Ẽbũrãníyã 12:5 - Ị́jọ́ Úꞌdí rĩ

⁵ Ĩmi ãvĩ ãzî sĩ ị́jọ́ sĩlé sĩ ĩmi ásị́ imbájó jọlépi la ĩminí, “Má anzị ꞌdĩ, lẽ ĩꞌdụ ị́jọ́ Úpí ꞌbã ĩmi cojó ímbátáŋá ru rĩ ị́jọ́ ápãrákã rú ku, ãzíla drĩ uzá ĩmi drị̃ gá ị́jọ́ ꞌdĩ ꞌbã fẽ ĩminí ãvá ãkõ ásị́ gá ku.

Ẽbũrãníyã 12:5 ပူးပေါင်းရင်းမြစ်များ

Ị́jọ́ Uꞌbéŋá 3:1

Mâ ngọ́pị, ími drị̃ ꞌbã ãvĩ jõ ímbátáŋá mádrị̂ kí sĩ ku, wó ímba ãzị́táŋá mádrị̂ kí tã ími ásị́ gá,

Ị́jọ́ Uꞌbéŋá 4:5

Índrụ̃ ũndũwã, índrụ̃ míní ị́jọ́ vãŋá; ími drị̃ ꞌbã ãvĩ jõ ị́jọ́ mádrị̂ kí sĩ ku jõku mí uja tị ị́jọ́ la sĩ bụ́lụ́ gá ku.

Lụ́kã 24:6

Ĩꞌdi ꞌdâ ꞌdáyụ, angá ídri rú ꞌbo, ị́jọ́ ándrá ĩꞌdi ꞌbã jọlé ĩminí Gãlị́lị̃ gá rĩ agá ĩminí ku yã?

Lụ́kã 24:8

Agá kí dó ị́jọ́ ĩꞌdi ꞌbã ándrá jọlé ĩꞌbanî rĩ rá.

1 Kọ̃rị̃nị́tọ̃ 11:32

Ãdróŋá drĩ ị́jọ́ lị ãma drị̃ gá ꞌdĩ ꞌbã áni, ĩꞌdi ꞌdĩ ãma co ímbátáŋá ru ụ̃nọ́kụ́ icó dó sĩ ị́jọ́ lịlé ãma drị̃ gá ku.

Gãlãtị́yã 6:9

Lẽ ãma ãndẽ kí ị́jọ́ múké rĩ idéŋá sĩ ku. Ãdrĩ kí ãndẽ ku, ãma kí drụ́zị́ ũyá la ịsụ́ rá sáwã la múké rĩ drĩ acá ꞌbo rĩ gá.

1 Tị̃mị̃tị́yọ̃ 1:20

Hãyĩménã kí Ãlẽkĩzéndã be ị̃rị̃ trá ícétáŋá la rú. Áfẽ dó kí Sĩtánĩ drị́ ꞌbã ụ̃nị̃ kí ị́jọ́ sĩ Ãdróŋá uꞌdájó ku.

Ẽbũrãníyã 12:7

Ĩta ị́jọ́ ũkpó ꞌbání sĩ ĩmi cojó ímbátáŋá ru ꞌdĩ ꞌi, Ãdróŋá la ĩmi idé cécé anzị ĩꞌdidrị̂ kí áni. Ãꞌdusĩku ngọ́tị́ŋá átẹ́pị̃ ꞌbã ị̃ndụ́ colé ímbátáŋá rụ ku rĩ íngõ ꞌi?

Ẽbũrãníyã 13:22

Má ádrị́pịka ãzíla má ámvọ́pịka ãꞌị̃táŋá agá ꞌdĩ, má aꞌị́ ĩmi ásị́ ꞌbãjó ị́jọ́ mâ sĩlé ĩminí ĩmi ásị́ imbájó ꞌdĩ drị̃ gá, ãꞌdusĩku ásĩ lú ĩminí wárágã ãlị́ŋá ru.

Yãkóꞌbõ 1:12

ꞌBá ụ̃ꞌbị̃táŋá ndẽlépi ãꞌị̃táŋá sĩ rĩ, kí drị̃lẹ́ba rú, ãꞌdusĩku drĩ kí ụ̃ꞌbị̃táŋá sĩ kí ụ̃ꞌbị̃jó rĩ ndẽ ꞌbo, ála ĩꞌbaní ídri ukólépi ku Ãdróŋá ꞌbã azịlé ꞌbá ĩꞌdi lẽlépi rĩ ꞌbaní rĩ fẽ.

Ícétáŋá 3:19

Ma ꞌbá mâ lẽlé rá ꞌdĩ kí tre ãzíla ma kí imbá. Lẽ kí ásị́ ꞌbã ve ásị́ ujajó sĩ ị́jọ́ ũnzí aꞌbejó.