Ị́jọ́ Uꞌbéŋá 19:11 - Aringa

¹¹ ꞌBá ũndũwá ru rĩ la ũmbã ĩꞌdidrị̂ drị̃ ụtrị́ rá; ĩꞌdi ãrútáŋá ịsụ́ ĩꞌdi ꞌbã ị́jọ́ ũnzí ꞌbã ãrígó tị ũfẽjó ku rĩ sĩ.

Ị́jọ́ Úꞌdí rĩ

¹¹ ꞌBá ũndũwá ru rĩ la ũmbã ĩꞌdidrị̂ drị̃ ụtrị́ rá; ĩꞌdi ãrútáŋá ịsụ́ ĩꞌdi ꞌbã ị́jọ́ ũnzí ꞌbã ãrígó tị ũfẽjó ku rĩ sĩ.

Ị́jọ́ Uꞌbéŋá 19:11 ပူးပေါင်းရင်းမြစ်များ

Ị́jọ́ Uꞌbéŋá 11:13

ꞌBá ꞌbá rụ́ jọlépi rĩ la ị́jọ́ jọlé ũní rĩ kí lũ rá, wó ꞌbá ị́jọ́ mgbã trũ rĩ la ị́jọ́ ũní rĩ tã mba rá.

Ị́jọ́ Uꞌbéŋá 12:16

ꞌBá azalépi aza-azâ rĩ la ũmbã ĩꞌdidrị̂ iꞌda cọtị́, wó ꞌbá ũndũwá rú rĩ la ĩyãŋã tútú údrĩ táni ĩꞌdi uꞌdá rĩ gá.

Ị́jọ́ Uꞌbéŋá 14:29

ꞌBá ũmbã rụlépi mbẽlẽ ku rĩ ĩꞌdi vãtáŋá trũ, wó ꞌbá ásị́ ãcí rĩ la ru aza iꞌda tọndọlọ.

Ị́jọ́ Uꞌbéŋá 15:18

ꞌBá ásị́ ãcí rĩ la ãgátã ají, wó ꞌbá ị́jọ́ talépi rĩ la ãwãŋá atrị rá.

Ị́jọ́ Uꞌbéŋá 16:32

ꞌBá ũmbã rụlépi gbõrú ku rĩ ndẽ ꞌbá ũkpó trũ rĩ rá, ãzíla ꞌbá ru ũmbã ụtrị́lépi rá rĩ ndẽ ꞌbá táwụ̃nị̃ ãmbógó rĩ ꞌdụlépi rĩ rá.

Ị́jọ́ Uꞌbéŋá 17:14

Ãwãŋá iꞌdóŋá ĩꞌdi cécé ị̃yị́ tị̃lépi ãngũ ãlu gá ãmbógó rĩ ꞌbã tị nzị̃jó rĩ áni. Ị́jọ́ ꞌdĩ sĩ lẽ mí atrị ãwãŋá ꞌdĩ sĩ ĩmi andi drĩ ĩmi ku rú.

Ị́jọ́ Uꞌbéŋá 20:22

Lẽ íjọ, “Ma ị́jọ́ ũnzí míní idélé ꞌdĩ ꞌbã ãrígó tị ũfẽ rá la ku!” Ítẽ Úpí ꞌi ãzíla ĩꞌdi ími pa rá.

Ị́jọ́ Uꞌbéŋá 20:3

Ĩꞌdi ị̃nzị̃táŋá ru ꞌbá ãwãŋá gãlépi úmgbé rĩ nî, wó ꞌbá azalépi aza-azâ rĩ la ãwãŋá iꞌdó gbõrú-gbõrú.

Ị́jọ́ Uꞌbéŋá 25:21

Mẹ́rọ́ꞌbá mídrị̂ drĩ adru ãbị́rị́ sĩ, lẽ ífẽ ĩꞌdiní ãkónã nalé; ị̃yị́ vị́ ndẽ jõ ĩꞌdi rá, lẽ ífẽ ĩꞌdiní ị̃yị́ mvụlé.

Ị́jọ́ Uꞌbéŋá 29:11

ꞌBá azalépi aza-azâ rĩ la ũmbã ĩꞌdidrị̂ iꞌda tọndọlọ, wó ꞌbá ũndũwá trũ rĩ la ị́jọ́ kî ꞌdụ ásị́ jã sĩ.