Íꞌdóŋá 35:23 - Ị́jọ́ Úꞌdí rĩ

²³ Anzị Léyã drị̂ kí: Rụ́bẹ̃nị̃ Yãkóꞌbõ ꞌbã ngọ́tị́ ágọ́bị́ kãjãní rĩ ꞌi, Sị̃mọ́nị̃ ꞌi, Lẹ́vị̃ ꞌi, Yụ́dã ꞌi, Ĩsãkárĩ ꞌi, ãzíla Zãbụ̃lọ́nị̃ ꞌi.

Aringa

²³ Anzị Léyã drị̂ kí: Rụ́bẹ̃nị̃ Yãkóꞌbõ ꞌbã ngọ́tị́ ágọ́bị́ kãjãní rĩ ꞌi, Sị̃mọ́nị̃ ꞌi, Lẹ́vị̃ ꞌi, Yụ́dã ꞌi, Ĩsãkárĩ ꞌi, ãzíla Zãbụ̃lọ́nị̃ ꞌi.

Íꞌdóŋá 35:23 ပူးပေါင်းရင်းမြစ်များ

Íꞌdóŋá 29:16

Lábãnĩ ꞌbã ị̃zẹ́pịka kí ándrá ị̃rị̃, kãjãní rĩ ꞌbã rụ́ Léyã ꞌi, ãzíla vúlé rĩ ꞌbã rụ́ Rãkẹ́lị̃ ꞌi.

Íꞌdóŋá 29:31

Úpí la dó mụ ndrelé la úlẽ Léyã ku, nzị̃ ĩꞌdi ꞌbã mvájólé rá, wó Rãkẹ́lị̃ ace úndó ru.

Íꞌdóŋá 33:2

ꞌBã izonzi ị̃rị̃ ãtiꞌbo rú rĩ kí anzị ĩꞌbadrị̂ abe drị̃ gá, Léyã anzị ĩꞌdidrị́ rĩ kí abe kí ũngúkú gá, Rãkẹ́lị̃ kí ngọ́pị̃ Yụ̃sụ́fụ̃ be ãsị̃jó.

Íꞌdóŋá 49:3

“Rụ́bẹ̃nị̃ mi ngọ́tị́ mádrị́ kãjãní mání sĩ bõdõ ụ̃nị̃jó rĩ ꞌi, mi ũkpõ mádrị́ kãrị̃lẹ̃ drị̂ iꞌdalépi rĩ ꞌi, mí alị ꞌbá ãzí ꞌdĩ kí ũkpõ sĩ ãzíla ãrútáŋá sĩ rá.

Ãfũŋá 1:1

Anzị Yãkóꞌbõ drị́ mụlépi ĩꞌdi trũ Mị̃sị́rị̃ gâlé lị́cọ́ ĩꞌbadrị̂ abe rĩ kí rụ́ ꞌdĩ ꞌbã áni:

ꞌEtáŋá 7:8

Ãdróŋá azị ándrá ị́jọ́ Ịbụrahị́mụ̃ ní anzị ãgọbị ĩꞌdidrị̂ kí ĩtãrãjó rá ícétáŋá ĩꞌbadrị́ Ãdróŋá be tị icíma drị̂ icéjó. Wó Ĩsákã la mụ calé sãbị́tị̃ ãlu sáwã ĩꞌdi tịjó ꞌbo rĩ ꞌbã vúlé gá ꞌbo, Ịbụrahị́mụ̃ ĩtãrã dó ĩꞌdi rá. Vúlé vúlé ru Ĩsákã ĩtãrã dó vâ ngọ́pị̃ Yãkóꞌbõ ꞌi rá, Yãkóꞌbõ ĩtãrã vâ anzị ĩꞌdidrị́ mụdrị́ drị̃ ị̃rị̃ sụ́rụ́ Ịsịrayị́lị̃ drị̂ ꞌbã áyị́pịka rú ꞌdĩ kî.

Ãzị́táŋá Amviŋá 27:11

Ụ́ꞌdụ́ ꞌdã ꞌbã vúŋá sĩ Mụ́sã jọ ꞌbá Ịsịrayị́lị̃ drị̂ ꞌbanî,

Ãzị́táŋá Amviŋá 33:6

Mụ́sã jọ ị́jọ́ sụ́rụ́ Rụ́bẹ̃nị̃ drị̂ drị̃ gá, “Lẽ ꞌbá sụ́rụ́ Rụ́bẹ̃nị̃ drị̂ ꞌbã ũdrã kí ku, jõku kí kãlãfe ꞌbã adru were rú ku.”

Rụ́tụ̃ 4:11

ꞌDã ꞌbã vúlé gá ꞌbá ĩyõ rĩ kí ꞌbá ũꞌbí ꞌdãá rĩ kí abe jọ kí, “Ãma pírí sãdínĩ. Ị́jọ́ ꞌdĩ sĩ, Úpí ꞌbã fẽ ũkú afílépi mídrị́ lị́cọ́ gá ꞌdõlé ꞌdĩ ꞌbã adru cécé Rãkẹ́lị̃ ꞌbã kí ándrá Léyã be lị́cọ́ Yãkóꞌbõ drị̂ ị̃ndụ́ iꞌdójó ãngũ ãlu gá nĩ rĩ áni. Mí adru kẹ́jẹ́ŋị́ málĩ trũ íná tị Ĩfũrátã gá ãzíla ími rụ́ ꞌbã kụ-kụ̃ sụ́rụ́ Bẹ̃tẹ̃lẹ̃hẹ́mụ̃ gá.