Ị́jọ́ Uꞌbéŋá 22:4 - Ị́jọ́ Úꞌdí rĩ

⁴ ꞌBá ru irilépi vụ̃rụ́lé ãzíla Úpí ụ̃rị̃lépi rĩ la málĩ, ãrútáŋá ãzíla ídri ịsụ́ rá.

Aringa

⁴ ꞌBá ru irilépi vụ̃rụ́lé ãzíla Úpí ụ̃rị̃lépi rĩ la málĩ, ãrútáŋá ãzíla ídri ịsụ́ rá.

Ị́jọ́ Uꞌbéŋá 22:4 ပူးပေါင်းရင်းမြစ်များ

Ị́jọ́ Uꞌbéŋá 19:23

Úpí ụ̃rị̃jó rĩ la ꞌbá agụ ídri gá; ꞌbá ụ̃rị̃ ꞌdĩ trũ rĩ ásị́ la la adru ị̃gbẹ́ ru, ị́jọ́ ũnzí aló ĩꞌdi ku.

Ị́jọ́ Uꞌbéŋá 21:20

ꞌBá ũndũwã trũ rĩ drị́ jó gá málĩ ãzíla ãdu kí adru nĩ, wó ꞌbá azalépi aza-azâ rĩ la ãko ĩꞌdidrị̂ kí iza pírí.

Ị́jọ́ Uꞌbéŋá 21:21

ꞌBá ị́jọ́ mgbã rĩ ndrụ̃lépi lẽtáŋá ukólépi ku rĩ be rĩ la ídri ịsụ́ ị́jọ́ mgbã rĩ be ãzíla ála ĩꞌdiní ãrútáŋá fẽ rá.

Ị́jọ́ Uꞌbéŋá 22:3

ꞌBá ị́jọ́ ꞌa uyalépi ũndũwá sĩ rĩ la ị́jọ́ ũnzí amụ́lépi rĩ ndre údu rú ãzíla ĩꞌdi ru zị̃ rá, wó ꞌbá ũndũwá kóru rĩ la mụ drị̃ gá ãzíla ĩꞌdi fi drị̃lẹ́ ũnzĩ amụ́lépi rĩ agá nĩ.

Ị́jọ́ Uꞌbéŋá 22:5

Gẹ̃rị̃ ꞌbá ũnzí rĩ ꞌbadrị̂ kí agá ụ̃cị́kị́ kí mãtégõ be cí, wó ꞌbá ru tãmbalépi mba-mbã rĩ acị́ gẹ̃rị̃ ĩꞌbãdrị̂ kí agâ sĩ ku.

Ị́jọ́ Uꞌbéŋá 29:23

Ãfó la ꞌbá ịsị́ vụ̃rụ́, wó ꞌbá ru irilépi vụ̃rụ́lé rĩ la ãrútáŋá ịsụ́ rá.

Ị́jọ́ Uꞌbéŋá 3:16

Ũndũwã la fẽ la mi uꞌá ídri rú ílí ãzo rú, ĩꞌdi ími ꞌbã adrulé málĩ trũ ãzíla mi ãrútáŋá ịsụ́ rá.

Ị́jọ́ Uꞌbéŋá 31:30

Ụrụꞌbá idélé ãlá ru rĩ agá mũlũmbẽ cí ãzíla ũnĩ ụrụꞌbá drị̂ ãzị̂ kóru, wó ũkú Úpí rulépi rá rĩ la ị̃nzị̃táŋá ịsụ́ rá.

Mãtáyõ 6:33

Wó drị̃drị̃ rĩ sĩ, ĩndrụ̃ Sụ́rụ́ Ãdróŋá drị̂ ꞌi ị́jọ́ mgbã ĩꞌdidrị́ rĩ kí abe, ãzíla ãko ãzí ĩminí lẽlé ꞌdĩ kí pírí ála kí fẽ ĩminí ĩndĩ.

1 Tị̃mị̃tị́yọ̃ 4:8

Ụrụꞌbá imbájó ũkpó ru rĩ ĩꞌdi ụ̃rọ̃drị́ ru rá, wó ru imbájó ũkpó ru úríndí sĩ Ãdróŋá ị̃nzị̃jó rĩ ĩꞌdi ụ̃rọ̃drị́ ru ị́jọ́ pírí agá, ị́jọ́ azịlé ídri úꞌdîꞌda rĩ agá ídri rú amụ́lépi ĩndõ rĩ agá rĩ ꞌbã ũyá ũfẽjó.

Yãkóꞌbõ 4:10

Ĩꞌbã ĩmi vụ̃rụ́ Úpî mẹ́lẹ́tị gá ásị́ ị̃gbẹ́ sĩ, ĩꞌdi ĩmi ĩdrẽ ụrụgá rá.

Yãkóꞌbõ 4:6

Wó ĩꞌdi ãmaní ásị́ ũkpó sĩ pá tujó ũkpó ru ị́jọ́ ũnzí ndẽjó rĩ fẽ. Ị́jọ́ ꞌdĩ bãsĩ ị́jọ́ sị̃lé sĩ rĩ ꞌbã jọlé rĩ áni: “Ãdróŋá la ꞌbá ãfó ru rĩ ịsị́ vụ̃rụ́, wó ĩꞌdi ásị́ ị̃gbẹ̃ fẽ ꞌbá ru irilépi vụ̃rụ́ rĩ nî.”