Ị́jọ́ Uꞌbéŋá 15:7 - Ị́jọ́ Úꞌdí rĩ

⁷ Tị ꞌbá ũndũwá ru rĩ drị̂ la nị̃táŋá iré, wó ꞌbá azalépi aza-azâ rĩ ꞌbã ásị́ adru ꞌdĩ ꞌbã áni ku.

Aringa

⁷ Tị ꞌbá ũndũwá ru rĩ drị̂ la nị̃táŋá iré, wó ꞌbá azalépi aza-azâ rĩ ꞌbã ásị́ adru ꞌdĩ ꞌbã áni ku.

Ị́jọ́ Uꞌbéŋá 15:7 ပူးပေါင်းရင်းမြစ်များ

Ị́jọ́ Uꞌbéŋá 15:2

ꞌBá ũndũwá ru rĩ drĩ ị́jọ́ jọ, ĩꞌdi fẽ nị̃táŋá la adru ãjị́ ambamba rú, wó ꞌbá azalépi aza-azâ rĩ tị gá ị́jọ́ ífí kóru rĩ la ãfũ nĩ.

Ị́jọ́ Uꞌbéŋá 15:6

Jó ꞌbá ãlá rĩ drị̂ agá málĩ la ga tré, wó ꞌbá ũnzí rĩ ꞌbã málĩ kí ĩꞌdi drị̃ gá ị́jọ́ asé.

Ị́jọ́ Uꞌbéŋá 15:8

Úpí ngụ̃ ídétáŋá ꞌbá ũnzí rĩ ꞌbã kí idélé rĩ ũnzí, wó ĩꞌdi adru ãyĩkõ sĩ la ꞌbá múké rĩ drĩ kí ị́jọ́ zị ĩꞌdi tị gá rĩ gá.

Ị́jọ́ Uꞌbéŋá 16:23

ꞌBá ũndũwá trũ rĩ ꞌbã ásị́ la ĩꞌdi imbá sĩ ru tị tã mbajó, ị́jọ́ ĩꞌdi ꞌbã jọlé rĩ la ꞌbá kí imbá rá.

Ị́jọ́ Uꞌbéŋá 5:2

ị́jọ́ ꞌdĩ sĩ mi dó sĩ nị̃ ími tãmba sĩ cé, ãzíla ị́jọ́ pịrị míní jọlé ími tị sĩ rĩ la dó sĩ ị́jọ́ nị̃ŋá mídrị̂ iꞌda.

Mãtáyõ 10:27

Ị́jọ́ mání jọlé ĩminí ãngũ ịnị agá rĩ ĩnze vú la ãngũ ule agá, ị́jọ́ ĩminí arelé yõkõlé sĩ rĩ, ĩmi iwá la jó drị̃ gá.

Mãtáyõ 12:34

Ĩmi cécé ị̃nị̃ ị́rị́gọ́ ru rĩ áni, ĩmi icó ị́jọ́ múké jọlé íngoní ru, ịsụ́ ꞌdĩ sĩ ĩmi ꞌbá ị́jọ́ ũnzí idélépi la? Ãꞌdusĩku tị la ị́jọ́ galépi ásị́ gâlé tré rĩ jọ.

Mãrákõ 16:15

Jọ dó ĩꞌbaní, “Ĩmụ ãzíla ĩmi ũlũ ị́jọ́ mgbã rĩ ꞌbá pírí ụ̃nọ́kụ́ drị̃ gá ꞌdâ rĩ ꞌbanî, ꞌbá áma ãꞌị̃lépi ãzíla bãbụ̃tị́zị̃ bĩlépi rá rĩ la ru pa rá. Wó ꞌbá ãꞌị̃lépi ku rĩ ị́jọ́ lịlé rĩ la ĩꞌdi ndẽ rá.

Ẽfésõ 4:29

Ĩjọ ị́jọ́ ũnzí la kí ĩmi ãlu-ãlu ní ku, wó ĩjọ ị́jọ́ mũkẽ fẽlépi ꞌbá kí sĩ zo ũkpó ru ãꞌị̃táŋá agá rá rĩ kí áyụ. Ãngũ pírí agá ĩjọ ị́jọ́ ꞌbá ꞌbã kí sĩ ásị́ ꞌbãjó drị̃ la gá rá rĩ kî, ị́jọ́ ꞌdĩ la ꞌbá ĩmi sĩ ị́jọ́ jọjó ĩꞌbaní rĩ kí ãzã ko zojó ãꞌị̃táŋá agá rá.

2 Tị̃mị̃tị́yọ̃ 2:2

Ị́jọ́ míní arelé mâ imbálé míní ũꞌbí wẽwẽ rú kí drị̃lẹ́ gá ꞌdĩ kí, mí imbá kí ꞌbá mgbã icólépi kí imbálépi ꞌbá ãzí ꞌbaní ĩndĩ rá rĩ ꞌbanî.

Yãkóꞌbõ 3:6

Ĩdra ĩꞌdi cécé ãcí áni, ĩꞌdi ụrụꞌbá ꞌbã wókõ galépi ị́jọ́ ũnzí sĩ tré rĩ ꞌi, ĩꞌdi ꞌbá ꞌbã mgbã rĩ iza pírí. Ĩꞌdi ꞌbá ꞌbã ídri ãcí su ãcí ukólépi ku rĩ sĩ rá.