Ị́jọ́ Uꞌbéŋá 18:5 - Ị́jọ́ Úꞌdí rĩ

⁵ Fijó ꞌbá ũnzí rĩ ní rĩ adru múké ku; ãzíla ị́jọ́ lịjó ꞌbá ị́jọ́ kóru rĩ drị̃ gá mũlũmbẽ sĩ rĩ adru múké ku.

Aringa

⁵ Fijó ꞌbá ũnzí rĩ ní rĩ adru múké ku; ãzíla ị́jọ́ lịjó ꞌbá ị́jọ́ kóru rĩ drị̃ gá mũlũmbẽ sĩ rĩ adru múké ku.

Ị́jọ́ Uꞌbéŋá 18:5 ပူးပေါင်းရင်းမြစ်များ

Ãfũŋá 23:2

“Ĩbĩ ũꞌbí ị́jọ́ ũnzí idélépi rĩ kí vú ku. Údrĩ ĩmi umve ị́jọ́ ị̃ndụ́ nzelé sãdínĩ rú dũwánĩ drị̃lẹ́ gá, ĩfi jõ ũꞌbí ꞌbaní ị́jọ́ pịrị rĩ ífí ujajó ĩnzõ rú ku,

Ãfũŋá 23:3

ãzíla ĩfi jõ ꞌbá lẽmẽrí rĩ ní dũwánĩ gá ĩꞌdi ꞌbã adrujó ãko ãzí kóru rĩ sĩ la ku.

Ãfũŋá 23:6

“Mí ụtrị́ ị́jọ́ lịŋá pịrị rĩ ꞌbá lẽmẽrí rĩ ní dũwánĩ gá ku.

Ị́jọ́ Uꞌbéŋá 17:15

ꞌBá ị́jọ́ ũnzí idélépi rĩ aꞌbejó rĩ ãzíla ꞌbá múké rĩ drị̃ gá ị́jọ́ ũnzí lịjó rĩ be Úpí ngụ̃ kí ị̃rị̃trá ũnzí.

Ị́jọ́ Uꞌbéŋá 17:26

ꞌBá ị́jọ́ kóru rĩ ní drị̃rịma fẽjó rĩ adru múké ku; jõku ꞌbá ị́jọ́ kpị rĩ ngalépi rĩ cojó rĩ adru múké ku.

Ị́jọ́ Uꞌbéŋá 24:23

ꞌDĩ kí vâ ị́jọ́ ꞌbá ũndũwã rú rĩ ꞌbã kí jọlé rĩ ꞌbã ãzí kî: Míní ị́jọ́ lịjó ꞌbá kí drị̃ gá mũlũmbẽ sĩ rĩ ũnzí.

Ị́jọ́ Uꞌbéŋá 28:21

ꞌBá uyajó uyâ rĩ ĩꞌdi ũnzí, wó kị́rị́tị́ ꞌbá ãzí rĩ kí ãꞌị̃ ru mịfị́ sajó ãko ĩmbíráŋá la sĩ.

Ị́jọ́ Uꞌbéŋá 31:5

Drĩ kí íwá mvụ ꞌbo ị́jọ́ ꞌdĩ sĩ kí ị́jọ́ ãvĩ ãzị́táŋá kí drị̃ gá rá, ãzíla icó kí dó sĩ ꞌbá ĩkpãlé ĩkpã-ĩkpã rĩ kí ãzã kolé ku.

Mãtáyõ 22:16

Ãpẽ kí dó ꞌbá ĩꞌbaní imbálé rĩ kí tị ãzíla ꞌbá Hẽródẽ ãtị̃lépi ũpĩ ĩꞌdidrị̂ agá rĩ kí abe jọ kí, “Ímbápị, ãnị̃ cé mi ị́jọ́ mgbã rĩ jọ. Mi ị́jọ́ mgbã Ãdróŋá ꞌbã lẽlé rĩ drị̃ gá ị́jọ́ imbá ꞌbá ꞌbanî áyụ, mí así ị́jọ́ ꞌbá ꞌba kí ũrãlé drị̃ la gá rĩ sĩ ku, ãꞌdusĩku íꞌbã ásị́ ꞌbá ꞌbã úmgbó drị̃ gá ku.

Ãzị́táŋá Amviŋá 16:19

ꞌBá ị́jọ́ lịlẹ́pi rĩ ꞌbã atrị ị́jọ́ lịlẹ́ mgbã rĩ ku, jõku ꞌba uya ꞌbá kí ku. Mí aꞌị́ séndẽ sĩ ꞌbá mịfị́ sajó rĩ ku, ãꞌdusĩku ĩꞌdi ꞌbá ũndũwã rú rĩ ꞌbã mịfị́ ãsã cí ãzíla ꞌbá ị́jọ́ mgbãrĩ idélépi rĩ fẽ ị́jọ́ pịrị rĩ ujalé ị́jọ́ ũnzí ru.