Ị́jọ́ Uꞌbéŋá 25:8 - Ị́jọ́ Úꞌdí rĩ

⁸ lẽ mí agụ ꞌbá tõlé kẹ́sị̃ gá mbẽlẽ rú ku, ãsị̃ŋá gá mi dó mụ ãꞌdu idélé mî jĩránĩ drĩ míní drị̃nzá fẽ rá rĩ gá?

Aringa

⁸ lẽ mí agụ ꞌbá tõlé kẹ́sị̃ gá mbẽlẽ rú ku, ãsị̃ŋá gá mi dó mụ ãꞌdu idélé mî jĩránĩ drĩ míní drị̃nzá fẽ rá rĩ gá?

Ị́jọ́ Uꞌbéŋá 25:8 ပူးပေါင်းရင်းမြစ်များ

Ị́jọ́ Uꞌbéŋá 14:12

Gẹ̃rị̃ ãzí la iꞌdá ími drị̃lẹ́ gá ãlá ru, wó ãsị̃ŋá gá ĩꞌdi ími agụ drã gá.

Ị́jọ́ Uꞌbéŋá 17:14

Ãwãŋá iꞌdóŋá ĩꞌdi cécé ị̃yị́ tị̃lépi ãngũ ãlu gá ãmbógó rĩ ꞌbã tị nzị̃jó rĩ áni. Ị́jọ́ ꞌdĩ sĩ lẽ mí atrị ãwãŋá ꞌdĩ sĩ ĩmi andi drĩ ĩmi ku rú.

Ị́jọ́ Uꞌbéŋá 18:6

Ị́jọ́ ꞌbá azalépi aza-azâ rĩ ꞌbã jọlé rĩ la ãwãŋá ají; ị́jọ́ ĩꞌdi ꞌbã jọlé rĩ la ãcóŋá umve ĩꞌdi ụrụ ꞌbá gá.

Ị́jọ́ Uꞌbéŋá 30:33

Ídrĩ lẹ́sụ́ ꞌa usa, ĩꞌdi ãdu ũfũ rá, ídrĩ ꞌbá ãzí ꞌbã ũmvu dị, ãrí la la ra rá, ídrĩ ị́jọ́ kí usa ũmbã sĩ, ĩꞌdi ãwãŋá ajị́.”

Mãtáyõ 5:25

“Ĩmi idé ị́jọ́ ꞌbá ími tõlépi kẹ́sị̃ gá rĩ be gbõrú. Ĩmi idé ị́jọ́ ꞌdĩ kí ĩminí drĩ mụ agá gẹ̃rị̃ gá ꞌdâ ꞌdĩ, wó jõ íni ku ĩꞌdi ími fẽ ꞌbá ị́jọ́ lịlépi rĩ drị́, ãzíla ꞌbá ị́jọ́ lịlépi rĩ la ími agụ fẽlé ãmbógó drị́, ãzíla ĩꞌdi ími ꞌdụ ꞌbãlé mãbụ́sụ̃ gá.