Ẽbũrãníyã 12:6 - Ị́jọ́ Úꞌdí rĩ

⁶ Ãꞌdusĩku Úpí la ꞌbá ĩꞌdi ꞌbã lẽlé rá ꞌdĩ kí ị̃ndụ́ co ímbátáŋá ru lẽtáŋá sĩ, ãzíla ꞌbá ĩꞌdi ꞌbã ãꞌị̃lé ĩꞌdi bã anzị rú rá ꞌdĩ kí ĩꞌdi ĩꞌbaní drị̃rịma fẽ rá.”

Ẽbũrãníyã 12:6 ပူးပေါင်းရင်းမြစ်များ

Ị́jọ́ Uꞌbéŋá 13:24

ꞌBá ngọ́tị́ŋá ĩꞌdidrị̂ ị̃ndụ́ colépi kẹ̃lị́ká sĩ ku rĩ lẽ ĩꞌdi ku, wó ꞌbá ngọ́tị́ŋá ĩꞌdidrị̂ lẽlépi rá rĩ la ĩꞌdi co ímbátáŋá ru rá.

Ị́jọ́ Uꞌbéŋá 3:11

Mâ ngọ́pị, ígã jõ drị̃rịma Úpí ꞌbã fẽlé míní ímbátáŋá ru rĩ ku, ígã jõ úzáŋá ĩꞌdi ꞌbã uzájó ími drị̃ gá ímbátáŋá ru rĩ ku,

Ị́jọ́ Uꞌbéŋá 3:12

ãꞌdusĩku Úpí la ꞌbá ĩꞌdi ꞌbã lẽlé rá rĩ co ímbátáŋá ru, cécé átẹ́pị ꞌbã ngọ́tị́ ĩꞌdi ꞌbã lẽlé rá rĩ ị̃ndụ́ cojó ímbátáŋá ru rĩ áni.

Ãzị́táŋá Amviŋá 8:5

Lẽ ínị̃ rá Úpí Ãdróŋá mídrị̂ la ími co ãzíla míní drị̃rịma fẽ cécé átẹ́pị ní ĩꞌdi ꞌbã anzị kí ị̃ndụ́ cojó ímbátáŋá ru rĩ áni.

Yãkóꞌbõ 1:12

ꞌBá ụ̃ꞌbị̃táŋá ndẽlépi ãꞌị̃táŋá sĩ rĩ, kí drị̃lẹ́ba rú, ãꞌdusĩku drĩ kí ụ̃ꞌbị̃táŋá sĩ kí ụ̃ꞌbị̃jó rĩ ndẽ ꞌbo, ála ĩꞌbaní ídri ukólépi ku Ãdróŋá ꞌbã azịlé ꞌbá ĩꞌdi lẽlépi rĩ ꞌbaní rĩ fẽ.

Yãkóꞌbõ 5:11

Ĩndre drĩ, ãma ꞌbá ũcõgõ ịsụ́lépi ásị́ ũkpó trũ rĩ, umve ꞌbá drị̃lẹ́ba rú. Ĩmi are ị́jọ́ ũcõgõ Yọ́ꞌbụ̃ drị́ gá rĩ ꞌbã ị́jọ́ rá, ãzíla ásị́ ị̃gbẹ̃ ĩꞌdidrị́ sĩ ũcõgõ ꞌdã tajó rĩ rá. Ĩndre vâ ị́jọ́ Úpí ꞌbã idélé ãsị̃jó icéjó la Úpí ꞌbã ásị́ ị̃gbẹ̃ ambamba, ĩꞌdi vâ ꞌbá ꞌbã ízákĩzã ndre ĩndĩ rĩ.

Ícétáŋá 3:19

Ma ꞌbá mâ lẽlé rá ꞌdĩ kí tre ãzíla ma kí imbá. Lẽ kí ásị́ ꞌbã ve ásị́ ujajó sĩ ị́jọ́ ũnzí aꞌbejó.

Rụ́tụ̃ 1:3

ꞌDã ꞌbã vúlé gá, Ị̃lị̃mẹ́lẹ̃kị̃ drã rá áꞌbe dó Nãwụ́mị̃ ꞌi ĩꞌdi ꞌbã anzị ị̃rị̃ ꞌdĩ kí abe.