Ị́jọ́ Uꞌbéŋá 15:32 - Ị́jọ́ Úꞌdí rĩ

³² ꞌBá ímbátáŋá gãlépi úmgbé rĩ lẽ ru ku, wó ꞌbá ítútáŋá ãꞌị̃lépi rá rĩ la ị́jọ́ vãŋá ịsụ́ rá.

Aringa

³² ꞌBá ímbátáŋá gãlépi úmgbé rĩ lẽ ru ku, wó ꞌbá ítútáŋá ãꞌị̃lépi rá rĩ la ị́jọ́ vãŋá ịsụ́ rá.

Ị́jọ́ Uꞌbéŋá 15:32 ပူးပေါင်းရင်းမြစ်များ

Ị́jọ́ Uꞌbéŋá 1:7

Úpí ụ̃rị̃jó rĩ ĩꞌdi ũndũwã ꞌbã iꞌdóŋá, wó ꞌbá azalépi aza-azâ rĩ gã kí ũndũwá ãzíla ímbátáŋá sĩ ũndũwá ịsụ́jó rĩ úmgbé.

Ị́jọ́ Uꞌbéŋá 10:17

ꞌBá ímbátáŋá ãꞌị̃lépi rĩ la mụ gẹ̃rị̃ ídri drị̂ gá, wó ꞌbá ímbátáŋá lẽlépi ku rĩ la ꞌbá kí drị̃ ꞌde bụ́lụ́ gá.

Ị́jọ́ Uꞌbéŋá 13:18

ꞌBá ímbátáŋá lẽlépi ku rĩ la adru lẽmẽrí ãzíla ĩꞌdi drị̃nzá ịsụ́, wó ꞌbá ímbátáŋá sĩ ĩꞌdi itújó rĩ ãꞌị̃lépi rá rĩ la ãrútáŋá ịsụ́ rá.

Ị́jọ́ Uꞌbéŋá 15:14

ꞌBá ũndũwã rú rĩ ꞌbã ásị́ la ụ̃nị̃táŋá ndrụ̃, wó ꞌbá azalépi aza-azâ rĩ la aza na ãkónã rú.

Ị́jọ́ Uꞌbéŋá 15:21

Adrujó ũndũwã kóru rĩ ĩꞌdi ãyĩkõ rú ꞌbá ị́jọ́ vãlépi ku rĩ ní, wó ꞌbá ũndũwã rú rĩ la ị́jọ́ mgbã rĩ idé.

Ị́jọ́ Uꞌbéŋá 15:31

Ídrĩ bị́lẹ́ ꞌbã ị́jọ́ sĩ uzájó ími drị̃ gá rĩ kí drị̃ gá rá, mi uꞌá ꞌbá ũndũwã rú rĩ kí drĩdríŋĩ gá rá.

Ị́jọ́ Uꞌbéŋá 15:33

Úpí ụ̃rị̃jó ri la ꞌbá imbá adrujó ũndũwá ru, ãzíla mi ãrútáŋá ịsụ́ rá la ídrĩ ími iri vụ̃rụ́ rĩ gá.

Ị́jọ́ Uꞌbéŋá 15:5

ꞌBá azalépi aza-azâ rĩ la átẹ́pị ꞌbã ímbátáŋá gã úmgbé, wó ꞌbá ũndũwá ru rĩ la ímbátáŋá lẽ rá.

Ị́jọ́ Uꞌbéŋá 17:16

Ála séndẽ fẽ ꞌbá azalépi aza-azâ rĩ drị́ gá sĩ ị́jọ́ ụ̃nị̃jó íngoní ru, ịsụ́ ꞌdĩ sĩ ásị́sị́ŋá la gã ị́jọ́ ụ̃nị̃lé úmgbé?

Ị́jọ́ Uꞌbéŋá 18:15

ꞌBá ũndũwã trũ rĩ kí sáwã pírí sĩ bábá ị́jọ́ ụ̃nị̃jó; kí bị́lẹ́ mmgbọ rú sĩ ị́jọ́ lẽlé ụ̃nị̃lé rĩ arejó.

Ị́jọ́ Uꞌbéŋá 19:20

Mí are ị́jọ́ sĩ ími bụ̃rọ̃ jọjó rĩ ãzíla mí ãꞌị̃ ímbátáŋá rá; ị́jọ́ ꞌdĩ sĩ mi dó sĩ drụ́zị́ drị̃lẹ́ gâlé adru ũndũwá ru.

Ị́jọ́ Uꞌbéŋá 29:1

ꞌBá imbe ũkpó uzájó drị̃ la gá tí rĩ la ị̃lị̃kị̃ ụ́ꞌdụ́ ãlu agá, icó ru drị̃ ingalé ị̃dị́ ku.

Ãzị́táŋá Amviŋá 21:18

Mụ́sã jọ Ịsịrayị́lị̃ ní, “ꞌBá ãzí drĩ adru ngọ́tị́ drị̃ ũnzí ãzíla átẹ́pị̃ kí tị arelépi ãndrẽ be ku la trũ, drĩ kí táni ĩꞌdiní drị̃rịma fẽ rá, drĩ gã kí tị arelé úmgbé,

Ãzị́táŋá Amviŋá 21:20

ꞌBã jọ kí ꞌbá ĩyõ drị̃lẹ́ ru rĩ ꞌbaní, ‘Ngọ́tị́ ãmadrị́ ꞌdĩ drị̃ la ũnzí, gã ãma tị arelé úmgbé, ĩꞌdi séndẽ iza ãzíla ĩꞌdi ꞌbá ĩmẽrãlépi íwá sĩ la.’

Ẽbũrãníyã 12:15

Lẽ ĩndre múké-múké ꞌbá ãzí ꞌbã ĩcẽ jõ ásị́ ị̃gbẹ̃ Ãdróŋá drị́ ꞌdĩ ku, ãzíla ĩndre ị́jọ́ ũnzí ꞌbã ízókí ꞌbã agbẹ́ zolé sĩ ũnzĩkãnã ajíjó sĩ ũꞌbí kí ꞌa usajó ku.

Yãkóꞌbõ 1:22

Ĩmi adru ꞌbá ị́jọ́ arelépi bị́lẹ́ sĩ áꞌdụ̂sĩ, ru ulélépi ĩnzõ sĩ ꞌdĩ ꞌbã ãzí ru ku, be la rá la, ĩmi adru ꞌbá ị́jọ́ idélépi rĩ kî rú.

Ícétáŋá 3:19

Ma ꞌbá mâ lẽlé rá ꞌdĩ kí tre ãzíla ma kí imbá. Lẽ kí ásị́ ꞌbã ve ásị́ ujajó sĩ ị́jọ́ ũnzí aꞌbejó.