Ị́jọ́ Uꞌbéŋá 9:8 - Aringa

⁸ Mí uzá ꞌbá idemará ru rĩ drị̃ gá ku, jõ íni ku ĩꞌdi ími ngụ̃ ũnzí; mí uzá ꞌbá ũndũwã rú rĩ drị̃ gá ãzíla ĩꞌdi ími lẽ rá.

Ị́jọ́ Úꞌdí rĩ

⁸ Mí uzá ꞌbá idemará ru rĩ drị̃ gá ku, jõ íni ku ĩꞌdi ími ngụ̃ ũnzí; mí uzá ꞌbá ũndũwã rú rĩ drị̃ gá ãzíla ĩꞌdi ími lẽ rá.

Ị́jọ́ Uꞌbéŋá 9:8 ပူးပေါင်းရင်းမြစ်များ

Ị́jọ́ Uꞌbéŋá 1:5

Lẽ ꞌbá ũndũwá ru rĩ ꞌbã are ị́jọ́ ꞌdĩ kí ãzíla ꞌbã ũꞌbã kí ị́jọ́ ĩꞌdi ꞌbã ụ̃nị̃lé ꞌbo rĩ kí drị̃ gá, ĩꞌdi ꞌbá ụ̃nị̃táŋá trũ rĩ drị̃ ce ị́jọ́ pịrị rĩ ngajó,

Ị́jọ́ Uꞌbéŋá 10:8

ꞌBá ũndũwã rú rĩ la ãzị́táŋá ãꞌị̃ ĩꞌdi ꞌbã ásị́sị́ŋá gá rá, wó ꞌbá azalépi aza-azâ rĩ la lị́kị̃ drị̃ lị.

Ị́jọ́ Uꞌbéŋá 13:1

Ngọ́tị́ŋá ũndũwã trũ rĩ la átẹ́pị̃ ꞌbã ímbátáŋá are rá. Wó ngọ́tị́ŋá drị̃ ũnzí rĩ are ị́jọ́ sĩ uzájó ĩꞌdi drị̃ gá rĩ ku.

Ị́jọ́ Uꞌbéŋá 13:18

ꞌBá ímbátáŋá lẽlépi ku rĩ la adru lẽmẽrí ãzíla ĩꞌdi drị̃nzá ịsụ́, wó ꞌbá ímbátáŋá sĩ ĩꞌdi itújó rĩ ãꞌị̃lépi rá rĩ la ãrútáŋá ịsụ́ rá.

Ị́jọ́ Uꞌbéŋá 15:12

ꞌBá ꞌbá idelépi ide idê rĩ lẽ ítútáŋá ku, icó ị́jọ́ zịlé ꞌbá ũndũwá ru rĩ ꞌbã tị gá ku.

Ị́jọ́ Uꞌbéŋá 19:25

Íco ꞌbá idemará ru rĩ ꞌbã ị̃ndụ́, ꞌbá ũndũwá kóru rĩ kí dó sĩ ímbátáŋá ụ̃nị̃; mí uzá ꞌbá ị́jọ́ vãlépi rá rĩ drị̃ gá, ĩꞌdi dó sĩ ímbátáŋá ꞌbã ị́jọ́ vã.

Ị́jọ́ Uꞌbéŋá 23:23

Mí ĩgbã míní ị́jọ́ mgbã rĩ ꞌi ãzíla mí ị̃tụ̃ndã ĩꞌdi ku; índrụ̃ míní ũndũwã, ãrútáŋá ãzíla ị́jọ́ vãŋá.

Ị́jọ́ Uꞌbéŋá 23:9

Íjọ ị́jọ́ ꞌbá azalépi aza-azâ rĩ ní ku, ãꞌdusĩku ĩꞌdi ímbátáŋá míní fẽlé ĩꞌdiní rĩ kí ide-ĩdẽ.

Ị́jọ́ Uꞌbéŋá 28:23

ꞌBá uzálépi ꞌbá drị̃ gá sĩ ĩꞌdi itújó rĩ la vúlé-vúlé ru ásị́ ị̃gbẹ̃ ịsụ́ ndẽ ꞌbá ꞌbá ịpị́lépi ĩnzõ sĩ rĩ rá.

Ị́jọ́ Uꞌbéŋá 29:1

ꞌBá imbe ũkpó uzájó drị̃ la gá tí rĩ la ị̃lị̃kị̃ ụ́ꞌdụ́ ãlu agá, icó ru drị̃ ingalé ị̃dị́ ku.