Ị́jọ́ Uꞌbéŋá 28:26 - Ị́jọ́ Úꞌdí rĩ

²⁶ ꞌBá ásị́ ꞌbãlépi ũndũwã ĩꞌdidrị̂ drị̃ gá rĩ la aza-azâ, wó ꞌbá ị́jọ́ kí ngalépi ũndũwã sĩ rĩ la ru pa rá.

Aringa

²⁶ ꞌBá ásị́ ꞌbãlépi ũndũwã ĩꞌdidrị̂ drị̃ gá rĩ la aza-azâ, wó ꞌbá ị́jọ́ kí ngalépi ũndũwã sĩ rĩ la ru pa rá.

Ị́jọ́ Uꞌbéŋá 28:26 ပူးပေါင်းရင်းမြစ်များ

Ị́jọ́ Uꞌbéŋá 2:12

Ũndũwã la ími pa ꞌbá ũnzí rĩ kí drị́ gá ãzíla ꞌbá ị́jọ́ jọlépi mũlũmbẽ sĩ rĩ kí drị́ gá.

Ị́jọ́ Uꞌbéŋá 26:12

Índre ꞌbá ru ꞌbãlépi ũndũwá ru cénĩ la rá yã? Ásị́ tị̃ŋá ꞌbá azalépi aza-azâ rĩ drị̂ ndẽ ꞌbá ꞌdã áni rĩ rá.

Ị́jọ́ Uꞌbéŋá 3:5

Íꞌbã ásị́ Úpí drị̃ gá ími ásị́ pírí sĩ ãzíla mí ãtị̃ jõ mi ũndũwã mídrị̂ drị̃ gá ku;

Ị́jọ́ Uꞌbéŋá 3:7

Íꞌbã jõ ími ũndũwã ambamba rĩ gá ku, íru Úpí ꞌi ãzíla mí idé jõ ị́jọ́ ũnzí ku.

Rụ́mị̃ 8:7

ꞌBá ásị́ ꞌbãlépi ị́jọ́ ụrụꞌbá drị̂ drị̃ gá rĩ ĩꞌdi mẹ́rọ́ ru Ãdróŋá be, ꞌbã ásị́ ũnzí rĩ fẽ ãrútáŋá ãzị́táŋá Ãdróŋá drị̂ ní tị la arejó ku.

2 Tị̃mị̃tị́yọ̃ 3:15

Ímbá míní ị́jọ́ Ãdróŋá drị́ sĩlé ãlá rĩ iꞌdójó ãnzị̃rị̃ŋã sĩ, ãzíla fẽ kí míní ũndũwã sĩ patáŋá amụ́lépi ãꞌị̃táŋá sĩ Kúrísĩtõ Yẹ́sụ̃ rụ́ sĩ rĩ ịsụ́jó.

Yãkóꞌbõ 1:5

Wó ꞌbá ãzí ĩmi drĩdríŋĩ gá la drĩ ũndũwã ndrụ̃ sĩ ị́jọ́ Ãdróŋá ꞌbã lẽlé ꞌbã idé rĩ nị̃jó, ꞌbã zị Ãdróŋá ãko pírí fẽlépi ꞌbání ĩndrã kóru, ãzíla vâ ị́jọ́ mî zịlé rĩ ngụ̃lépi ũnzí ku rĩ ꞌi, ĩꞌdi fẽ la ꞌbá pírí ní rá.