Ị́jọ́ Uꞌbéŋá 30:8 - Aringa

⁸ Mí ĩdã ĩnzõ alị́jó ãzíla adrujó ĩnzóꞌbá rĩ kí má rụ́ ꞌdâ rá-rá ru, ífẽ jõ má adru mání lẽmẽrí ru ku jõku málĩ trũ ambamba ku fô, wó ífẽ mání íná ụ́ꞌdụ́ ãlu-ãlu sĩ rĩ ꞌbã adru cí.

Ị́jọ́ Úꞌdí rĩ

⁸ Mí ĩdã ĩnzõ alị́jó ãzíla adrujó ĩnzóꞌbá rĩ kí má rụ́ ꞌdâ rá-rá ru, ífẽ jõ má adru mání lẽmẽrí ru ku jõku málĩ trũ ambamba ku fô, wó ífẽ mání íná ụ́ꞌdụ́ ãlu-ãlu sĩ rĩ ꞌbã adru cí.

Ị́jọ́ Uꞌbéŋá 30:8 ပူးပေါင်းရင်းမြစ်များ

Íꞌdóŋá 28:20

ꞌDã ꞌbã ũngúkú gá Yãkóꞌbõ na ũyõ jọ, “Ãdróŋá drĩ adru má be ãzíla drĩ áma tã mba ãcị̃ mádrị́ ꞌdĩ agá, drĩ vâ mání íná fẽ nalé bõngó sụ̃lé sụ̃sụ̃ rĩ kí abe,

Ãfũŋá 16:15

ꞌBá Ịsịrayị́lị̃ drị̂ kí mụ ndrelé la ꞌbo, nị̃ kí ãkõ ãꞌdu yã rĩ gá ku iꞌdó kí ru ụzịlé cénĩ-cénĩ rú, “Ãko ꞌdĩ ãꞌdu?” Ị́jọ́ ꞌdĩ sĩ, Mụ́sã jọ ĩꞌbaní, “ꞌdĩ bã sĩ ãkónã Úpí ꞌbã fẽlé ĩminí nalé rĩ ꞌi.

Ãfũŋá 16:18

ꞌBá ꞌdĩ kí mụ ãkónã ĩꞌbaní tralé rĩ kí ụ̃ꞌbị̃lé ꞌbo, ꞌbá tralépi la ĩyõ rĩ ꞌbaní adru ambamba ku, ãzíla tralépi la were rĩ ꞌbadrị̂ adru kí dọ́dọ́ ku. ꞌBá pírí tra kí ãkónã calépi ĩꞌbaní lẽlé rĩ vú sĩ.

Ãfũŋá 16:29

Ĩndre drĩ ma Úpí ꞌi, áfẽ ĩminí Sãbátũ sĩ avị́jó ụ́ꞌdụ́ ázíyá sãbị́tị̃ ãlu-ãlu drị̂ sĩ, ĩmi ãkónã tra ụ́ꞌdụ́ ị̃rị̃ ãni. ꞌBá pírí ꞌba uꞌá kí ãngũ ãlu gá ụ́ꞌdụ́ sãbátũ drị̂ sĩ; ꞌbá ãzí ꞌbã fũ ãmvé ku.”

Ãfũŋá 16:35

ꞌBá Ịsịrayị́lị̃ drị̂ na kí dó mãnã ílí kãlị́ sụ, kpere ĩꞌbaní acá agá ãngũ ĩꞌbã kí sĩ ri jó rĩ gá; na kí dó mãnã kpere ĩꞌbaní ca agá lõkókõrí Kãnánĩ drị̂ gá.

Ị́jọ́ Uꞌbéŋá 13:5

ꞌBá ãlá rĩ ngụ̃ kí ĩnzõ ũnzí, wó ꞌbá ũnzí rĩ kí drị̃nzá ají.

Ị́jọ́ Uꞌbéŋá 21:6

Málĩ ịsụ́lé ĩnzõ sĩ rĩ la nga ũfú áni háwu; ãzíla ĩꞌdi mãtégõ drã ãni la.

Ị́jọ́ Uꞌbéŋá 22:8

ꞌBá ásị́ ũnzĩ ngalépi rĩ la drị̃lẹ́ ũnzĩ tra áyụ, ị́jọ́ ũnzí ĩꞌdi ꞌbã ngalé rĩ la ãsị̃ rá.

Ị́jọ́ Uꞌbéŋá 23:5

ãꞌdusĩku málĩ la ãvĩ ꞌbá drị́ gá ꞌdâ mịfị́ ꞌbã ru bĩjó kámị́ rĩ áni, ụ́pị́pị́ la drĩ kí ãrũ ꞌbo, ĩꞌdi nga ũlí gá cécé yụ́kụ̂ ꞌbã ngajó rĩ áni.

Ị́jọ́ Uꞌbéŋá 30:7

“Úpí; ị́jọ́ mání aꞌị́lé mídrị́ rĩ kí ị̃rị̃, mí uga mání kí ku ꞌdĩ sĩ ádrã drĩ ku rú fô: