Ị́jọ́ Uꞌbéŋá 24:7 - Aringa

⁷ ꞌBá azalépi aza-azâ rĩ ní, ũndũwá la adru wị́lị́wị́lị́; icó tị nzị̃lé sĩ ị́jọ́ jọjó kẹ̃jị́tị ꞌbá ãmbogo ꞌbã kí sĩ ru trajó rĩ gá ku.

Ị́jọ́ Úꞌdí rĩ

⁷ ꞌBá azalépi aza-azâ rĩ ní, ũndũwá la adru wị́lị́wị́lị́; icó tị nzị̃lé sĩ ị́jọ́ jọjó kẹ̃jị́tị ꞌbá ãmbogo ꞌbã kí sĩ ru trajó rĩ gá ku.

Ị́jọ́ Uꞌbéŋá 24:7 ပူးပေါင်းရင်းမြစ်များ

Ị́jọ́ Uꞌbéŋá 14:6

ꞌBá ãfó trũ rĩ la ũndũwá ndrụ̃ rá ãzíla icó ịsụ́lé la ku, wó ꞌbá vãtáŋá trũ rĩ la ị́jọ́ ụ̃nị̃ mbẽlẽŋá ru.

Ị́jọ́ Uꞌbéŋá 15:24

Gẹ̃rị̃ ꞌbá ũndũwã rú rĩ ꞌbã kí uꞌájó rĩ la kí agụ ídri gá, ị́jọ́ ꞌdĩ sĩ kí dó sĩ ru uná gẹ̃rị̃ ꞌbá agụlépi drã gá rĩ sĩ.

Ị́jọ́ Uꞌbéŋá 17:16

Ála séndẽ fẽ ꞌbá azalépi aza-azâ rĩ drị́ gá sĩ ị́jọ́ ụ̃nị̃jó íngoní ru, ịsụ́ ꞌdĩ sĩ ásị́sị́ŋá la gã ị́jọ́ ụ̃nị̃lé úmgbé?

Ị́jọ́ Uꞌbéŋá 17:24

ꞌBá ị́jọ́ vãlépi rá rĩ la ũndũwã ꞌbã drị̃lẹ́ gá; wó ꞌbá azalépi aza-azâ rĩ ꞌbã mịfị́ ndre ãngũ ãngũ ãlu gá ku.

Ị́jọ́ Uꞌbéŋá 17:7

ꞌBá azalépi aza-azâ rĩ tị gá ị́jọ́ ãlá rĩ ãfũ ku, ãzíla ĩnzõ jọjó rĩ sị úpí ngọ́pị ꞌi ku.

Ị́jọ́ Uꞌbéŋá 22:22

Íra jõ ꞌbá lẽmẽrí rĩ kí ꞌbã ãko kí ĩꞌbaní adrujó lẽmẽrí rĩ sĩ ku; ãzíla mí uní ꞌbá ãzãkoma lẽlépi rĩ kí ꞌbã ị́jọ́ dũwánĩ gá ku,

Ị́jọ́ Uꞌbéŋá 28:5

ꞌBá ị́jọ́ ũnzí ngalépi rĩ ĩꞌdi ꞌbá ị́jọ́ lịlẹ́ pịrị rĩ ífí vãlépi ku rĩ ꞌi, wó ꞌbá Úpí Ãdróŋâ ndrụ̃lépi rá rĩ vã ị́jọ́ lịlẹ́ pịrị rĩ lọ́lọ́.

Ị́jọ́ Uꞌbéŋá 31:23

Ágô ꞌbá ãzí ị̃nzị̃lé ị̃nzị̃-ị̃nzị̃, ũꞌbí kí drĩdríŋĩ gá táwụ̃nị̃ agá ꞌdãá la.