Ị́jọ́ Uꞌbéŋá 21:6 - Aringa

⁶ Málĩ ịsụ́lé ĩnzõ sĩ rĩ la nga ũfú áni háwu; ãzíla ĩꞌdi mãtégõ drã ãni la.

Ị́jọ́ Úꞌdí rĩ

⁶ Málĩ ịsụ́lé ĩnzõ sĩ rĩ la nga ũfú áni háwu; ãzíla ĩꞌdi mãtégõ drã ãni la.

Ị́jọ́ Uꞌbéŋá 21:6 ပူးပေါင်းရင်းမြစ်များ

Ị́jọ́ Uꞌbéŋá 10:2

Málĩ ịsụ́lé gẹ̃rị̃ ũnzí sĩ rĩ ꞌbã ụ̃rọ̃drị́ ꞌdá yụ, wó ị́jọ́ mgbã rĩ la ꞌbá pa drã agá nĩ.

Ị́jọ́ Uꞌbéŋá 13:11

Málĩ ịsụ́lé gẹ̃rị̃ ũnzí sĩ rĩ la ãvĩ gbõrú, wó ꞌbá málĩ ĩꞌdidrị̂ kí ụ̃tị̃lépi were-were rĩ ꞌbã málĩ kí zo zõ.

Ị́jọ́ Uꞌbéŋá 20:14

ꞌBá ãko ĩgbãlépi rĩ la jọ la, “Ãjẹ̃ adru múké ku! Má icó ụ̃rọ̃drị́ ịsụ́lé ku!” ꞌDã ꞌbã ũngúkú gá drĩ dó trũ mụ ꞌbo, ĩꞌdi dó ãfó ají ãko ĩꞌdi ꞌbã ĩgbãlé ꞌdã sĩ.

Ị́jọ́ Uꞌbéŋá 20:21

ꞌBá ãwítã ịsụ́lépi mbẽlẽ iꞌdóŋá gá rĩ, icó adrulé drị̃lẹ́ba rú ãsị̃ŋá gá ku.

Ị́jọ́ Uꞌbéŋá 22:8

ꞌBá ásị́ ũnzĩ ngalépi rĩ la drị̃lẹ́ ũnzĩ tra áyụ, ị́jọ́ ũnzí ĩꞌdi ꞌbã ngalé rĩ la ãsị̃ rá.

Ị́jọ́ Uꞌbéŋá 30:8

Mí ĩdã ĩnzõ alị́jó ãzíla adrujó ĩnzóꞌbá rĩ kí má rụ́ ꞌdâ rá-rá ru, ífẽ jõ má adru mání lẽmẽrí ru ku jõku málĩ trũ ambamba ku fô, wó ífẽ mání íná ụ́ꞌdụ́ ãlu-ãlu sĩ rĩ ꞌbã adru cí.

Ị́jọ́ Uꞌbéŋá 8:36

Wó ꞌbá áma ịsụ́lépi ku rĩ adrá ru cénĩ; ꞌBá pírí áma ngụ̃lépi ũnzí rĩ lẽ kí drã.”