Ị́jọ́ Uꞌbéŋá 19:14 - Ị́jọ́ Úꞌdí rĩ

¹⁴ Átẹ́pị la jó kí aꞌbe málĩ be ãwítã rú anzị ĩꞌdidrị̂ ꞌbaní; wó Úpí la ũkú ị́jọ́ ífí vãlépi rá rĩ fẽ nĩ.

Aringa

¹⁴ Átẹ́pị la jó kí aꞌbe málĩ be ãwítã rú anzị ĩꞌdidrị̂ ꞌbaní; wó Úpí la ũkú ị́jọ́ ífí vãlépi rá rĩ fẽ nĩ.

Ị́jọ́ Uꞌbéŋá 19:14 ပူးပေါင်းရင်းမြစ်များ

Íꞌdóŋá 24:44

drĩ jọ la ꞌẽ ímvụ, ꞌi vâ fẽ la ngãmíyã mádrị̂ ꞌbaní ĩndĩ, lẽ ꞌbã adru dó ĩzóŋá Úpí ꞌbã pẽlé ãmbógó mádrị́ Ịbụrahị́mụ̃ ꞌbã ngọ́pị ní rĩ ꞌi.’

Íꞌdóŋá 24:7

Úpí Ãdróŋá ꞌbụ̃ kí ꞌbãlépi ụ̃nọ́kụ́ be, ándrá áma anzélépi angájó má átẹ́pị drị́ lị́cọ́ gâlé rĩ na ándrá ũyõ ãngũ ꞌdĩ fẽjó anzị mádrị́ mụlé tịlé drị̃lẹ́ gâlé rĩ ꞌbanî. Ĩꞌdi mãlãyíkã tị pẽ mụlé ími drị̃lẹ́ gá, mi dô sĩ ũkú ịsụ́ mâ ngọ́pị ní ãngũ ꞌdã gá ꞌdãá.

Ị́jọ́ Uꞌbéŋá 13:22

ꞌBá múké rĩ la anzị ĩꞌdidrị̂ ꞌbã anzị ꞌbaní ãwítã aꞌbe, wó ꞌbá ũnzí rĩ ꞌbã málĩ kí ála kí tãmba ꞌbá ãlá rĩ ꞌbanî.

Ị́jọ́ Uꞌbéŋá 18:22

ꞌBá ũkú múké rĩ ịsụ́lépi rĩ ịsụ́ ãko mgbã la; ãzíla ĩꞌdi ásị́ ị̃gbẹ̃ ịsụ́ Úpí drị́ rá.

Ị́jọ́ Uꞌbéŋá 3:6

mí ũrã Úpí ꞌbã ị́jọ́ ãzị́ pírí míní ngalé rĩ kí agá ãzíla ĩꞌdi dó sĩ gẹ̃rị̃ mídrị̂ kí ꞌbã adrujó ãlá ru.

2 Kọ̃rị̃nị́tọ̃ 12:14

Úꞌdîꞌda ma dó bábá mụjó ĩmi andréjó pâlé na rĩ gá, ãzíla má icó adrulé ĩminí tẹ́rị́ ru ku, ãꞌdusĩku álẽ ĩmi ãmgbã rĩ áyụ adru ãko ĩmidrị̂ kî ku. Ị́jọ́ pịrị rĩ sĩ, anzị mba kí ãko tã átẹ́pịka ꞌbaní ku, wó rá la anzị ꞌbã átẹ́pịka kí ãko tãmba anzị ꞌbanî.

Ãzị́táŋá Amviŋá 21:16

ágọ́bị̂ drĩ dó lẽ ãko ĩꞌdidrị̂ kí awalé anzị ĩꞌdidrị̂ ꞌbaní, lẽ ꞌbã fẽ hákĩ ngọ́tị́ kãjãní rĩ drị̂ kí mũlũmbẽ kóru adru ũkú vúlé ĩꞌdi ꞌbã lẽlé ambamba rĩ ꞌbã ngọ́tị́ drị́ la ku.

Yãkóꞌbõ 1:17

Ãko pírí múké fẽtáŋá ru ꞌdĩ angá kí Ãdróŋá drị́ ꞌbụ̃ gâlé, ꞌdĩ Ãdróŋá dị̃zã rú ãko pírí kí ũꞌbãlépi nĩ, ru ujalépi ujâ índríléndri áni ku rĩ ꞌi.