Íꞌdóŋá 49:26 - Ị́jọ́ Úꞌdí rĩ

²⁶ Lẽ sụ̃sụ́ mí átẹ́pịka ꞌbadrị̂ ꞌbã adru cécé ꞌbê áni, ꞌbã ndẽ ꞌbé údu rĩ kí rá, sụ̃sụ́ wilé ꞌdĩ ꞌbã tra kí ru pírí Yụ̃sụ́fụ̃ drị̃ gá. Ími androko ꞌbã indré mí ádrị́pịka kí agá ꞌdâ ndú míní adrujó úpí mvá rĩ sĩ.

Aringa

²⁶ Lẽ sụ̃sụ́ mí átẹ́pịka ꞌbadrị̂ ꞌbã adru cécé ꞌbê áni, ꞌbã ndẽ ꞌbé údu rĩ kí rá, sụ̃sụ́ wilé ꞌdĩ ꞌbã tra kí ru pírí Yụ̃sụ́fụ̃ drị̃ gá. Ími androko ꞌbã indré mí ádrị́pịka kí agá ꞌdâ ndú míní adrujó úpí mvá rĩ sĩ.

Íꞌdóŋá 49:26 ပူးပေါင်းရင်းမြစ်များ

Íꞌdóŋá 37:28

ꞌBá bĩsírã idélépi Mị̃dị́yánị̃ rú rĩ ꞌbã kí alị agá, Yụ̃sụ́fụ̃ ꞌbã ádrị́pịka anzé kí ĩꞌdi ꞌbụ́ agâlé rá ãzíla uzị kí ĩꞌdi ꞌbá Ịsụmayị́lị̃ rú rĩ ꞌbaní sĩlíngĩ sílĩvã rú kãlị́ ị̃rị̃ sĩ, ꞌdụ kí ĩꞌdi Mị̃sị́rị̃ gâlé ĩndĩ.

Íꞌdóŋá 37:8

Ádrị́pịka jọ kí, “Mi dó sĩ mụ adrulé ãma drị̃lẹ́ gá ãmbógó ru yã? Mi ãma drị̃ ce úpí ru ãndá-ãndá ru yã?” Ngụ̃ kí dó sĩ ĩꞌdi ị̃dị́-ị̃dị́ urobí ĩꞌdidrị́ ꞌdã kí sĩ ãzíla ị́jọ́ ĩꞌdi ꞌbã jọlé rĩ sĩ.

Íꞌdóŋá 49:27

“Bénzãmĩnĩ ĩꞌdi ụ̃bọ̃gụ̃ ãko ucílépi ŋmãrụ̃-ŋmãrụ̃ rĩ ꞌi, ụ̃ꞌbụ́tị sĩ ĩꞌdi ĩzá ĩꞌdiní ucílé rĩ kí na, ĩndró sĩ ĩꞌdi ĩzá ĩꞌdiní ralé rĩ kí awa.”

ꞌEtáŋá 7:9

“Anzị Yãkóꞌbõ drị́ ãzí rĩ acá kí ãjã sĩ ĩꞌbã ádrị́pị Yụ̃sụ́fụ̃ sĩ, ụzị kí ĩꞌdi ãtíꞌbó ru ꞌbá Mị̃sị́rị̃ gá rĩ ꞌbanî, wó Ãdróŋâ ándrá ĩꞌdi be cí.

Ẽfésõ 1:3

Lẽ ị́cụ́ kí Ãdróŋá ꞌi, ꞌdĩ Átẹ́pị ãmã Úpí Yẹ́sụ̃ Kúrísĩtõ drị́ rĩ ꞌi. Ícíŋá ãmaní Kúrísĩtõ trũ rĩ sĩ, fẽ ãmaní drị̃lẹ́ba, wi ãmaní sụ̃sụ́ pírí Úríndí drị́ ꞌbụ̃ gâlé ꞌdĩ kî.