1 Kọ̃rị̃nị́tọ̃ 5:7 - Ị́jọ́ Úꞌdí rĩ

⁷ Lẽ ĩnze ị́jọ́ ũnzí rĩ ĩmi agá ꞌdâ rá, ĩmi dó sĩ adru úꞌdí cécé ĩminí adrujó ị́jọ́ mgbã agá ꞌdĩ ꞌbã áni. Ãꞌdusĩku Kúrísĩtõ ụ̃mụ̃ alịjó ꞌbá drị̃ gâ sĩ ãmadrị́ gá rĩ úfẽ ĩꞌdi ídétáŋá ru ãmaní ꞌbo.

1 Kọ̃rị̃nị́tọ̃ 5:7 ပူးပေါင်းရင်းမြစ်များ

Ãfũŋá 12:15

Ụ́ꞌdụ́ ázị̂rị̃ ꞌdĩ kí agá lẽ ĩna mũkátĩ ãkụ́kị́ kóru rĩ áyụ, ụ́ꞌdụ́ drị̃drị̃ rĩ sĩ ĩmi iyá ãkụ̃kị́ kí ĩmidrị́ jó agâlé ãmvé ꞌbá ãzí ãko ãkụ́kị́ trũ rĩ nalépi ụ́ꞌdụ́ drị̃drị̃ ázị̂rị̃ ꞌdã agá rĩ sĩ rĩ lẽ údro ĩꞌdi Ịsịrayị́lị̃ kí agá rá.

Mãtáyõ 13:33

Yẹ́sụ̃ jọ vâ ĩꞌbaní ị́jọ́ uꞌbéŋá ãzí la ị̃dị́, “Sụ́rụ́ ꞌBụ̃ gá rĩ ĩꞌdi cécé ꞌdĩ áni: ãkụ́kị́ ũkú ꞌbã ꞌdụlé usalé ãnáfóró agá rĩ áni ꞌdĩ sĩ ụ̃pị̃ drĩ ku rú kpere ĩꞌdi ꞌbã ụ̃pị̃ agá rĩ áni.”

Mãrákõ 14:12

Ụ́ꞌdụ́ drị̃drị̃ ụ̃mụ̃ mũkátĩ ãkụ́kị́ kóru rĩ najó sĩ ụ̃mụ̃ alịjó ꞌbá drị̃ gâ sĩ rĩ ꞌbã kãbĩlõ kí ụlị́jó ídétáŋá ru rĩ sĩ, ꞌbá Yẹ́sụ̃ ꞌbã imbálé rĩ zị kí ĩꞌdi, “Ílẽ ãmụ ụ̃mụ̃ alịjó ꞌbá drị̃ gâ sĩ rĩ idélé míní íngõlé?”

Yõhánã 1:29

Ụ́ꞌdụ́ ãzí rĩ sĩ, Yõhánã ndre Yẹ́sụ̃ amụ́ agá ĩꞌdi rụ́ ꞌdõlé, jọ, “Ĩndre Kãbĩlõmvá Ãdróŋá drị́ gá ị́jọ́ ũnzí ꞌbá ụ̃nọ́kụ́ drị̃ gá ꞌdĩ ꞌbadrị̂ idélépi rĩ.

Yõhánã 1:36

Ĩꞌdi mụ Yẹ́sụ̃ ndrelé alị agá, lũ ãngũ ĩꞌdi rụ̂lé jọ, “Ĩndre Kãbĩlõmvá Ãdróŋá drị́ ị́jọ́ ũnzí ꞌbá ụ̃nọ́kụ́ drị̃ gá ꞌdĩ ꞌbadrị̂ idélépi rĩ gápi ꞌdã.”

Yõhánã 19:14

Ị̃tụ́ ca dó ãni rú sáwã ázíyá ꞌdĩpí, ace ụ́ꞌdụ́ ãlu ụ̃mụ̃ alịjó ꞌbá drị̃ gâ sĩ rĩ ní acájó, ꞌdĩ ụ́ꞌdụ́ ꞌbá Yãhụ́dị̃ rú rĩ ꞌbã kí ru itújó ụ̃mụ̃ ꞌdã ní rĩ ꞌi. Pĩlátõ jọ ꞌbá Yãhụ́dị̃ rú ꞌdã ꞌbaní, “Ĩndre, Úpí ĩmidrị́ gá rĩ ꞌdĩ!”

Rụ́mị̃ 3:25

Ãdróŋá fẽ ĩꞌdi ãmaní ídétáŋá ru ị́jọ́ ũnzí idéjó, ị́jọ́ ꞌdĩ sĩ, ãrí ĩꞌdidrị́ gá rĩ ꞌbã adru rú sĩ gẹ̃rị̃ ꞌbá ꞌbã ị́jọ́ ũnzí kî trũjó rĩ rú, ĩꞌbã kí ãꞌị̃táŋá ꞌbãjó ĩꞌdi agá rĩ sĩ. Ãdróŋá idé ị́jọ́ ꞌdĩ íni la sĩ iꞌdajó la ꞌbá ꞌbaní ꞌi ãlá ru. Ụ́ꞌdụ́ ándrá alịlépi ꞌbo ꞌdã kí sĩ Ãdróŋá nzị̃ ándrá tị ku, ãzíla ꞌbã ándrá ásị́ ị́jọ́ ũnzí ꞌbádrị́ gá rĩ kí drị̃ gá ku. Wó úꞌdîꞌda íni mịfị́ la dó mmgbọ sĩ ãzị́ ngajó ꞌbá ũnzí idélépi ꞌdĩ kí drị̃ gâ sĩ ãlãpĩtĩ ĩꞌdidrị́ gá rĩ iꞌdajó. Gẹ̃rị̃ ꞌdĩ sĩ Ãdróŋá la iꞌda la ãmaní ꞌi Ãdróŋá ꞌi, ꞌi ãlá ru, ãzíla ꞌi ꞌbá pírí Yẹ́sụ̃ ãꞌị̃lépi rá rĩ kí ꞌbã ãlá ru ãrí ĩꞌdidrị́ gá rĩ sĩ.

1 Kọ̃rị̃nị́tọ̃ 10:17

Ị́jọ́ ꞌdĩ sĩ, mũkátĩ ꞌbã adrujó ãlu rĩ sĩ, ãdrĩ táni adru ꞌbá wẽwẽ rú tí ãma ụrụꞌbá ãlu agá, ãma pírí kí dó mũkátĩ ãlu ꞌdã ale.

Ẽfésõ 4:22

Ímbá ándrá ĩmi sĩ ị́jọ́ idéŋá gbíyã ĩmi ãni ídu rĩ sĩ rĩ aꞌbejó rá, ídri ru izalépi ĩlí ĩꞌdi ãni úlétáŋá ru ꞌdĩ ꞌi.

Ícétáŋá 5:12

kí úngó ngo agá ụ́ꞌdụ́kọ́ ụrụgá sĩ íni: “Mi Kãbĩlõmvá ándrá ꞌdịlé rá ꞌdĩ, mí icó rá ũkpõ ịsụ́jó, málĩ ịsụ́jó, ũndũwã ịsụ́jó ãzíla ãvẹ̃vị̃ ịsụ́jó, ãrútáŋá ịsụ́jó, dị̃zã ãzíla rụ́ ịcụ́ŋá ịsụ́jó!”