gâlé ũꞌbí ru; wó ị́jọ́ Úpí ꞌbã lẽlé rĩ la ru idé nĩ.

Ị́jọ́ Uꞌbéŋá 19:6

ꞌBá ũꞌbí kí mũkẽ ndrụ̃ ꞌbá ãko fẽlépi fẽ-fẽ rĩ ꞌba rụ̂ sĩ; ãzíla ꞌbá pírí kí adru wọ̃rị́ ꞌbá ãko fẽlépi fẽfẽ rĩ ãni.

Ị́jọ́ Uꞌbéŋá 21:1

Úpí ꞌbã ásị́ ĩꞌdi Úpí ꞌbã drị́lẹ́ gá, Úpí la ĩꞌdi tị ují ãngũ ĩꞌdiní lẽlé rĩ gá cécé ĩꞌdiní ị̃yị́ tị ujílé rĩ áni.

1 Kọ̃rị̃nị́tọ̃ 4:4

Áma ũrãtáŋá agá ị́jọ́ ãzí mání idélé ũnzí la ꞌdáyụ, wó ị́jọ́ ꞌdĩ sĩ ma dó sĩ ị́jộ kóru la ku. Úpí la ị́jọ́ lị áma drị̃ gá rá la nĩ.