Ị́jọ́ Uꞌbéŋá 29:23 - Ị́jọ́ Úꞌdí rĩ

²³ Ãfó la ꞌbá ịsị́ vụ̃rụ́, wó ꞌbá ru irilépi vụ̃rụ́lé rĩ la ãrútáŋá ịsụ́ rá.

Aringa

²³ Ãfó la ꞌbá ịsị́ vụ̃rụ́, wó ꞌbá ru irilépi vụ̃rụ́lé rĩ la ãrútáŋá ịsụ́ rá.

Ị́jọ́ Uꞌbéŋá 29:23 ပူးပေါင်းရင်းမြစ်များ

Ị́jọ́ Uꞌbéŋá 11:2

Ãfó la ꞌbá drị̃ gá drị̃nzá ají, wó ꞌbá ru irilépi vụ̃rụ́lé rĩ ũndũwã rú.

Ị́jọ́ Uꞌbéŋá 15:33

Úpí ụ̃rị̃jó ri la ꞌbá imbá adrujó ũndũwá ru, ãzíla mi ãrútáŋá ịsụ́ rá la ídrĩ ími iri vụ̃rụ́ rĩ gá.

Ị́jọ́ Uꞌbéŋá 16:18

Ãfó la ꞌbá agụ lị́kị̃ gá, úríndí ị́pị́pị́ŋá drị̂ la ꞌbá fẽ aꞌdélé rá.

Ị́jọ́ Uꞌbéŋá 16:19

Ĩꞌdi múké ru irijó vụ̃rụ́ ꞌbá lẽmẽrí rĩ kí agá, ndẽ ãko arálé ará-arâ rĩ kí awajó ꞌbá ãfó trũ rĩ kí abe rĩ rá.

Ị́jọ́ Uꞌbéŋá 17:19

ꞌBá ãwãŋá lẽlépi rĩ lẽ ị́jọ́ ũnzí, ãzíla ꞌbá ị́jọ́ jọlépi ãfó sĩ rĩ la lị́kị̃ ndrụ̃.

Ị́jọ́ Uꞌbéŋá 18:12

Ásị́ ãfó ru rĩ la ꞌbá agụ lị́kị̃ gá; wó míní ími irijó vụ̃rụ́ rĩ la ãrútáŋá ají.

Ị́jọ́ Uꞌbéŋá 22:4

ꞌBá ru irilépi vụ̃rụ́lé ãzíla Úpí ụ̃rị̃lépi rĩ la málĩ, ãrútáŋá ãzíla ídri ịsụ́ rá.

Mãtáyõ 18:4

Ị́jọ́ ꞌdĩ sĩ, ꞌbá ru irilépi vụ̃rụ́ cécé ngọ́tị́ŋá ĩmbíráŋá ꞌdĩ áni rĩ ãmbógó ru Sụ́rụ́ ꞌBụ̃ gá rĩ agá nĩ.

Mãtáyõ 23:12

ꞌBá pírí ru ꞌbãlépi ãmbógó ru kí drị̃ sĩ ꞌdĩ kí ála kí isé vụ̃rụ́, wó ꞌbá ru malépi fụ́ ꞌdĩ kí ála kí ꞌbã ãmbógó ru.”

Mãtáyõ 5:3

“Drị̃lẹ́ba ꞌbá lẽmẽrí úríndí agá Ãdróŋâ ndrụ̃lépi ꞌdĩ ꞌbanî, ãꞌdusĩku Sụ́rụ́ ꞌBụ̃ gá rĩ ĩꞌba ãni.

Lụ́kã 14:11

ꞌBá pírí ru ꞌbãlépi ãmbógó ru kí drị̃ sĩ ꞌdĩ kí ála kí isé vụ̃rụ́, wó ꞌbá ru malépi fụ́ ꞌdĩ kí ála kí ꞌbã ãmbógó ru.”

Lụ́kã 18:14

Yẹ́sụ̃ jọ, “Álũ ĩminí, sáwã Ãdróŋá ãꞌị̃jó rĩ la mụ ukólé ꞌbo, Ãdróŋá ꞌdụ ágọ́bị́ mụ̃sọ́rọ̃ tralépi rĩ ꞌbãlé ãlá ru ndẽ ágọ́bị́ Fãrĩsáyĩ rú rĩ rá. Ị́jọ́ ꞌdĩ sĩ, ꞌbá ru ịpị́lépi cénĩ-cénĩ rĩ, ála ĩꞌdi isé vụ̃rụ́. Wó ꞌbá ru ꞌbãlépi vụ̃rụ́ rĩ ála ĩꞌdi ꞌbã ãmbógó ru.”

ꞌEtáŋá 12:23

Hẽródẽ ꞌbã Ãdróŋâ rụ́ ịcụ́jó áyụ ku rĩ sĩ, mãlãyíkã Ãdróŋá drị́ gá rĩ fẽ acá ãyánĩ rú vụ̃rụ́ sĩ, ãzíla ụ̃ꞌbụ na kí dó ĩꞌdi ífí kpere ĩꞌdi ꞌbã drã agá.

Ãzị́táŋá Amviŋá 8:16

Kõtórõ agâlé Ãdróŋá fẽ míní mãnã nalé, ãkónã mî áyị́pịka ꞌbã kí nalé kí ídri gá ku la sĩ ãfó ími ꞌa gá rĩ nzejó ãzíla ími ụ̃ꞌbị̃jó sĩ lẽjó nị̃jó la ãko míní lẽlé idélé rĩ kí ãꞌdu ími sĩ ãsị̃ŋá gá ãko ũniyambamba Ãdróŋá ꞌbã sĩ míní sụ̃sụ́ ãlá rĩ wijó kí drị̃ gá rĩ kí ịsụ́ benĩ.

1 Pétẽrõ 5:5

Ĩmi kãrị́lẹ̃ rú ꞌdĩ, ĩmi are ꞌbá ĩyõ ãmbogo rú ĩmi drị̃lẹ́ gá rĩ kí tị. Ĩmi pírí ꞌbã nị̃ kí uꞌá sĩ ásị́ ị̃gbẹ̃ sĩ ĩmi drĩdríŋĩ gá ãꞌdusĩku, “Ãdróŋá la ꞌbá ãfó ru rĩ ịsị́ vụ̃rụ́, wó ĩꞌdi ásị́ ị̃gbẹ̃ fẽ ꞌbá ru irilépi vụ̃rụ́ rĩ nî.”